Dreamer Deceiver

«Dreamer Deceiver» er ein powerballade av det britiske heavy metal-bandet Judas Priest frå 1976 på albumet Sad Wings of Destiny. I motsetnad til andre songar på albumet er songen ein «spacy ballade».^[1] Songen er skriven av den opphavlege songaren i Judas Priest, Al Atkins, men han fekk aldri spele inn songen med bandet. Han spelte seinare inn songen på eit av soloalbuma sine. Songen er kjend for å syne den fulle rekkjevidda til Rob Halford, frå roleg song til skrik i høgt toneleie. Songen vart framført av bandet på det britiske fjernsynsshowet The Old Grey Whistle Test i 1975.

Teksten skildrar ein figur som tar forteljaren opp til himmelen. Han endar opp å «gå seg vill der oppe», men har «fred i sinnet». Han instruerer lyttaren om å prøve å finne ein veg. Gitarsoloen vert framført av Glenn Tipton. Denne songen glir over i den neste songen, «Deceiver», via eit langt, høgt hyl av Halford.

Songen har ikkje blitt spelt av bandet sidan slutten av 1976, men er likevel blitt ein favoritt hos fansen.