Doug Yule

Douglas Alan Yule (fødd 25. februar 1947) er ein USA-amerikansk musikar og songar, mest kjend som medlem av The Velvet Underground frå 1968 til 1973.

Doug Yule
Yule i 2009
Fødd	25. februar 1947 (77 år)
Fødestad	Mineola i New York i USA
Fødenamn	Douglas Alan Yule
Opphav	USA
Aktiv	1965–1977 sidan 1997
Sjanger	Rock kunstrock folkrock
Instrument	bassgitar vokal klaverinstrument guitar
Tilknytte artistar	The Grass Menagerie The Velvet Underground Lou Reed American Flyer RedDog
Verka som	Musikar låtskrivar

Då John Cale fekk sparken i The Velvet Underground av Lou Reed i 1968, kom Yule inn i bandet. Broren til Yule, Billy, var òg med i bandet ei stund då den faste trommisen Maureen Tucker vart gravid. Lou Reed slutta i The Velvet Underground i august 1970, og Yule valde å halde fram i lag med resten av bandet. Han tok då over på solovokal. Seint i 1972 slutta resten av bandet og Yule vart det einaste medlemmet som var att. Han fekk med seg studiomusikarar og spelte inn albumet Squeeze seint i 1972. Det kom ut i 1973 og var i røynda eit soloalbum av Yule. Bandet vart oppløyst kort tid etter.

I 1974 spelte Yule med Reed att, då han spelte bass på soloalbumet Sally Can't Dance (1974). og Coney Island Baby i 1975.

Yule spelte òg med Elliott Murphy, og vart med i bandet American Flyer som trommeslagar og korsongar.