Ørstafjorden
fjord i Ørsta i Møre og Romsdal i Noreg
Ørstafjorden er ein fjordarm av Vartdalsfjorden i Ørsta kommune på Sunnmøre. Han har ei lengd på 10 km og strekkjer seg frå Raudøya og inn til fjordbotnen ved Ose.
![](http://upload.wikimedia.org/wikipedia/commons/thumb/f/f4/%C3%98rstafjorden.jpg/330px-%C3%98rstafjorden.jpg 1.5x, //upload.wikimedia.org/wikipedia/commons/thumb/f/f4/%C3%98rstafjorden.jpg/440px-%C3%98rstafjorden.jpg 2x)
Fjorden er opptil to km brei og den største djupna er 172 m. Ørstafjorden er ein terskelfjord, mellom Lianeset på nordsida og Sørheim på sørsida går ein bergrygg . Dette, samanhalde med relativ stor tilførsle av ferskvatn, gjer at indre delar av fjorden frys til i kuldebolkar.
Liadalen ligg like innanfor innløpet på austsida. Sjølve tettstaden Ørsta ligg inst i fjorden. E39 går frå Ørsta og langs nordsida av fjorden.