John Isner

Isner speel van 2003 bit 2007 College Tennis an de University of Georgia. He weer lang Tiet de Nummer 1 vun de NCAA-Tennisranglist. In’t College Tennis hett Isner 139 Enzelt Siege schafft. Dormit weer he de spoodriekst Speler in de Historie vun den Universität vun Georgia.

In’ Sömmer 2007 fung Isner sien Profiloopbahn up de ATP-Tour an. Sien bitlang gröttste Spood reck he bi dat ATP-Turnier vun Washington D.C., an dat he blots deelnehmen kunn, weil he en Wildcard kreeg, wiel en Verletzung an’ Rügg harr un he nahrücken kunn. He legg dor noch up Platz 416 vun de Weltranglist, kunn aber hier nahnanner Tim Henman, Benjamin Becker, Wayne Odesnik, Tommy Haas un Gaël Monfils besiegen un keem so in’t Finale, wo he aber mit 4:6, 6:7 tegen Andy Roddick verlor. Isners is 2,06 m groot un ok dorum is sien Upslag besünners good. In den Turnierverloop kunn he 144 Asse slahn. Up den Weg in’t Finale kunn he sien Spelen blots all in’ Tie-Break vun den darten Satz winnen.

2009 gung dat mit sien Karriere wat vöran. So keem he bi de Australian Open in de darte Runn. An’ Enn’ vun dat Johr stunn he all up Platz 34 vun de Weltranglist.

2010 hett he sien eersten Turniersieg up de ATP-Tour schafft. Bi dat Turnier vun Auckland wunn he dat Endspeel gegen Arnaud Clément mit 6:3, 5:7, 7:6². Den tweeten Titel wunn he in dat sülvig Johr in’t Düppel tosommen mit Sam Querrey in Memphis.

2012 is he intüschen bit up Platz 9 vun de Weltranglist kommen, wiel he ok in twee ATP-Finals kommen is, de he aber beid verloren hett. In dat glieker Johr hett he ok an de Olympisch Spelen deelnommen un keem dor bit in’t Veertelfinale, wat he gegen Roger Federer verloren hett.

Isner studeert Spraakwetenschapen an de Universität Georgia un hett twee öllere Bröers.

Nah en Sieg över 2007 Tommy Haas hett de Düütsche ut Jux en Gröttenbeschränkung för ATP-Speler fordert.^[1] Isner is nah den Kroaten Ivo Karlovic de gröttste Speler up de ATP-Tour.

An’ 24. Juni 2010 hebbt Isner un Nicolas Mahut (Frankriek) bi dat Eerstrunnenspeel in Wimbledon en historschen Rekord upstellt. Eerst nah en Gesamtspeeltiet vun 11 Stünn un fiev Minüüt weer dat Speel togunsten vun Isner entschett. Alleen de fievte un entscheeden Satz düer över 8 Stünn un gung mit 70:68. Anfungen harr dat Speel all an’ 22. Juni, muss aber tweemal wegen Dunkelheit afbraken wurrn. Nich blots de Längt, sonnern ok de Tall vun de slahn Asse broch nee Rekorde: Isner kreeg 112, Mahut 103 Asse slahn. Dreestellige Assentall harr vördem noch nie nich en Speler schafft.^[2][3]

• ATP-Profil vun John Isner (engelsch)
• ITF-Profil vun John Isner (engelsch)
• Sien Davis Cup-Statistik (engelsch)
• Sien Websteed (engelsch)]

1. ↑ Haas verzweifelt gegen Nummer 416. FAZ.net, 4. August 2007
2. ↑ Wimbledon - 70:68! Tennis-Wahnsinn zu Ende Eurosport, 24. Juni 2010
3. ↑ Isner gewinnt längstes Tennis-Spiel der Geschichte. In: tagesschau.de. 24. Juni 2010, afropen an’n 24. Juni 2010.