Eiraque

Eiraque ye un paíç de l'Ásia.

Eiraque

Lhéngua oufecial	Árabe
Capital  - Populaçon:	Bagdade

L território de l'atual Eiraque fui l brício de la ceblizaçon suméria (la ceblizaçon mais antiga de l mundo) por buolta de 4 000 a.C. Ne l'anho de 2 550 a.C., acunteciu a unificaçon de la Suméria cula Acádie feita pul patesi Sargon. Seclos mais tarde l Ampério de Sargon çmorona: ocorren reboltas anternas i ls pobos nómades benidos de ls Montes Zagros (ls pobos gútios) cunquistan l Ampério. Ne l'anho de 1 950 a.C. eilhes cunquistan l Ampério defenitibamente depuis de dibersos ataques de ls eilamitas i de ls Amoritas. Tal motibo de tantos cumbates serie de las tierras férteis localizado de l riu Nilo até ls Prainos Iranianos.

Ls eilamitas tomórun l stremo Norte de l'atual Eiraque (de l Ampério de Sargon), anquanto ls amoritas que formában l Ampério Paleobabilónico acupában l Centro-Sul. Ls hurritas dominában l norte eiraquiano acabórun sendo cunquistado puls eigípcios i puls hititas. Ls eigípcios i ls hititas que stában dominando l'antigo Ampério Mitani, acabórun sendo dominados puls amoritas, i ls amoritas acabórun sendo dominados puls cassitas, reconquistando l'ampério, lougo l II Ampério Mitani acabou çmoronando nas manos de ls eilamitas.

Ls amoritas que formórun l Purmeiro Ampério Babilónico acabórun sendo cunquistados puls assírios por causa de la muorte de l rei Hamurábi. Ciaxares, rei de la Média, cun aliança cul rei de ls caldius, ambadiu Assur an 615 a.C. i, an 612 a.C., tomou Nínibe, ponendo fin al stado assírio. Por causa de l'andependéncia de l Eigito, ocorrírun dibersas manifestaçones na Fenícia i ne l Elon. Ls persas se aprobeitando desso,cunquistórun ls eilamitas ne l'anho de 539 a.C. durante la Dinastie Aqueménida persa. L II Ampério Babilónico formado puls caldius acabou sendo dominado tamien puls Persas. Passado la tentatiba frustrada de Dario (xá) de cunquistar la Grécia, l'ampério aqueménida ampeçou a declinar. Décadas de golpes, reboltas i assassinatos anfraquecírun l poder de ls aqueménidas. An 333 a.C., ls persas yá nun tenien mais fuorça para suportar l'abalanche d'ataques de Alexandre, l Grande, i an 330 a.C., l radadeiro xá, Dario III, fui assassinado por sou sátrapa Besso, i l purmeiro Ampério Persa caiu an manos de ls griegos i macedónios.

L Ampério de Alexandre, l Grande

Spanson de l califado

L Ampério Seléucida fui un stado político heilenista qu'eisistiu passado la muorte de Alexandre III de la Macedónia, cujos generales entrórun an cunflito pula debison de sou ampério. La dinastie arsácida (ó Parta) fui l mais duradouro de ls ampérios de l'antigo Ouriente Médio. Nómades partas, d'ourige iraniana, anstalórun-se ne l Praino Iraniano i stablecírun un pequeinho reino andependiente. Sob la liderança de l Rei Mitrídates, l Grande (171-138 a.C.), l reino parta tornou-se dominante na region, submetendo la Média, la Mesopotámia i la Assíria. L Ampério Parta acupaba to l território de l'atual Eiran, bien cumo ls modernos Eiraque, Azerbaijon, Arménia, Geórgia, l leste de la Turquie, l leste de la Síria, Turcomeniston, Afeganistan, Tajiquiston, Paquiston, Kuwait i la cuosta de l Golfo Pérsico de la Arábia Saudita, Bareine i Eimirados Árabes Ounidos.

L'ampério chegou al fin an 224 d.C., quando l radadeiro xá parta fui derrotado por un de sous bassalos, Artaxes de ls persas, de la dinastie sassánida. Las frequentes guerras culs romanos liebórun a la sauston i a la çtruiçon de l Ampério Sassánida. Cun Custantinopla sitiada, l Amperador bizantino Heiráclio flanqueou ls persas pul mar na Ásia Menor i atacou-los pula retaguarda, l que resultou nua derrota decesiba an 627 pa ls sassánidas na Mesopotámia setentrional. Estes biran-se oubrigados a abandonar todos ls territórios cunquistados i recuar, seguindo-se l caos anterno i la guerra cebil. Passado 14 anhos i siete reis defrentes, l Ampério Persa fui subjugado puls árabes muçulmanos; cul assassinato, an 651, de l radadeiro xá sassánida Isdigerdes III, sou território fui absorbido pul Califado.

Cunquistada por persas i griegos, la Mesopotámia se torna l centro dun basto ampério árabe ne l seclo VII (purmeira dinastie de califas de l profeta Maomé: la Dinastie Omíada de ls çcendentes de Meca). Un seclo depuis, la dinastie abássida decidiu mudar la capital de Damasco pa l leste, i l califa Almançor custruiu la nuoba capital, Vagdá, nas bordas de l riu Tigre. Durante trés seclos, la cidade de las "Mil i ua Nuites" fui l centro dua nuoba cultura.

Era Cuntemporánea

Rei Faiçal I de l Eiraque (1921-1933).

Las frunteiras ourientales de l Ampério Otomano bariórun mui al longo de seclos de çputas culs Mongóis i outros pobos de la Ásia Central, mais tarde seguidas de çputas cul Ampério Russo, ne l seclo XIX. Na region de l moderno Eiraque, fuorças anglesas habien ajudado a ourganizar sublebaçones regionales cuntrárias al domínio otomano durante to la I Guerra Mundial. L Eiraque moderno naciu an 1919, quando l Ampério Otomano, fui çmembrado, depuis de la Purmeira Guerra Mundial.

An 1920 la Cunferéncia de San Remo lebou a l'amposiçon dun mandato de la Liga de las Naciones pa la Anglaterra admenistrar l Eiraque, adonde andicórun la británica Gertrude cumo gobernadora daquela region. L Rei Faiçal I fui coronado puls británicos cumo xefe de Stado, ambora tubisse un poder meramente simbólico delantre l domínio anglés. Esto fizo eclodir ua nuoba rebelion andependentista. Para dominar l Eiraque, las tropas británicas rializórun ua berdadeira guerra colonial, outelizando-se de fuorças blindadas i bumbardeios aéreos contra bilas i cidades eiraquianas durante to la década de 1920, qu'ancluíran l'uso d'armas químicas cumo l gáç mostarda lançado d'abiones.

An 1932 l Eiraque tubo sue andependéncia formalizada, ambora cuntinasse sob fuorte anfluéncia anglesa, yá que l Reino Ounido cunseguiu manter nembros de l'antigo gobierno colonial (1920-1932) durante l cúrtio período d'andependéncia de l Eiraque gobernado pul Rei Faiçal (1932-1933) i na sequéncia, an gobiernos de ls sous çcendentes de la dinastie hachemita.

Muhammad Najib aire-Ruba'i, purmeiro persidente de l Eiraque

Passado la muorte de l rei Gazi, filho de Faiçal, an 1939, fui anstituído un período de regéncia, pus l rei Faiçal II tenie solo 4 anhos. Na maior parte de l período de regéncia, l tio de l rei, Abdulillah (Abdel Eila), gobiernou l Eiraque. Este era un gobierno pró-británico até l'ampeço de la II Guerra Mundial. An Márcio de 1940, l Purmeiro-Menistro i General Nuri las-Said fui sustituído por Rashid Eilhi al-Gailani, un nacionalista radical, qu'adotou ua política de nun coperaçon culs británicos. La presson británica que se seguiu lebou a ua rebolta melitar nacionalista an 30 de Abril de 1941, quando fui formado un nuobo gobierno, pró-Almanha, ancabeçado por Gailani. Ls británicos zambarcórun tropas an Vaçorá i acunteciu ua rápida guerra antre ls dous países an Maio, quando ls angleses restablecírun l cuntrole subre l Eiraque i Faiçal II fui reconduzido al poder. An 17 de Janeiro de 1943 l Eiraque declarou Guerra a la Almanha. La Grana-Bretanha acupou l Eiraque até 1945 i debediu l'acupaçon de l bezino Eiran culas fuorças de la URSS. Durante la guerra l Eiraque fui un amportante centro de suprimiento pa las fuorças de ls Stados Ounidos i de la Grana-Bretanha qu'ouperában ne l Ouriente Médio i de trasbordo d'armas pa la URSS. Passado la II Guerra Mundial, l Eiraque se tornou ária d'anfluéncia de ls EUA, assinando l Pato de Bagdá an 1955 cun EUA i Turquie.

L Eiraque participou de la guerra árabe-eisraelense de 1947-1949 (Ber: Guerra árabe-eisraelense de 1948), i apoiou ls países árabes an guerra contra Eisrael na Guerra de ls Seis Dies (1967) i na Guerra de l Yon Kipur (1973). Cula crise política de ls anhos 1950, l Eiraque chegou a formar ua cunfederaçon cula Jordánia an 1958, que dissolbiu-se cul fin de la monarquia i l'ampeço de la república ne l mesmo anho. L período 1959-1979 fui bastante cunturbado na stória eiraquiana, cun dibersos golpes de Stado i participaçon an dues guerras.

Reboluçon de 14 de Júlio

An 17 de júlio de 1968, Ahmed Hassan al-Bakr dou un golpe de stado que derrubou la república i l persidente Abdul Rahman Arif, colocando ls baathistas ne l poder. Onze anhos depuis, an 15 de júlio de 1979, l sunita Saddan Hussein (até anton bice d'al-Bakr) assumiu la liderança de l paíç, ampeçando un gobierno que durarie até la Ambason amaricana al Eiraque an 2003. Saddan liderarie l Eiraque contra l Eiran, na longa i sangrenta Guerra Eiran-Eiraque, apoiado puls EUA. Antretanto, passado ambadir l Kuwait an 1990, l paíç fui duramente atacado pula coalizon de países liderada puls EUA na Guerra de l Golfo, an 1991. L gobierno de Saddan fui marcado por abanços eiquenómicos i zambolbimiento de l paíç, sin paralelo cula stória anterior de la nacion. Assi i to, passado la guerra contra l Eiran i contra las poténcias oucidentales pul Kuwait, l'eiquenomie de l Eiraque antrou an colapso. La corrupçon ne l teta de l regime i l'ancolhimiento eiquenómico fui seguido por anhos de tenson setária, antre sunitas, xiitas i curdos. Para reprimir ua rebelion deste radadeiro, acerca de l fin de la guerra cul Eiran, las fuorças de Hussein lançórun la chamada Ouparaçon Anfal, que resultou an mais de 180 000 muortes.

Saddan Hussein fui persidente i ditador de l Eiraque antre 1979 i 2003.

Ls xiitas tamien se rebelórun, an 1991, mas sue rebolta fui eigualmente sufocada, cun un saldo de mais de 230 000 pessonas muortas. Durante la década de 1990, l paíç fui assolado cun tenson setária i pobreza strema (specialmente antre la populaçon xiita), decorriente de la mala geston, de l'anfraestrutura precária i de la corrupçon de l regime sunita de Saddan. Ls Stados Ounidos i sous aliados rializórun bumbardeios sporádicos pul paíç (cumo an 1996 i 1998). dues zonas de scluson aérea (las ouparaçones Northern Watch i Southern Watch) subre l Eiraque fúrun ampostas pula OTAN, cul oubjetibo de lemitar la capacidade de l'eisército eiraquiano d'ousar bioléncia sagerada contra las minories i tentar ampedir repressones étnicas, al mesmo tiempo que tentaba anfraquecer l regime baathista. Esso acabou por deteriorar inda mais l'anfraestrutura cebil i melitar de l paíç.

Passado ousar armas químicas i biológicas na guerra contra l Eiran i na represson de ls xiitas i curdos, l regime de Saddan Hussein ampeçou a sofrer presson anternacional para qu'el abrisse mano de tales armamientos. Sançones eiquenómicas fúrun anton ampostas pula quemunidade anternacional i pula ONU, debido la falta de colaboraçon de las outoridades eiraquianas. L resultado fui nua acentuaçon de la pobreza i deterioraçon de l'anfraestrutura anterna. Assi i to, anque todo, l regime de Saddan permaneciu firme até 2003, quando ua coalizon oucidental de ls Stados Ounidos l derrubou de l poder.

Anterbençon anternacional i trasiçon para república

Ber artigos percipales: Ambason de l Eiraque an 2003 i Guerra de l Eiraque

dous tanques de guerra amaricanos M1 Abrams de las fuorças d'acupaçon de la Coalizon an frente al monumiento de las "Manos de la Bitória", ne l centro de Bagdá, an 2003

An 20 de márcio de 2003, ua coalizon liderada puls Stados Ounidos ambadiu l Eiraque, cul motibo declarado de zarmar l paíç que, segundo las poténcias oucidentales, habie falhado ne l'abandono de sues armas químicas i nucleares, an biolaçon al Porgrama de Zambolbimiento de las Naciones Ounidas, resoluçon 687. Ls amaricanos i sous aliados afirmórun que debido l Eiraque star biolando las normas de la resoluçon 687, l'outorizaçon pa l'uso de fuorças armadas dessa resoluçon fui reabibado. Ls Stados Ounidos inda justifican l'ambason, afirmando que l regime de Saddan Hussein tenie ó staba a zambolber armas de çtruiçon an massa i declarando l zeio de remober un ditador oupressibo de l poder i liebar la democracie al Eiraque. Ne l sou çcurso subre l "Stado de la Ounion" de 29 de janeiro de 2002, l Persidente George W. Bush declarou que l Eiraque era un nembro de l "Eixe de l Mal", i que, tal cumo la Coreia de l Norte i l Eiran, l Eiraque tentaba adquirir armas de çtruiçon an massa, resultando nua séria amenaça a la sigurança nacional de ls I.U.La., Bush dixe inda:

L Eiraque cuntina a ostentar la sue hostelidades an direçon als Stados Ounidos i sou apoio al terror. L regime eiraquiano ten zambolbido antrax, gases qu'afetan l sistema nerboso, i armas nucleares por mais dua década … Este ye l regime que cuncordou cun anspeçones anternacionales - depuis spulsou ls anspetores. Este ye un regime que ten algo a sconder de l mundo cebelizado … Percurando armas de çtruiçon an massa, estes regimes [l Eiran, l Eiraque i la Coreia de l Norte] repersentan un grabe i crecente peligro. Eilhes poderien fornecer estas armas als terroristas, prestando-les ls meios para corresponder al sou rábia.

Ua státua de Saddan Hussein ne l centro de Bagdá sendo derrubada an abril de 2003

Assi i to, d'acuordo cun un relatório mais abrangente de l própio gobierno de ls Stados Ounidos, nanhue arma de çtruiçon an massa fui ancontrada zde l'ambason, anque tener sido ancontrado grande cantidade de materiales primas para porduçon dessas armas.

Anque de la rápida bitória i deposiçon de l regime de Saddan Hussein, l'acupaçon acabou sendo zastrosa. Grupos xiitas i sunitas armórun-se i ampeçórun un mobimiento de resisténcia contra las fuorças de la coalizon oucidental. Ls rebeldes tamien ampeçórun a cumbater nun solo ls amaricanos mas uns als outros, dando ampeço a un sangrento cunflito de caráter setairo i relegioso. Dibersas façones cumo l chamado "Eisército Mahdi", ua milícia xiita, i la Al-Qaeda, primordialmente sunita, ampeçórun, a partir de 2004, sangrentos ambates por to l paíç. Antre 2004 i 2007, l Eiraque bibeu ua guerra cebil qu'acabou ceifando cientos de miles de bidas. Nesse meio tiempo, an 2006, Saddan Hussein fui liebado a julgamiento por crimes contra l'houmanidade i anforcado. Para sucede-lo ne l poder, fui anstituído un gobierno (formado por outoridades strangeiras) chamado Outoridade Probisória de la Coalizon, xefiado pul amaricano Paul Bremer. Assi i to, tanto l'eisecuçon de Saddan quanto la formaçon de l gobierno probisório, nun cunseguiu trazer ua fin na bioléncia qu'assolaba la nacion. La dissoluçon tanto de l'eisército baathista, cumo de l'antiga anfraestrutura gobernamental, pulas poténcias oucidentales acabou liebando l paíç al caos, birando l Eiraque nua zona de guerra sangrenta i brutal.

Nin mesmo l'anstalaçon dun parlamiento democraticamente eileito an 2005 (l purmeiro an décadas) cunseguiu por ua fin na bioléncia setária i relegiosa qu'assolaba l Eiraque. Ibrahin al-Jaafari, nomeado purmeiro-menistro, nun cunseguiu trazer l paíç la stabelidade esperada. Sou sucessor, Nouri al-Maliki, tamien falhou ne l propósito de trazer ua fin la guerra. An 2007, l persidente amaricano George W. Bush ourdenou l'ambio de 20 000 nuobos suldados amaricanos, liebando l total de fuorças strangeiras ne l Eiraque para 176 000 cumbatentes (ancluindo 148 000 stadunidenses). Passado l'ambio destes reforços, la bioléncia ne l paíç ampeçou a caer. Cula situaçon de sigurança melhorando i l'eiquenomie de l paíç ampeçando a stabelizar, l parlamiento eiraquiano pediu formalmente para que ls Stados Ounidos retirassen sues tropas.

Persidente amaricano Bush i l purmeiro-menistro eiraquiano al-Maliki, an 2006.

Ne l'anho seguinte, fuorças dinamarquesas, australianas i d'outros países ampeçórun a retirar sues fuorças de l Eiraque. Inda an 2008, l Reino Ounido, percipal parceiro de ls amaricanos na region, tamien dórun ampeço la sue retirada de l território eiraquiano. Ne l mesmo anho, l gobierno Bush i l purmeiro-menistro de l Eiraque firmórun un acuordo pa la retirada cumpleta de ls suldados de ls Stados Ounidos de l paíç, ancerrando las atebidades de la coalizon por alhá. Generales amaricanos criticórun l praino, afirmando que sue salida d'alhá poderie reascender l cunflito. Mas, l'admenistraçon de l persidente Barack Obama, que sucediu Bush, staba detreminada a ancerrar la guerra de l Eiraque dua beç por todas. An 2009, l'eisército de ls Stados Ounidos ampeçou a passar la respunsabelidade de defesa de l paíç pa las fuorças de sigurança eiraquianas (armadas i financiadas puls amaricanos). An dezembre de 2011, l radadeiro suldado amaricano deixou l Eiraque depuis d'uito anhos de guerra.

Stima-se que mais de 500 000 pessonas téngan morrido ne l cunflito ne l Eiraque antre 2003 i 2011.

Retirada stadunidense i guerra cebil

Ber artigo percipal: Guerra Cebil Eiraquiana (2011–2017)

Ber tamien: Stado Eislámico de l Eiraque i de l Liebante i Anterbençon melitar ne l Eiraque (2014–persente)

Situaçon atual

  Cuntrolado pul gobierno eiraquiano

  Cuntrolado puls curdos eiraquianos

La retirada amaricana de l Eiraque an 2011 bieno durante un período an que l númaro de muortes ne l paíç tenie caído pa ls menores nibles zde antes de 2003. Muitos analistas habien afirmado que la salida de ls Stados Ounidos poderie tener sido prematura, pus inda habie ua selombra d'ansurgéncia i muita tenson setária.

La Primabera Árabe i la guerra cebil na bezina Síria ampeçou a zestabelizar la situaçon nas frunteiras eiraquianas al oeste. Xiitas i sunitas buoltórun la se cumbater pulas rues de dibersas cidades de l Eiraque. Al mesmo tiempo, l purmeiro-menistro Nouri al-Maliki aprobeitou la salida de la Coalizon oucidental de sou paíç para ampeçar ua série de mudanças anternas. Purmeiro, spulsou de l sou gobierno i de las fuorças armadas nembros sunitas proeminentes, anquanto colocaba giente de sue cunfiança an cargos amportantes. Sue admenistraçon era cunsidrada stremamente corruta i setária, yá qu'el i la maiorie xiita de l Eiraque parecie nun querer cumpartilhar l poder culs cumpatriotas sunitas.

An 2014, la bioléncia setária i relegiosa ne l Eiraque reacendiu cun to l'antensidade. Cumbates sangrentos ampeçórun a eirromper ne l norte i ne l'oeste de l paíç, adonde la maiorie de la populaçon sunita bibe. L grupo stremista Stado Eislámico de l Eiraque i de l Liebante (EIIL) ampeçou ua pesada oufensiba cul oubjetibo declarado d'anstaurar un califado muçulmano na region, anglobando ua einorme ária de l Eiraque (i tamien de la Síria) i quieren ampor ua bison strita de la lei eislámica ne ls territórios qu'acupan. Na oufensiba, cidades cumo Ticrite, Faluja i Mossul, fúrun tomadas puls jihadistas.

Cula fuorte anstabelidade política, nuobos i sangrentos cumbates eirrompírun pul Eiraque. Atrocidades, cumo assassinatos an massa i saques starien sendo cometidos puls ansurgentes de l EIIL. L gobierno eiraquiano reagiu mandando sous eisércitos contra-atacáren ls rebeldes. L paíç segue atualmente an perfunda anstabelidade anterna.An dezembre de 2017, passado anhos de derramamiento de sangre, las outoridades de l Eiraque declarórun "bitória" na luita contra l Stado Eislámico, afirmando tener spulsado sous melitantes de l território de l paíç.