Wikipedija

Mario Draghi

ekonomista u bankier Taljan; Prim Ministru tal-Italja

Mario Draghi (bit-Taljan: [ˈmaːrjo ˈdraːɡi]; twieled fit-3 ta' Settembru 1947) huwa ekonomista, bankier, akkademiku, impjegat taċ-ċivil, u politiku Taljan li ilu Prim Ministru tal-Italja mit-13 ta' Frar 2021.[1][2] Preċedentement kien il-President tal-Bank Ċentrali Ewropew (BĊE) mill-2011 sal-2019. Draghi kien ukoll President tal-Bord għall-Istabbiltà Finanzjarja mill-2009 sal-2011 u Gvernatur tal-Bank tal-Italja mill-2006 sal-2011.[3]

Mario Draghi
Prim Ministru tal-Italja

13 Frar 2021 - 22 Ottubru 2022
President tal-Bank Ċentrali Ewropew

1 Novembru 2011 - 31 Ottubru 2019
← Jean-Claude Trichet - Christine Lagarde →
Gvernatur tal-Bank tal-Italja

16 Jannar 2006 - 31 Ottubru 2011
← Antonio Fazio - Ignazio Visco →
Ħajja
Twelid Ruma, 3 Settembru 1947 (77 sena)
Nazzjonalità Italja
L-ewwel lingwa Taljan
Familja
Ulied
uri
Aħwa
uri
Edukazzjoni
Alma mater Liceo Classico Massimiliano Massimo (en) Translate
La Sapienza
(unknown value - 1970)
Massachusetts Institute of Technology (en) Translate
(unknown value - 1977) PhD fil-filosofija
Livell tal-edukazzjoni Dottorat fix-Xjenza Ekonomika
Direttur tat-teżi Franco Modigliani
Lingwi Taljan
Ingliż
Okkupazzjoni
Okkupazzjoni ekonomista
bankier
għalliem fl-università
politiku
Parteċipant
Post tax-xogħol Trento
Firenze
Padova
Torino
Cambridge
Belt ta' New York
Ruma
Impjegaturi Università ta’ Trento
Università ta’ Padova
World Bank (en) Translate
John F. Kennedy School of Government (en) Translate
Università ta’ Torino
Università ta' Firenze  (1981 -  1994)
Goldman Sachs  (2002 -  2005)
Premjijiet
List
Influwenzat minn San Injazju ta' Loyola
Sħubija Grupp tat-Tletin
Pontifical Academy of Social Sciences (en) Translate

Wara karriera twila bħala ekonomista akkademiku fl-Italja, Draghi ħadem għall-Bank Dinji f'Washington D.C., l-Istati Uniti, tul is-snin 80 tas-seklu 20, u fl-1991 reġa' lura Ruma biex isir id-Direttur Ġenerali tat-Teżor Taljan. Huwa telaq minn dik il-kariga wara deċennju biex jissieħeb ma' Goldman Sachs, fejn baqa' jaħdem sal-ħatra tiegħu bħala Gvernatur tal-Bank tal-Italja fl-2006. Il-mandat tiegħu bħala Gvernatur inzerta fil-perjodu tar-Reċessjoni l-Kbira tal-2008, u f'nofs il-kriżi finanzjarja ntgħażel biex isir l-ewwel President tal-Bord għall-Istabbiltà Finanzjarja, l-entità li ħadet post il-Forum għall-Istabbiltà Finanzjarja u li kellha l-għan li tistabbilixxi standards globali.

Huwa telaq dawk il-karigi wara li ġie nnominat mill-Kunsill Ewropew fl-2011 biex jaqdi r-rwol ta' President tal-Bank Ċentrali Ewropew (BĊE). Huwa ppresieda fl-istituzzjoni matul il-kriżi taż-żona tal-ewro, u sar famuż fl-Ewropa kollha talli qal li lest jagħmel ħiltu "akkost ta' kollox" biex il-proġett tal-ewro ma jfallix.[4] Fl-2014, Draghi ġie elenkat mir-rivista Forbes bħala t-tmien l-iktar persuna setgħana fid-dinja. Fl-2015, ir-rivista Fortune kklassifikatu bħala "t-tieni l-ikbar mexxej" dinji.[5] Fl-2019, Paul Krugman iddeskrivieh bħala "l-ikbar bankier ċentrali taż-żminijiet moderni".[6] Barra minn hekk, bis-saħħa tal-politiki monetarji tiegħu, huwa jitqies minn bosta bħala "s-salvatur tal-ewro" matul il-kriża Ewropea tad-dejn.[7][8][9][10] Huwa ngħata l-laqam ta' Super Mario minn xi mezzi tax-xandir, u l-laqam ġie popolarizzat tul il-kariga tiegħu bħala President tal-Bank Ċentrali Ewropew, meta ġie akkreditat minn bosta sorsi li kellu rwol ewlieni fil-ġlieda kontra l-kriżi taż-żona tal-ewro.[11][12]

Wara l-mandat ta' Draghi bħala President tal-BĊE ntemm fl-2019, huwa inizjalment reġa' lura għall-ħajja privata tiegħu. Fit-3 ta' Frar 2021, f’nofs il-pandemija tal-COVID-19, Draghi ġie mistieden mill-President tar-Repubblika Taljan Sergio Mattarella biex jifforma gvern ta’ għaqda nazzjonali, wara r-riżenja ta' Giuseppe Conte.[13][14][15] Wara negozjati ta' suċċess mal-partiti Taljani, fosthom il-Lega, il-Moviment tal-Ħames Stilel, il-Partit Demokratiku u Forza Italia, Draghi ħa l-ġurament biex isir Prim Ministru fit-13 ta' Frar 2021, u wiegħed li jissorvelja l-implimentazzjoni effettiva tal-istimolu ekonomiku meħtieġ fil-kriżi tal-COVID-19.[16]

Ħajja bikrija u edukazzjoni

immodifika

Mario Draghi twieled f'Ruma fl-1947 f'familja ta' klassi għolja; missieru Carlo, li kien twieled fl-1895 f'Padova, ingħaqad mal-Bank tal-Italja fl-1922, u iktar 'il quddiem ħadem għall-Istitut għar-Rikostruzzjoni Industrijali (IRI) u għall-Bank Nazzjonali tax-Xogħol (bit-Taljan: Banca Nazionale del Lavoro); filwaqt li ommu, Gilda Mancini, li kienet twieldet f'Monteverde, Campania, ħdejn Avellino, kienet spiżjara. Huwa kien l-ikbar minn tliet aħwa: Andreina, storika tal-arti, u Marcello, imprenditur.[17] Meta kellu 15-il sena miet missieru u meta kellu 19-il sena mietet ommu.[18]

Draghi studja fl-Istitut Massimiliano Massimo, skola tal-Ġiżwiti f'Ruma, fejn kien fl-istess klassi mal-President futur tal-Ferrari, Luca Cordero di Montezemolo, u mal-preżentatur futur tat-televiżjoni, Giancarlo Magalli.[19][20][21] Fl-1970, huwa ggradwa bl-unuri fix-Xjenza Ekonomika fl-Università La Sapienza ta' Ruma, taħt is-superviżjoni tal-ekonomista Keynesjan Federico Caffè; it-teżi li ggradwa biha kien jisimha "L-integrazzjoni ekonomika u l-varjazzjoni tar-rati tal-kambju".[22] Fit-teżi tiegħu, Draghi kien partikolarment kritiku tar-rimarki tal-Prim Ministru tal-Lussemburgu Pierre Werner li l-unjoni monetarja Ewropea kienet "prematura".[23] Draghi kompla jistudja sa ma ġab Dottorat fix-Xjenza Ekonomika mill-Massachusetts Institute of Technology (MIT) fl-1976, din id-darba b’teżi li kien jisimha: "Esejs dwar it-teorija ekonomika u applikazzjonijiet", taħt is-superviżjoni ta' Franco Modigliani u Robert Solow.[24]

Professur u impjegat taċ-ċivil

immodifika

Mill-1975 sal-1981, Draghi kien l-ewwel Professur tal-Politika Ekonomika u Finanzjarja fl-Università ta' Trento, imbagħad tax-Xjenza Makroekonomika fl-Università ta' Padova, u mbagħad tax-Xjenza Ekonomika Matematika fl-Università ta' Venezja.[25] Fl-1981, huwa nħatar bħala Professur tal-Politika Ekonomika u Monetarja fl-Università ta' Firenze u baqa' f'dik il-kariga sal-1994.[26] Matul dak iż-żmien, huwa għamel xi żmien bħala konsulent fil-Bank Dinji f'Washington D.C. Fl-1983, Draghi nħatar ukoll bħala konsulent tal-Ministru tat-Teżor ta' dak iż-żmien Giovanni Goria.[27]

Fl-1991, il-Ministru tat-Teżor Guido Carli u l-Gvernatur tal-Bank tal-Italja Carlo Azeglio Ciampi ħatru lil Draghi bħala d-Direttur Ġenerali tat-Teżor Taljan; Draghi baqa' f'din il-kariga għolja fiċ-ċivil sal-2001.[28] Matul dan iż-żmien fit-Teżor, huwa kien il-President tal-Kumitat li rreveda l-leġiżlazzjoni korporattiva u finanzjarja Taljana, u fassal l-liġi li għadha qed tirregola s-swieq finanzjarji Taljani.[29] Draghi kien ukoll fost dawk li kienu favur il-privatizzazzjonijiet ta' ħafna kumpaniji tal-istat li seħħew fl-ekonomija Taljana matul is-snin 90 tas-seklu 20. Huwa kien ukoll il-President tal-Kumitat Maniġerjali tas-SACE, u implimenta riforma sħiħa tal-grupp u ġestixxa t-tranżizzjoni mill-iskandlu tal-korruzzjoni magħruf bħala Mani Pulite. Draghi reġa' sar President tas-SACE bejn l-1998 u l-2001, qabel il-privatizzazzjoni sussegwenti. Matul dawn is-snin, huwa kien ukoll membru tal-bord ta' diversi banek u korporazzjonijiet Taljani, fosthom Eni, l-Istitut għar-Rikostruzzjoni Industrijali, Banca Nazionale del Lavoro u l-Istitut Taljan għall-Proprjetà (bit-Taljan: Istituto Mobiliare Italiano).[30][31]

Fl-2001, huwa telaq mill-kariga fit-Teżor biex isir sħab fl-Istitut tal-Politika fl-Iskola tal-Governanza ta' John F. Kennedy fl-Università ta' Harvard.[32] Draghi nħatar bħala Viċi President u Direttur Maniġerjali ta' Goldman Sachs International fl-2002. Huwa sar ukoll membru tal-kumitat ta' ġestjoni tal-azjenda, u baqa' f'dan il-karigi kollha sal-2005.[33] Huwa mexxa l-istrateġija Ewropea ta' Goldman Sachs u l-involvimenti tagħha ma' korporazzjonijiet u gvernijiet maġġuri Ewropej.[34] Wara li ħareġ fil-beraħ li kienu qed jintużaw swaps lil hinn mis-suq b'mod sistematiku mill-gvern Grieg, faċilitati minn Goldman Sachs, Draghi stqarr li ma kien "jaf b'xejn" dwar dan l-arranġament, u li "ma kellu x'jaqsam xejn mal-kwistjoni".[35] Matul dan il-perjodu, Draghi ħadem ukoll bħala fiduċjarju fl-Istitut għall-Istudju Avvanzat fi Princeton, New Jersey, u għamel żmien bħala konsulent fil-Brookings Institution f'Washington D.C.[29]

Gvernatur tal-Bank tal-Italja

immodifika
 
Draghi mal-eks President tal-Istati Uniti George W. Bush fl-2008

F'Diċembru 2005, ġie mħabbar li Draghi kien se jsir Gvernatur tal-Bank tal-Italja.[36] Huwa ħa l-kariga uffiċjalment fis-16 ta' Jannar 2006. F'April 2006, huwa ġie elett mill-gvernaturi tal-banek ċentrali biex isir il-President tal-Forum għall-Istabbiltà Finanzjarja; iktar 'il quddiem dan il-korp ġie organizzat mill-ġdid u sar il-Bord għall-Istabbiltà Finanzjarja f'April 2009 f'isem il-G20, u laqqa' flimkien ir-rappreżentanti tal-gvernijiet, tal-banek ċentrali u tal-istituzzjonijiet ta' superviżjoni nazzjonali fid-dawl tal-kriżi finanzjarja.[37] Bħala l-President inawgurali tal-Bord għall-Istabbiltà Finanzjarja, Draghi kien responsabbli għall-mexxejja tal-G20, u ħadem biex jippromwovi l-istabbiltà finanzjarja internazzjonali, itejjeb il-funzjonament tas-swieq u jnaqqas ir-riskju sistemiku permezz tal-iskambju ta' informazzjoni u l-kooperazzjoni internazzjonali bejn is-superviżuri.

Fir-rwol tiegħu bħala Gvernatur tal-Bank tal-Italja, Draghi kien membru wkoll tal-Kunsill tal-Governanza u tal-Kunsill Ġenerali tal-Bank Ċentrali Ewropew u membru tal-Bord tad-Diretturi tal-Bank għall-Ħlasijiet Internazzjonali. Huwa rrappreżenta wkoll lill-Italja fil-Bord tal-Gvernaturi kemm fil-Bank Internazzjonali għar-Rikostruzzjoni u l-Iżvilupp kif ukoll fil-Bank Asjatiku għall-Iżvilupp.[38] Fil-5 ta' Awwissu 2011, huwa ta kontribut fid-dibattitu politiku domestiku meta, flimkien mal-President tal-BĊE Jean Claude Trichet, huwa ppubblika ittra notevoli lill-Gvern Taljan ta' Silvio Berlusconi biex jirrakkomanda sensiela ta' miżuri ekonomiċi li kellhom jiġu implimentati b'urġenza fl-Italja.[39]

President tal-Bank Ċentrali Ewropew

immodifika
 
Draghi (lemin) ma' Dominique Strauss-Kahn u Jean-Claude Trichet

Draghi kien ilu snin jissemma bħala suċċessur possibbli ta' Jean-Claude Trichet, qabel it-tmiem tal-mandat tiegħu bħala President tal-Bank Ċentrali Ewropew f'Ottubru 2011.[40] Fit-13 ta' Frar 2011, Wolfgang Münchau, editur assoċjat tal-Financial Times, appoġġa lil Draghi bħala l-aqwa kandiat għall-kariga.[41] Ftit jiem wara, ir-rivista The Economist kitbet li "l-President li jmiss tat-tieni l-iktar bank ċentrali importanti fid-dinja għandu jkun Mario Draghi".[42] Draghi sussegwentement rebaħ l-appoġġ tal-Prim Ministru Taljan ta' dak iż-żmien Silvio Berlusconi għall-kariga, li esprima x-xewqa li jara Taljan ikollu r-rwol importanti tat-tfassil tal-politika ekonomika fi ħdan l-Unjoni Ewropea (UE).[43] Fis-17 ta' Mejju 2011, il-Kunsill tal-Unjoni Ewropea rrakkomanda n-nomina ta' Draghi bħala President tal-BĊE.[44] In-nomina ta' Draghi iktar 'il quddiem ġiet approvata mill-Parlament Ewropew u mill-BĊE stess, u fl-24 ta' Ġunju 2011 il-ħatra tiegħu ġiet iffirmata mill-mexxejja tal-UE.[45][46] Matul il-proċess tan-nominazzjoni, tqajjem xi tħassib dwar l-impjieg passat ta' Draghi f'Goldman Sachs.[47] Bħala membru tal-Grupp tat-Tletin, stabbilit mill-Fondazzjoni Rockefeller, huwa ġie akkużat f'Der Spiegel, fTagesschau.de u fDie Welt li kellu kunflitt ta' interess bħala President tal-BĊE.[48][49] Draghi ttrasferixxa ruħu f'Frankfurt u ħa l-kariga formalment bħala President tal-BĊE fl-1 ta' Novembru 2011, l-għada ta' tmiem il-mandat ta' Trichet.[50]

 
Mario Draghi f'Davos fl-2013

F'Diċembru 2011, Draghi ħejja programm ta' self ta' €489 biljun fuq tliet snin mill-BĊE għall-banek tal-UE. Il-BĊE taħt Draghi ħassar ukoll iż-żewġ żidiet finali fir-rata tal-imgħax li saru fil-mandat ta' Trichet, u hu ddikjara li dan kellu jgħin biex itaffi il-kriżi Ewropea kontinwa tad-dejn sovran. Fi Frar 2012, ir-rebbieħ tal-Premju Nobel għax-Xjenza Ekonomika, Joseph Stiglitz, argumenta li l-kwistjoni tar-ristrutturar imminenti tad-dejn Grieg, wara l-insistenza tal-BĊE li għandu jkun "volontarju", minflok inadempjenza kif miftiehem mal-awtoritajiet Griegi, kien ikun "rigal" lill-istituzzjonijiet finanzjarji li biegħu l-assigurazzjoni fuq l-inadempjenza tal-kreditu fir-rigward ta' dak id-dejn, li skont Stiglitz kien periklu morali.[51] F'Marzu 2012, beda t-tieni rawnd ta' self, ikbar minn ta' qabel, mill-BĊE lill-banek tal-UE, u din id-darba ġie msejjaħ Operazzjoni ta' Rifinanzjament fuq Żmien Itwal (LTRO). Matthew Lynn ikkummenta li l-ippumpjar ta' fondi mill-BĊE, flimkien mal-illaxkar kwantitattiv tal-kundizzjonijiet monetarji mir-Riżerva Federali tal-Istati Uniti u mill-Bank of England, kienu qed iwasslu għal żieda fil-prezzijiet taż-żejt fl-2011 u fl-2012.[52]

F'Lulju 2012, qalb il-biża' mġedded dwar id-dejn sovran fiż-żona tal-ewro, Draghi stqarr f'diskussjoni li taħt it-tmexxija tiegħu, il-BĊE "...lest jagħmel isalva l-proġett tal-ewro akkost ta' kollox. U emmnuni, li se nagħmlu se jkun biżżejjed".[53] Din id-dikjarazzjoni dehret ħafna fil-mezzi tax-xandir fl-UE kollha u fis-swieq finanzjarji tad-dinja, u inizjalment wasslet għal tnaqqis kostanti fir-rendimenti tal-bonds (il-kostijiet ta' min jissellef) għall-pajjiżi taż-żona tal-ewro, b'mod partikolari Spanja, l-Italja u Franza. Fid-dawl tal-progress politiku kajman biex tinstab soluzzjoni għall-kriżi taż-żona tal-ewro, id-dikjarazzjoni ta' Draghi kienet mument ta' żvolta importanti għaż-żona tal-ewro, u bosta fassala tal-politika u kummentaturi ddeskrivuha bħala essenzjali għat-tkomplija tal-munita ewro.[54][55] Minn dak iż-żmien 'l hawn, Draghi baqa' jiġi assoċjat ferm mal-frażi "akkost ta' kollox".

Fil-bidu tal-2013 Draghi ġie kkritikat fil-kuntest tal-iskandli li bdew ifaqqgħu rigward il-Bank Monte dei Paschi ta' Siena[56] li skont mill-inqas pubblikazzjoni Ġermaniża waħda kienet qed tieħu sehem f'ħafna negozji u operazzjonijiet riskjużi.[57]

 
Draghi waqt sessjoni plenarja tal-Parlament Ewropew fl-2019

F'April 2013, Draghi wieġeb għal mistoqsija rigward is-sħubija taż-żona tal-ewro, "Dawn il-mistoqsijiet jiġu fformulati minn nies li jissottovalutaw ferm xi tfisser l-ewro għall-Ewropej, għaż-żona tal-ewro. Jissottovalutaw ferm il-kapital politiku li ġie investit fl-ewro".[58] Fl-2015, fil-Parlament Ewropew Draghi qal li l-futur taż-żona tal-ewro kien f'periklu diment li l-Istati Membri fiha ma jċedux ftit indipendenza u joħolqu istituzzjonijiet governattivi iktar Pan-Ewropej. Huwa stqarr "Għadna ma lħaqnix l-istadju ta' unjoni monetarja ġenwina. Jekk il-pajjiżi taż-żona tal-ewro ma jarmonizzawx l-ekonomiji tagħhom u ma joħolqux istituzzjonijiet iktar b'saħħithom, dan se jipperikola s-suċċess fit-tul tal-unjoni monetarja meta tħabbat wiċċha ma' xokk importanti".[59] Fl-2015, Draghi sostna li l-ideat politiċi tiegħu huma qrib is-soċjaliżmu liberali.[60]

Fil-31 ta' Ottubru 2019, il-mandat tiegħu bħala President tal-BĊE spiċċa u d-Direttur Maniġerjali tal-Fond Monetarju Internazzjonali Christine Lagarde nħatret bħala s-suċċessur tiegħu.[61]

Prim Ministru tal-Italja

immodifika

Formazzjoni tal-gvern

immodifika
 
Draghi mal-President tar-Repubblika Sergio Mattarella fil-Palazz tal-Quirinale

Bejn Diċembru 2020 u Jannar 2021 feġġew tensjonijiet fi ħdan il-koalizzjoni tal-gvern tal-Italja, u l-Prim Ministru Giuseppe Conte u l-eks Prim Ministru Matteo Renzi ħaduha qatta' bla ħabel kontra xulxin fir-rigward tal-ġestjoni tal-pandemija tal-COVID-19 fl-Italja kif ukoll fir-rigward tal-konsegwenzi ekonomiċi profondi.[62] Fit-13 ta' Jannar, Renzi ħabbar ir-riżenja taż-żewġ Ministri tal-Kabinett tal-partit tiegħu Italia Viva, u dan wassal għall-waqgħa tal-gvern immexxi minn Conte.[63] Fis-26 ta' Jannar, wara jiem ta' negozjati fost il-partiti politiċi li ma wasslu għal imkien, Conte ta r-riżenja tiegħu bħala Prim Ministru lill-President tar-Repubblika Sergio Mattarella.[64]

Fit-2 ta' Frar 2021, wara konsultazzjonijiet bejn il-partiti biex jinnominaw sostitut, ladarba dawn ma kinux suċċess, il-President tar-Repubblika Mattarella ħabbar li kien se jikkonvoka lil Draghi fil-Palazz tal-Quirinale, bl-intenzjoni li jagħtih il-kompitu li jifforma gvern teknokratiku. L-għada, Draghi aċċetta l-kompitu li jifforma gvern ġdid u beda l-konsultazzjonijiet mal-kapijiet tal-partiti politiċi.[65][66][67][68] Draghi malajr kiseb l-appoġġ tal-Partit Demokratiku (PD) taċ-Ċentru-Xellug, ta' Italia Viva (IV) taċ-Ċentru, ta' Liberi u Ugwali (LeU) tax-Xellug, u ta' partiti liberali u ċentristi żgħar oħra.[69] Wara xi dewmien inizjali, Matteo Salvini, il-kap tal-Lega tal-Lemin, u Silvio Berlusconi, il-kap ta' Forza Italia taċ-Ċentru-Lemin, ħabbru b'mod konġunt li huma kienu se jappoġġaw lil Draghi wkoll.[70] Finalment, fil-11 ta' Frar, il-membri tal-Moviment tal-Ħames Stilel (M5S) approvaw l-appoġġ tal-partit lil Draghi, b'59.3 % tal-membri tal-partit favur is-sħubija tal-partit fi gvern ġdid.[71]

Fit-12 ta' Frar, Draghi żvela l-membri tal-Kabinett tiegħu, li kienu jinkludu rappreżentanti mill-partiti politiċi kollha msemmija hawn fuq, fosthom disa' Ministri mill-Kabinett uxxenti, kif ukoll teknokrati indipendenti.[72] L-għada, Draghi ħa l-ġurament bħala Prim Ministru.[73] Malli ħarġet din l-aħbar, il-Kabinett ta' Draghi ġie deskritt bħala gvern tal-għaqda nazzjonali minn bosta mezzi tax-xandir.[74][75][76]

 
Draghi meta ħabbar il-Kabinett tiegħu

Fis-17 ta' Frar, Draghi rebaħ il-vot tal-fiduċja fis-Senat, b'262 vot favur, 40 kontra u żewġ astensjonijiet.[77] L-għada, huwa rebaħ vot tal-fiduċja ieħor fil-Kamra tad-Deputati b'535 vot favur, 56 kontra u ħames astensjonijiet; dan il-marġni kien jirrappreżenta waħda mill-ikbar maġġoranzi li qatt inkisbu fl-istorja tar-Repubblika Taljana.[78] Matul l-ewwel diskors tiegħu bħala Prim Ministru liż-żewġ Kmamar tal-Parlament Taljan, Draghi ddikjara li l-Italja ta' wara l-pandemija tal-COVID-19 kien se jkollha tgħaddi minn perjodu ta' rikostruzzjoni simili għal dak ta' wara t-Tieni Gwerra Dinjija, u li hija r-responsabbiltà tal-gvern tiegħu li jagħti bidu għal dan il-proċess.[79] Huwa saħaq ukoll li l-gvern tiegħu kien se jadotta pożizzjoni ferm favur l-Ewropa, u enfasizza l-importanza li l-Italja tibqa' fiż-żona tal-ewro.[80][81][82][83]

Fit-13 ta' Mejju, ġie mħabbar li Draghi ma kienx se jieħu s-salarju annwali tiegħu ta' €115,000 tax-xogħol tiegħu bħala Prim Ministru.[84]

Pandemija tal-COVID-19

immodifika

F'diskors lin-nazzjoni ftit wara li sar Prim Ministru, Draghi ddikjara li l-prijorità tal-gvern tiegħu kienet li jippjana t-triq tal-ħruġ mill-pandemija tal-COVID-19, u wiegħed li jorganizza mill-ġdid l-unitajiet tar-rispons għall-pandemija tal-pajjiż; fis-27 ta' Frar, Draghi ssostitwixxa lill-Kap tal-Protezzjoni Ċivili, Angelo Borrelli, ma' Fabrizio Curcio, u fl-1 ta' Marzu, huwa ssostitwixxa l-Kummissarju Straordinarju għall-Emerġenza tal-COVID-19, Domenico Arcuri, mal-Ġeneral tal-Armata Francesco Paolo Figliuolo, li ngħata l-mandat addizzjonali li jorganizza mill-ġdid u li jimplimenta l-kampanja tal-vaċċinazzjoni. Borrelli u Arcuri t-tnejn li huma kienu kkunsidrati qrib ħafna tal-eks Prim Ministru Conte.[85][86]

Wara diskussjonijiet mal-President tal-Kummissjoni Ewropea Ursula von der Leyen, Draghi ħabbar li kien qabel li jiżgura li l-vaċċini prodotti l-Italja jingħataw il-prijorità għad-distribuzzjoni lill-popolazzjoni tal-Unjoni Ewropea.[87] L-għada, Draghi spiċċa fuq l-aħbarijiet internazzjonali prinċipali peress li awtorizza l-imblokkar ta' konsenja ta' 250,000 vaċċin ta' Oxford–AstraZeneca li oriġinarjament kienu maħsuba għall-Awstralja.[88] Dan wassal għal kritika qalila mill-Prim Ministru Awstraljan Scott Morrison u l-Prim Ministru Brittaniku Boris Johnson.[89][90] Min-naħa l-oħra, id-deċiżjoni ta' Draghi ġiet imfaħħra minn mexxejja Ewropej oħra, bħall-President Franċiż Emmanuel Macron.[91] F'nofs Marzu, il-gvern Taljan ħabbar li kien se jissospendi t-tqassim tal-vaċċin ta' Oxford-AstraZeneca, wara li ħarġu rapporti li xi Taljani li ngħataw dak il-vaċċin kienu żviluppaw forom ta' trombożi fid-demm, għalkemm l-ebda każ ta' mewt ma kien ġie kkonfermat direttament minħabba l-vaċċin.[92] Fis-16 ta' Marzu 2021, Draghi rċieva telefonata mill-President Franċiż Macron rigward is-sospensjoni tal-vaċċin ta' Astrazeneca u d-deċiżjonijiet eventwali tal-Aġenzija Ewropea tal-Mediċini li kienu se jaslu b'mod definittiv fit-18 ta' Marzu 2021.[93]

Fil-15 ta' Marzu 2021, Draghi impona kundizzjonijiet ta' 'lockdown totali' fuq il-maġġoranza taċ-ċittadini Taljani, l-għeluq tan-negozji meqjusa mhux essenzjali u r-restrizzjoni fuq l-ivvjaġġar, b'rispons għal żieda fit-trażmissjoni tal-COVID-19, għalkemm għad-differenza tal-lockdown tal-2020, il-fabbriki u xi postijiet tax-xogħol oħrajn tħallew jibqgħu miftuħin. Meta ħabba il-lockdown, Draghi wiegħed li l-programm tal-vaċċinazzjoni fl-Italja kien se jittriplika r-riżultati tiegħu f'April, biex b'hekk sa dak iż-żmien ikunu qed jitlaqqmu 500,000 ruħ kuljum.[94] Għall-ħabta ta' dak iż-żmien, il-klassifikazzjoni tal-approvazzjoni fil-konfront ta' Draghi bħala Prim Ministru laħqet livell rekord ta' 63 % fl-istħarriġiet.[95]

Fis-16 ta' April, matul konferenza stampa mal-Ministru għas-Saħħa Roberto Speranza, Draghi ħabbar li r-restrizzjonijiet kienu se jiġu llaxkati mis-26 ta' April, biex b'hekk ikunu jistgħu jerġgħu jiftħu l-bars u r-ristoranti, u stqarr li "kien possibbli li wieħed iħares lejn il-futur b'ottimiżmu u b'fiduċja prudenti".[96]

Politika barranija

immodifika
 
Draghi u l-mexxejja l-oħra tad-dinja u mistednin fis-summit tal-G7 f'Cornwall, f'Ġunju 2021

Mill-bidu tal-mandat tiegħu bħala Prim Ministru, Draghi implimenta politika barranija attiva ffukata fuq il-Baħar Mediterran, it-Tramuntana tal-Afrika u l-Lvant Nofsani sabiex iżid l-influwenza tal-Italja fuq dawn iż-żoni.[97][98] Fis-6 ta' April 2021, Draghi żar il-Libja, fl-ewwel vjaġġ internazzjonali tiegħu, li matulu ltaqa' mal-Prim Ministru Libjan Abdul Hamid Dbeibeh, u sostna li ried isaħħaħ ir-rabtiet mal-pajjiż Għarbi u eks kolonja tal-Italja.[99] Il-vjaġġ kien ġie deskritt bħala tentattiv biex jitnaqqsu l-influwenzi Torok u Eġizzjani fuq il-Libja, wara tmiem il-gwerra ċivili.[100] Jiem wara, Draghi ttikketta pubblikament lill-President Tork Recep Tayyip Erdoğan bħala "dittatur", u kkritikah b'mod aħrax għall-mod kif ġab ruħu wara laqgħa mal-mexxejja Ewropej Ursula von der Leyen u Charles Michel, li matulha, skont Draghi, huwa kien "umilja lill-President von der Leyen".[101][102] Id-dikjarazzjoni kkawżat reazzjonijiet immedjati mill-gvern Tork. Il-Ministru Tork għall-Affarijiet Barranin Mevlüt Çavuşoğlu kkonvoka lill-Ambaxxatur Taljan u ddeskriva kliem Draghi bħala "retorika populista inaċċettabbli", filwaqt li bosta membri prominenti oħra tal-Kabinett ta' Erdoğan attakkaw b'mod qawwi lil Draghi.[103][104] Madankollu, Draghi ġie appoġġat minn diversi mexxejja Ewropej, inkluż mill-Kap tal-Partit Popolari Ewropew, Manfred Weber.[105] Fl-14 ta' April, Erdoğan akkuża lil Draghi li kien "Prim Ministru maħtur u mhux elett", u ddeskriva d-dikjarazzjoni tiegħu bħala "pastaża u impertinenti".[106][107]

F'Ġunju 2021, Draghi attenda l-ewwel summit tal-G7 tiegħu f'Cornwall, ir-Renju Unit. Matul il-laqgħa, Draghi mexxa d-diskussjonijiet dwar l-istrateġija biex jiġu evitati reazzjonijiet avversi tas-swieq għan-nefqa fuq stimolu.[108] Matul is-summit, Draghi kellu laqgħa bilaterali mal-President tal-Istati Uniti Joe Biden.[109] Draghi faħħar lil Biden, u qal li kien tejjeb ir-relazzjonijiet bejn l-Unjoni Ewropea u l-Istati Uniti.[110]

Ħajja personali

immodifika

Fl-1973, Mario Draghi żżewweġ lil Serena Cappello, esperta fil-letteratura Ingliża[111], u magħha kellu żewġt itfal: Federica, li ħadmet bħala direttur tal-investiment ta' Genextra Spa u membru tal-bord tal-Anġli Taljani għal Biotechis, u Giacomo, analist tal-finanzi, li ħadem bħala kummerċjant tad-derivati tar-rati tal-imgħax fil-bank tal-investiment Morgan Stanley sal-2017, u issa fil-fond ħeġġ ta' LMR Partners.[112][113]

Draghi huwa Kattoliku Ruman. Irċieva l-ewwel edukazzjoni tiegħu mill-Ġiżwiti u huwa devot lejn San Injazju ta' Loyola.[114] Draghi għandu djar fid-distrett ta' Parioli f'Ruma u f'Città della Pieve fl-Umbria.[115] Huwa partitarju ta' A.S. Roma, wieħed mit-timijiet tal-futbol ta' Ruma, u Francesco Totti huwa l-plejer l-iktar għal qalbu. Barra minn hekk, huwa partitarju kbir tal-basketball.[116]

Unuri

immodifika

Unuri Taljani

immodifika
  • Gran Uffiċjal tal-Ordni tal-Mertu tar-Repubblika Taljana – mogħti fis-27 ta' Diċembru 1991.[117]
  • Kavallier tal-Gran Salib tal-Ordni tal-Mertu tar-Repubblika Taljana – mogħti fil-5 ta' April 2000.[118][119]

Unuri barranin

immodifika
  • Gran Kullar tal-Ordni tal-Prinċep Enriku – mogħti fid-19 ta' Ġunju 2019.[120]
  • Gran Salib tal-Mertu tal-Ordni tal-Mertu tar-Repubblika Federali tal-Ġermanja – mogħti fil-31 ta' Jannar 2020.[121]

Lawriji onorarji

immodifika
  • Masters Onorarju fl-Amministrazzjoni tan-Negozju (Skola tal-Immaniġġjar MIB ta' Trieste, 2004).[122]
  • Distinzjoni Onorarja fl-Istatistika (l-Università ta' Padova, 2009).[123]
  • Masters Onorarju fl-Amministrazzjoni tan-Negozju (Vicenza, Fondazzjoni CUOA, 2010).
  • Lawrija Onorarja fix-Xjenza Politika (Libera Università Internazionale degli Studi Sociali Guido Carli, 2013).[124]
  • Dottorat Onorarju (l-Università ta' Tel Aviv, 2017).[125]
  • Dottorat Onorarju fix-Xjenza Ekonomika (L-Iskola ta' Sant'Anna tal-Istudji Avvanzati, 2018).[126]
  • Lawrija Onorarja fid-Dritt (l-Università ta' Bologna, 2018).[127]
  • Lawrija Onorarja fix-Xjenza Ekonomika (l-Università Kattolika tal-Qalb Imqaddsa, 2019).[128]

Referenzi

immodifika
  1. ^ "Mario Draghi sworn in as Italy's new prime minister" (bl-Ingliż). 2021-02-13. Miġbur 2021-07-21.
  2. ^ "Nasce il governo di Mario Draghi, con 8 tecnici e 15 ministri di sei partiti". rainews . Miġbur 2021-07-21.Manutenzjoni CS1: lingwa mhix magħrufa (link)
  3. ^ d'Italia, Banca. "Banca d'Italia - Mario Draghi". www.bancaditalia.it (bit-Taljan). Miġbur 2021-07-21.
  4. ^ "'Whatever it takes' – a speech and its implications for the euro area". www.kfw.de (bl-Ingliż). Miġbur 2021-07-21.
  5. ^ "Mario Draghi". Fortune (bl-Ingliż). Miġbur 2021-07-21.
  6. ^ Krugman, Paul (2019-05-24). "Opinion | After Draghi (Wonkish)" (bl-Ingliż). Miġbur 2021-07-21.
  7. ^ "Mario Draghi accepts mandate to form new Italian government". www.ft.com. Miġbur 2021-07-21.
  8. ^ Finanza, MF Milano (2019-10-25). "Il saluto del salvatore dell'euro - MilanoFinanza.it". MF Milano Finanza (bit-Taljan). Miġbur 2021-07-21.
  9. ^ "Mario Draghi, eurozone saviour, now called to Italy's side". France 24 (bl-Ingliż). 2021-02-03. Miġbur 2021-07-21.
  10. ^ 李齐. "Eurozone savior called to Italy's side - Chinadaily.com.cn". epaper.chinadaily.com.cn. Miġbur 2021-07-21.
  11. ^ TG24, Sky. "Draghi, dal liceo a Roma alla guida della Bce: la storia di SuperMario". tg24.sky.it (bit-Taljan). Miġbur 2021-07-21.
  12. ^ "'Super' Mario Draghi sworn in as Italy's new PM - can he save its economy like he saved the euro?". Sky News (bl-Ingliż). Miġbur 2021-07-21.
  13. ^ "Mattarella sceglie un governo del presidente e convoca Mario Draghi: "Voto non opportuno con l'emergenza, serve pienezza delle funzioni"". Il Fatto Quotidiano (bit-Taljan). 2021-02-03. Miġbur 2021-07-21.
  14. ^ "Mario Draghi accepts mandate to form new Italian government". www.ft.com. Miġbur 2021-07-21.
  15. ^ Horowitz, Jason (12 February 2021). "A Giant of Europe Prepares to Head Italy's New Unity Government". The New York Times. ISSN 0362-4331.
  16. ^ "Mario Draghi's new government to be sworn in on Saturday". the Guardian (bl-Ingliż). 2021-02-12. Miġbur 2021-07-21.
  17. ^ "Mario Draghi. Moderna economia globale". Biografieonline (bit-Taljan). 2009-04-26. Miġbur 2021-07-21.
  18. ^ "Straight Talk with Hank Paulson: Mario Draghi".
  19. ^ "Corriere della Sera - I compagni di classe del nuovo Governatore". www.corriere.it. Miġbur 2021-07-21.
  20. ^ "Corriere della Sera - I compagni di classe del nuovo Governatore". www.corriere.it. Miġbur 2021-07-21.
  21. ^ "I compagni di classe, da Montezemolo a Magalli: «Snider il più bravo, ma Mario ci faceva copiare»". web.archive.org. 2015-02-18. Arkivjat mill-oriġinal fl-2015-02-18. Miġbur 2021-07-21.Manutenzjoni CS1: BOT: url-oriġinali status mhux magħruf (link)
  22. ^ Draghi, Mario (2014-09-04). "Laurea a Mario Draghi in Scienze Statistiche, Università ta' Padova" (PDF). web.archive.org. Arkivjat mill-oriġinal fl-2014-09-04. Miġbur 2021-07-21.Manutenzjoni CS1: BOT: url-oriġinali status mhux magħruf (link)
  23. ^ Bank, European Central (2014-11-12). "The economic policy of Federico Caffè in our times". European Central Bank (bl-Ingliż). Miġbur 2021-07-21.
  24. ^ Draghi, Mario (2013-02-23). "Essays on Economic Theory and Applications" (PDF). web.archive.org. Arkivjat mill-oriġinal fl-2013-02-23. Miġbur 2021-07-21.Manutenzjoni CS1: BOT: url-oriġinali status mhux magħruf (link)
  25. ^ "Mario Draghi, il Governatore". Stefania Tamburello. Milan
  26. ^ "Banca d'Italia - Mario Draghi". web.archive.org. 2011-10-08. Arkivjat minn l-oriġinal fl-2011-10-08. Miġbur 2021-07-22.
  27. ^ "La biografia di Mario Draghi". lastampa.it (bit-Taljan). 2021-02-04. Miġbur 2021-07-22.
  28. ^ Subrata Ghatak; John N. Kallianiotis; José Roberto Sánchez-Fung (3 October 2013). Exchange Rates and International Financial Economics: History, Theories, and Practices. Palgrave Macmillan. p. 48. ISBN 978-1-137-31888-6.
  29. ^ a b David A Dieterle PhD (8 August 2013). Economic Thinkers: A Biographical Encyclopedia: A Biographical Encyclopedia. ABC-CLIO. pp. 67–. ISBN 978-0-313-39747-9.
  30. ^ "Chi è Mario Draghi". Il Post (bit-Taljan). 2021-02-03. Miġbur 2021-07-22.
  31. ^ "GERMANY GIVES GREEN LIGHT TO DRAGHI | Italy". web.archive.org. 2012-03-14. Arkivjat mill-oriġinal fl-2012-03-14. Miġbur 2021-07-22.Manutenzjoni CS1: BOT: url-oriġinali status mhux magħruf (link)
  32. ^ "Draghi, Mario nell'Enciclopedia Treccani". www.treccani.it (bit-Taljan). Miġbur 2021-07-22.
  33. ^ "What price the new democracy? Goldman Sachs conquers Europe". The Independent (bl-Ingliż). 2011-11-18. Miġbur 2021-07-22.
  34. ^ "Goldman Sachs | Press Releases - Professor Mario Draghi Joins Goldman Sachs". Goldman Sachs (bl-Ingliż). Miġbur 2021-07-22.
  35. ^ "Draghi Says He Knew Nothing About Goldman-Greece Deal". www.bloomberg.com.
  36. ^ Nomi Prins (2 October 2009). It Takes a Pillage: An Epic Tale of Power, Deceit, and Untold Trillions. John Wiley & Sons. p. 89. ISBN 978-0-470-55550-7.
  37. ^ Juan Fernández de Guevara Radoselovics; José Pastor Monsálvez (29 November 2012). Crisis, Risk and Stability in Financial Markets. Palgrave Macmillan. p. 94. ISBN 978-1-137-00183-2.
  38. ^ Symposium, Federal Reserve Bank of Kansas City; City, Federal Reserve Bank of Kansas (2009). Maintaining Stability in a Changing Financial System: A Symposium (bl-Ingliż). The Bank. Ċitazzjoni għandu parametr mhux magħruf u vojt: |iktar= (għajnuna)
  39. ^ Jean Pisani-Ferry (2014). The Euro Crisis and Its Aftermath. Oxford University Press. p. 183. ISBN 978-0-19-999333-8.
  40. ^ "Trichet-Nachfolge: Super-Mario für die EZB". www.handelsblatt.com (bil-Ġermaniż). Miġbur 2021-07-22.
  41. ^ "Subscribe to read | Financial Times". www.ft.com. Miġbur 2021-07-22.
  42. ^ "The Italian's job". The Economist. 2011-02-17.
  43. ^ "Mario Draghi nominato presidente della Bce dal vertice Ue. Berlusconi: un successo italiano e del governo". Il Sole 24 ORE (bit-Taljan). Miġbur 2021-07-22.
  44. ^ "Draghi Appointed ECB Chief", Wall Street Journal, is-16 ta' Mejju 2011.
  45. ^ "Mario Draghi appointed as head of European Central Bank" (bl-Ingliż). 2011-06-24. Miġbur 2021-07-22.
  46. ^ Horobin, Alessandra Galloni and William (2011-06-25). "Leaders Name Draghi European Bank Head" (bl-Ingliż). Miġbur 2021-07-22.
  47. ^ Toyer, Luke Baker, Julien (2011-06-24). "EU appoints Draghi to ECB, Bini Smaghi to leave" (bl-Ingliż). Miġbur 2021-07-22.
  48. ^ "Board of Directors". web.archive.org. 2010-04-07. Arkivjat mill-oriġinal fl-2010-04-07. Miġbur 2021-07-22.Manutenzjoni CS1: BOT: url-oriġinali status mhux magħruf (link)
  49. ^ "Group of Thirty | Members". web.archive.org. 2013-08-06. Arkivjat minn l-oriġinal fl-2013-08-06. Miġbur 2021-07-22.
  50. ^ Watts, William L. "EU leaders confirm Draghi to head ECB". MarketWatch (bl-Ingliż). Miġbur 2021-07-22.
  51. ^ Stiglitz, Joseph E. (2012-02-06). "Capturing the ECB | by Joseph E. Stiglitz". Project Syndicate (bl-Ingliż). Miġbur 2021-07-22.
  52. ^ Lynn, Matthew. "What central banks provide, oil markets take away". MarketWatch (bl-Ingliż). Miġbur 2021-07-22.
  53. ^ Euronews fuq YouTube. "ECB's Draghi to the euro's rescue?".
  54. ^ "Here's how things look a year after Mario Draghi pledged 'whatever it takes' to save the euro - The Tell - MarketWatch". web.archive.org. 2013-07-28. Arkivjat minn l-oriġinal fl-2013-07-28. Miġbur 2021-07-22.
  55. ^ Reuters, Hugo Dixon | (2012-07-29). "Saving Face and the Euro Will Be Tough" (bl-Ingliż). Miġbur 2021-07-22.
  56. ^ SPIEGEL, DER. "Älteste Bank der Welt Monte dei Paschi: Affäre erreicht EZB-Chef Draghi". www.spiegel.de (bil-Ġermaniż). Miġbur 2021-07-22.
  57. ^ magazin, Henrik Müller, manager. "Müllers Memo Wir exportieren unsere Wirtschaftsprobleme". www.manager-magazin.de (bil-Ġermaniż). Miġbur 2021-07-22.
  58. ^ Boesler, Matthew. "MARIO DRAGHI: Zero Hedge Readers Don't Understand The Euro Crisis". Business Insider (bl-Ingliż). Miġbur 2021-07-22.
  59. ^ Ewing, Jack (2015-02-25). "Eurozone's Future Remains at Risk, Mario Draghi Warns" (bl-Ingliż). Miġbur 2021-07-22.
  60. ^ Bank, European Central (2015-01-15). "Interview with Die Zeit". European Central Bank (bl-Ingliż). Miġbur 2021-07-22.
  61. ^ Bank, European Central (2019-11-01). "New President of the European Central Bank". European Central Bank (bl-Ingliż). Miġbur 2021-07-22.
  62. ^ "A un passo dalla crisi di governo: Renzi pronto a ritirare le ministre. Ecco gli scenari possibili". Open (bit-Taljan). 2021-01-03. Miġbur 2021-07-22.
  63. ^ Amaro, Sam Meredith,Silvia (2021-01-13). "Italy's government in crisis after former PM pulls support for ruling coalition". CNBC (bl-Ingliż). Miġbur 2021-07-22.
  64. ^ Legorano, Marcus Walker and Giovanni (2021-01-25). "Italy's Prime Minister Conte to Resign Amid Struggle Against Covid-19 and Recession" (bl-Ingliż). Miġbur 2021-07-22.
  65. ^ "La vecchia maggioranza non si è messa d'accordo". Il Post (bit-Taljan). 2021-02-02. Miġbur 2021-07-24.
  66. ^ Chadwick, Lauren (2021-02-03). "Ex-ECB chief Mario Draghi accepts mandate to form Italian government". euronews (bl-Ingliż). Miġbur 2021-07-24.
  67. ^ "Mattarella sceglie un governo del presidente e convoca Mario Draghi: "Voto non opportuno con l'emergenza, serve pienezza delle funzioni"". Il Fatto Quotidiano (bit-Taljan). 2021-02-03. Miġbur 2021-07-24.
  68. ^ TG24, Sky. "Crisi di Governo, incarico a Draghi: le ultime news". tg24.sky.it (bit-Taljan). Miġbur 2021-07-24.
  69. ^ "Zingaretti: "Unità contro chi vuole destabilizzare il Pd. Ora Costituente per riforme in Parlamento"". la Repubblica (bit-Taljan). 2021-02-11. Miġbur 2021-07-24.
  70. ^ "Berlusconi e Salvini: "Sostegno a Draghi con responsabilità e senza veti"". ilGiornale.it (bit-Taljan). 2021-02-10. Miġbur 2021-07-24.
  71. ^ "Dal voto Cinquestelle via libera al governo Draghi con il 59,3%. Ma Di Battista annuncia l'addio: "Mi faccio da parte"". lastampa.it (bit-Taljan). 2021-02-11. Miġbur 2021-07-24.
  72. ^ Horowitz, Jason (2021-02-12). "A Giant of Europe Prepares to Head Italy's New Unity Government" (bl-Ingliż). Miġbur 2021-07-24.
  73. ^ agency, Guardian staff and (2021-02-13). "Mario Draghi sworn in as prime minister of Italy". the Guardian (bl-Ingliż). Miġbur 2021-07-24.
  74. ^ Financial Times. "Mario Draghi sworn in as Italy's new prime minister". www.ft.com. Miġbur 2021-07-24.
  75. ^ "Draghi government sworn in - English". ANSA.it (bl-Ingliż). 2021-02-13. Miġbur 2021-07-24.
  76. ^ "Mario Draghi forms Italian government". POLITICO (bl-Ingliż). 2021-02-12. Miġbur 2021-07-24.
  77. ^ "Governo, ok del Senato alla fiducia a Draghi con 262 sì. "Grazie per la stima, andrà validata dai fatti". Nel M5S 15 votano contro". la Repubblica (bit-Taljan). 2021-02-17. Miġbur 2021-07-24.
  78. ^ "Governo, ok della Camera alla fiducia con 535 sì, 56 no e 5 astenuti. Voto contrario di un leghista che passa a Fdi. Dissenso leghista a quota 30. Draghi: "Lotta alla corruzione e alle mafie"". la Repubblica (bit-Taljan). 2021-02-18. Miġbur 2021-07-24.
  79. ^ Horowitz, Jason (2021-02-17). "Italy's New Prime Minister Appeals for Unity and Sacrifice" (bl-Ingliż). Miġbur 2021-07-24.
  80. ^ "Draghi a Salvini: "Sostenermi significa accettare l'irreversibilità dell'euro"". L'HuffPost (bit-Taljan). 2021-02-17. Arkivjat minn l-oriġinal fl-2021-10-21. Miġbur 2021-07-24.
  81. ^ "Key policy points in Italy PM Draghi's maiden speech to Senate". Reuters. 2021-02-17. Miġbur 2021-07-24.
  82. ^ Amante, Crispian Balmer, Gavin Jones, Angelo (2021-02-17). "Italy's new PM Draghi promises sweeping reforms, urges national unity" (bl-Ingliż). Miġbur 2021-07-24.
  83. ^ "Italy's Draghi to League: Learn to love the euro". POLITICO (bl-Ingliż). 2021-02-17. Miġbur 2021-07-24.
  84. ^ "Mario Draghi waives his salary as Italy's PM". www.ft.com. Miġbur 2021-07-24.
  85. ^ "Ecco perché Arcuri è al capolinea". ilGiornale.it (bit-Taljan). 2021-02-27. Miġbur 2021-07-24.
  86. ^ "Curcio per Borrelli: Draghi cambia la Protezione civile". Il Fatto Quotidiano (bit-Taljan). Miġbur 2021-07-24.
  87. ^ "Ue, Draghi sente von der Leyen: priorità accelerare vaccini e una nuova politica migratoria". la Repubblica (bit-Taljan). 2021-03-03. Miġbur 2021-07-24.
  88. ^ "Italy Blocks Australia's AstraZeneca Vaccines Under EU Rule". www.bloomberg.com. Miġbur 2021-07-24.
  89. ^ Welle (www.dw.com), Deutsche. "Coronavirus: Australia wants EU to 'review' Italy's vaccine block | DW | 05.03.2021". DW.COM (bl-Ingliż). Miġbur 2021-07-24.
  90. ^ "PM call with Prime Minister Draghi of Italy: 4 March 2021". GOV.UK (bl-Ingliż). Miġbur 2021-07-24.
  91. ^ "Blocco vaccini, ora Macron potrebbe seguire Draghi: "Valutiamo stop a export"". Today (bit-Taljan). Miġbur 2021-07-24.
  92. ^ "COVID-19: Germany, France, Italy and Spain pause Oxford-AstraZeneca coronavirus vaccine amid blood clot concerns". Sky News (bl-Ingliż). Miġbur 2021-07-24.
  93. ^ "Draghi e Macron pronti a ripartire con AstraZeneca". L'HuffPost (bit-Taljan). 2021-03-16. Arkivjat minn l-oriġinal fl-2021-03-18. Miġbur 2021-07-24.
  94. ^ "Italy Back in Lockdown as Draghi Vows to Speed Up Vaccines". www.bloomberg.com. Miġbur 2021-07-24.
  95. ^ "Sondaggi, il Pd senza segretario cala al 17,4%. Draghi, Conte e Speranza i leader più apprezzati". Il Fatto Quotidiano (bit-Taljan). 2021-03-10. Miġbur 2021-07-24.
  96. ^ "COVID-19 restrictions to start being eased from April 26 says Draghi - English". ANSA.it (bl-Ingliż). 2021-04-16. Miġbur 2021-07-24.
  97. ^ Horowitz, Jason (2021-04-15). "How Mario Draghi Is Making Italy a Power Player in Europe" (bl-Ingliż). Miġbur 2021-07-24.
  98. ^ Galluzzo, Marco (2021-06-04). "Draghi in Libia: l'obiettivo è annullare l'influenza straniera". Corriere della Sera (bit-Taljan). Miġbur 2021-07-24.
  99. ^ "La visita di Draghi in Libia". Il Post (bit-Taljan). 2021-04-06. Miġbur 2021-07-24.
  100. ^ "Draghi Picks Libya for First Trip, Seeking Stronger Ties". www.bloomberg.com. Miġbur 2021-07-24.
  101. ^ Staff, Reuters (2021-04-08). "Italy's Draghi accuses 'dictator' Erdogan, draws Turkey's condemnation" (bl-Ingliż). Miġbur 2021-07-24.
  102. ^ "Draghi: "Erdogan? Un dittatore di cui si ha bisogno". La Turchia: "Ritiri queste parole"". L'HuffPost (bit-Taljan). 2021-04-08. Arkivjat minn l-oriġinal fl-2021-11-05. Miġbur 2021-07-24.
  103. ^ Brussels, Jack Parrock. "Turkey summons Italian ambassador after Mario Draghi called Erdogan 'dictator'" (bl-Ingliż). Miġbur 2021-07-24.
  104. ^ "Turkey Summons Italian Envoy After Draghi Calls Erdogan Dictator". www.bloomberg.com. Miġbur 2021-07-24.
  105. ^ "Draghi was right on Erdogan says Weber - English". ANSA.it (bl-Ingliż). 2021-04-09. Miġbur 2021-07-24.
  106. ^ "Erdogan risponde a Draghi: "Totale maleducazione, colpite le relazioni tra Italia e Turchia"". la Repubblica (bit-Taljan). 2021-04-14. Miġbur 2021-07-24.
  107. ^ "Erdogan: "Io dittatore? Draghi nominato e non eletto, danneggiate relazioni Turchia-Italia"". Tgcom24 (bit-Taljan). Miġbur 2021-07-24.
  108. ^ "Johnson Defers to Draghi on Economy at First G-7 Summit Session". www.bloomberg.com. Miġbur 2021-07-24.
  109. ^ "Readout of President Biden's Meeting with Prime Minister Mario Draghi of Italy". The White House (bl-Ingliż). 2021-06-12. Miġbur 2021-07-24.
  110. ^ "Mario Draghi: "Biden ha portato aria nuova nei rapporti tra USA e UE"".
  111. ^ "Chi è Serena Cappello la moglie di Mario Draghi: "Lei ne sa più di me"". la Repubblica (bit-Taljan). 2021-02-03. Miġbur 2021-07-21.
  112. ^ "Giacomo Draghi Said to Exit Morgan Stanley for Hedge Fund". www.bloomberg.com.
  113. ^ "Il figlio di Mario Draghi lascia Morgan Stanley per un fondo hedge". la Repubblica (bit-Taljan). 2017-02-08. Miġbur 2021-07-21.
  114. ^ Il Giorno. "Cattolico, socialista e liberale. Chi è Mario Draghi". Il Giorno (bit-Taljan). Miġbur 2021-07-21.
  115. ^ "Mario Draghi, dal liceo all'Eur alla casa ai Parioli: la Roma del Premier incaricato". RomaToday (bit-Taljan). Miġbur 2021-07-21.
  116. ^ Sport, Sky. "Mario Draghi, non solo economia: quante passioni sportive". sport.sky.it (bit-Taljan). Miġbur 2021-07-21.
  117. ^ "Le onorificenze della Repubblica Italiana". www.quirinale.it. Miġbur 2021-07-24.
  118. ^ "Cavaliere di Gran Croce Ordine al Merito della Repubblica Italiana". web.archive.org. Arkivjat mill-oriġinal fl-2012-01-15. Miġbur 2021-07-24.Manutenzjoni CS1: BOT: url-oriġinali status mhux magħruf (link)
  119. ^ David A. Dieterle (2017). "Draghi, Mario". Economics: The Definitive Encyclopedia from Theory to Practice. 4. ABC-CLIO. p. 88. ISBN 978-1-4408-4747-9.
  120. ^ Portuguesa, Presidência da República. "Presidência da República Portuguesa". www.presidencia.pt (bil-Portugiż). Miġbur 2021-07-24.
  121. ^ "www.bundespraesident.de: Der Bundespräsident / Reden / Verleihung des Großkreuzes des Verdienstordens der Bundesrepublik Deutschland an Mario Draghi". www.bundespraesident.de. Miġbur 2021-07-24.
  122. ^ "MIB".
  123. ^ "Banca d'Italia - Laurea honoris causa al prof. Mario Draghi". web.archive.org. 2011-08-13. Arkivjat minn l-oriġinal fl-2011-08-13. Miġbur 2021-07-24.
  124. ^ "Luiss Guido Carli | Libera Università Internazionale degli Studi Sociali, Roma". Luiss Guido Carli (bl-Ingliż). Miġbur 2021-07-24.
  125. ^ "TAU Honorary Doctorates 2017". Tel Aviv University (bl-Ingliż). 2017-05-15. Miġbur 2021-07-24.
  126. ^ "Celebrating new academic year 2018–2019". Arkivjat minn l-oriġinal fl-2019-04-02. Miġbur 2021-07-24.
  127. ^ "Mario Draghi to be awarded Law Degree honoris causa from the University of Bologna - University of Bologna". www.unibo.it (bl-Ingliż). Miġbur 2021-07-24.
  128. ^ ""Conoscenza, coraggio, umiltà": la lezione di Mario Draghi". www.cattolicanews.it (bit-Taljan). Miġbur 2021-07-24.
Miksub minn "https://mt.wikipedia.org/w/index.php?title=Mario_Draghi&oldid=307186"