पश्चिम मार्ग (मुंबई उपनगरी रेल्वे)

पश्चिम हा मुंबई उपनगरी रेल्वेच्या तीन प्रमुख मार्गांपैकी एक आहे. पश्चिम रेल्वेद्वारे चालवला जाणारा हा मार्ग दक्षिण मुंबईमधील चर्चगेटपासून सुरू होतो व मुंबई बेटाच्या पश्चिम भागातून धावतो.

पश्चिम मार्ग

चर्चगेट मरीन लाइन्स चर्नी रोड ग्रँट रोड मुंबई सेंट्रल महालक्ष्मी लोअर परळ मध्य मार्गाकडे प्रभादेवी दादर माटुंगा रोड हार्बर मार्गाकडे माहिम जंक्शन मिठी नदी वांद्रे खार रोड सांताक्रुझ विलेपार्ले घाटकोपरकडे(मुंबई मेट्रो मार्गिका क्र. १) अंधेरी वर्सोवाकडे(मुंबई मेट्रो मार्गिका क्र. १) जोगेश्वरी राम मंदिर गोरेगाव मालाड कांदिवली बोरीवली दहिसर मीरा रोड भाईंदर ठाणे खाडी नायगाव मध्य रेल्वे व कोकण रेल्वेकडे वसई रोड नालासोपारा विरार वैतरणा वैतरणा नदी सफाळे केळवे रोड पालघर उमरोळी बोईसर वाणगाव डहाणू रोड घोलवड बोर्डी रोड

पश्चिम मार्गावरील लोकल जलद व धीम्या गतीच्या असून चर्चगेट ते डहाणू रोडपर्यंत सेवा पुरवली जाते. जलद लोकल केवळ निवडक स्थानकांवर तर धीम्या लोकल सर्व स्थानकांवर थांबतात. अनेक वर्षे चर्चगेट ते विरार दरम्यान सेवा पुरवणाऱ्या पश्चिम मार्गाची सेवा १६ एप्रिल २०१३ पासून डहाणू रोडपर्यंत वाढवण्यात आली. चर्चगेटपासून धावणाऱ्या लोकल विरारपर्यंत जलद व धिमी दोन्ही गतीने धावतात व पुढे डहाणू रोडपर्यंत धीम्या गतीने सर्व स्थानकावर थांबतात.

दादर आणि प्रभादेवी पश्चिम व मध्य ह्या दोन्ही मार्गांवर असल्यामुळे तेथे मार्ग बदलणे शक्य होते. तसेच माहिम ते गोरेगांव दरम्यान कोणत्याही स्थानकावरून हार्बर मार्गाद्वारे छत्रपती शिवाजी महाराज टर्मिनसपर्यंत प्रवासाची सोय उपलब्ध आहे.