हजरत निजामुद्दीन–तिरुवनंतपुरम राजधानी एक्सप्रेस

तिरुवनंतपुरम राजधानी एक्सप्रेस ही भारतीय रेल्वेची एक जलद प्रवासी सेवा आहे. राजधानी ह्या प्रतिष्ठित गाड्यांपैकी एक असलेली ही रेल्वे केरळमधील तिरुवनंतपुरमच्या तिरुवनंतपुरम सेंट्रल रेल्वे स्थानक ते दिल्लीमधील हजरत निजामुद्दीन स्थानकांदरम्यान आठवड्यातून तीनदा धावते. उत्तर रेल्वेद्वारे चालवल्या जाणाऱ्या ह्या राजधानी एक्सप्रेसला तिरुवनंतपुरम ते दिल्ली दरम्यानचे २,८४८ किमी अंतर पार करायला ४५ तास व ४० मिनिटे लागतात. राजधानी एक्सप्रेस शृंखलेमधील ही सर्वात लांब पल्ल्याची गाडी आहे. केरळ एक्सप्रेस ही तिरुवंतपुरम ते दिल्लीदरम्यान धावणारी दुसरी जलद गाडी आहे.

मंगळूर ते मुंबईदरम्यान ही गाडी कोकण रेल्वेमार्गावरून धावते.