സ്വർണ്ണ പേക്കാന്തവള

സ്വർണ്ണത്തവള എന്ന വാക്കാൽ വിവക്ഷിക്കാവുന്ന ഒന്നിലധികം കാര്യങ്ങളുണ്ട്. അവയെക്കുറിച്ചറിയാൻ സ്വർണ്ണത്തവള (വിവക്ഷകൾ) എന്ന താൾ കാണുക.

ഇംഗ്ലീഷ് വിലാസം

https://ml.wikipedia.org/wiki/Golden_toad

സ്വർണ്ണ പേക്കാന്തവള
Male golden toad
പരിപാലന സ്ഥിതി
വംശനാശം സംഭവിച്ചു  (IUCN 3.1)[1]
ശാസ്ത്രീയ വർഗ്ഗീകരണം
കിങ്ഡം:	Animalia
Phylum:	Chordata
Class:	ഉഭയജീവികൾ
Order:	അനുറാ
Family:	Bufonidae
Genus:	Bufo
Species:	B. periglenes
Binomial name
Bufo periglenes Savage, 1966
Synonyms
Cranopsis periglenes Frost et al., 2006 Ollotis periglenes Frost et al., 2006 Incilius periglenes Frost, 2008

വംശനാശം സംഭവിച്ച ഒരു ജീവിയാണ് സ്വർണ്ണ പേക്കാന്തവള(Golden Toad).^[2] 1966-ലാണ് ആദ്യമായി ഈ ജീവിയെ കോസ്റ്റാറിക്കയിലെ കോടവനങ്ങളുടെ ഭാഗമായ ചെറിയൊരു പ്രദേശത്ത് കണ്ടെത്തിയത്. അക്കാലത്ത് മുപ്പതിനായിരത്തോളം സുവർണ തവളകൾ ആ കാട്ടിൽ ഉണ്ടായിരുന്നതായി കണക്കാക്കപ്പെടുന്നു. ഇവ കോസ്റ്റാറിക്കയിലെ റിസർവ ബയോളോജിക്ക മോണ്ടിവേഡേ (Reserva Biológica Monteverde) സം‌രക്ഷിതവനത്തിൽ 1,500 മുതൽ 1,620 മീറ്റർ വരെ ഉയരമുള്ള പ്രദേശങ്ങളിൽ വസിച്ചിരുന്നു. 1989-ലാണ്‌ ഈ വംശത്തിൽ‌പ്പെട്ട അവസാന തവളയെ കണ്ടതായി രേഖപ്പെടുത്തിയത്. ആഗോളതാപനത്തിന്റെ ഫലമായി അവയുടെ വാസഗേഹമായ വനത്തിലെ ഈർപ്പം കുറവ്, ഉഭയജീവികളെ ബാധിക്കുന്ന ഫംഗസ് രോഗമായ ചൈറ്റ്രിഡിയോമൈകോസിസ് (Chytridiomycosis), വായുമലിനീകരണം എന്നിവ ഇവയുടെ വംശനാശത്തിലേക്ക് വഴിതെളിച്ചതായി കരുതപ്പെടുന്നു. 1987-88 ൽ സംഭവിച്ച എൽനിനോ എന്ന പ്രതിഭാസം അവയുടെ നാശത്തിന് ആക്കംകൂട്ടുകയും ചെയ്തു. 2008-ലാണ് ഐ.യു.സി.എൻ. ഇവയെ വംശനാശം സംഭവിച്ച ജീവികളുടെ പട്ടികയിൽ ഉൾപ്പെടുത്തിയത്.^[2]