ജിജോ പുന്നൂസ്

ഇംഗ്ലീഷ് വിലാസം

https://ml.wikipedia.org/wiki/Jijo_Punnoose

മലയാള സിനിമയിൽ പല മാറ്റങ്ങൾക്കും വഴിതെളിച്ച നവോദയ അപ്പച്ചന്റെ മകനാണ് ജിജോ പുന്നൂസ് . ഭാരതത്തിലെ പ്രഥമ ത്രിമാന (Stereoscopic 3D) സിനിമയായ മൈ ഡിയർ കുട്ടിച്ചാത്തൻ (1984), മലയാളത്തിലെ ആദ്യ 70 എം.എം ചിത്രമായ പടയോട്ടത്തിന്റെയും(1982)^[1] സംവിധായകനാണ്‌^[2] ജിജോ. നൂതനമായ സാങ്കേതിക വിദ്യകൾ മലയാള സിനിമയിൽ പ്രാവർത്തികമാക്കപ്പെട്ടത് ജിജോയുടെ പ്രയത്നഫലമായിട്ടാണ്. അതി നൂതന ശബ്ദവിന്യാസം (ഡി.റ്റി.എസ്) മലയാളത്തിൽ ആദ്യം പ്രയോഗിക്കപ്പെട്ടത് 1997 ൽ കുട്ടിച്ചാത്തൻ രണ്ടാമതും വെള്ളിത്തിരയിൽ അവതരിപ്പിക്കപ്പെട്ടപ്പോഴാണ്. 1992 ൽ ബൈബിളിനെ ആസ്പദമാക്കിയുള്ള ഒരു ഹിന്ദി സീരിയലും (ബൈബിൾ കി കഹാനിയാം) അദ്ദേഹം സംവിധാനം ചെയ്തിരുന്നു. ചെന്നൈയിലുള്ള കിഷ്കിന്റാ പാർക്കും ഇദ്ദേഹത്തിന്റെ മേൽനോട്ടത്തിലാണ് പ്രവർത്തിക്കുന്നത്. നവോദയ മാസ്സ് എന്റർടെയ്ന്മെന്റ് വിഭാഗത്തിന്റെ മാനേജിംഗ് ഡയറക്ടറാണ് ഇപ്പോൾ അദ്ദേഹം. മാജിക് മാജിക് (Chotta Jadugar) എന്ന ത്രിമാന ചിത്രത്തിന്റെ സംവിധായകൻ ജോസ് പുന്നൂസ് ഇദ്ദേഹത്തിന്റെ സഹോദരനാണ്.

വർഷം	ചലച്ചിത്രം	Credited as		കുറിപ്പുകൾ
		നടൻ	സംവിധായകൻ
1962	ഭാര്യ	Y
1965	ഇണപ്രാവുകൾ	Y
1966	തിലോത്തമ	Y
1970	പേൾവ്യൂ	Y
1980	തീക്കടൽ			സഹസംവിധായകൻ
1982	പടയോട്ടം		Y
1984	മൈ ഡിയർ കുട്ടിച്ചാത്തൻ		Y
1991	ബൈബിൾ കി കഹാനിയ	Y		ടി.വി. പരമ്പര
TBA	ബറോസ്: ഗാർഡിയൻ ഓഫ് ഡി'ഗാമാസ് ട്രഷർ			തിരക്കഥ

• ഇന്റർനെറ്റ് മൂവി ഡാറ്റാബേസിൽ നിന്ന് ജിജോ പുന്നൂസ്

ജീവചരിത്രവുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക.