റോസ് ബൗൾ ക്രിക്കറ്റ് ഗ്രൗണ്ട്

ഇംഗ്ലണ്ടിലെ സതാമ്പ്ടണിൽ സ്ഥിതി ചെയ്യുന്ന ഒരു ക്രിക്കറ്റ് സ്റ്റേഡിയമാണ് റോസ് ബൗൾ. പ്രാദേശികതലത്തിൽ എജയിസ് ബൗൾ എന്നാണ് ഈ സ്റ്റേഡിയം അറിയപ്പെടുന്നത്. സതാമ്പ്ടണിലെ അന്താരാഷ്ട്ര ക്രിക്കറ്റ് ഗ്രൗണ്ടായിരുന്ന കൗണ്ടി ഗ്രൗണ്ട് ഉപയോഗശൂന്യമായതിനെത്തുടർന്ന് 2001ലാണ് റോസ് ബൗൾ ക്രിക്കറ്റ് ഗ്രൗണ്ട് സ്ഥാപിതമായത്.^[1] ദക്ഷിണാഫ്രിക്കയും സിംബാബ്‌വെയും തമ്മിൽ 2003 ജൂലൈയിൽ നടന്ന ഏകദിന മത്സരമാണ് റോസ് ബൗൾ ക്രിക്കറ്റ് ഗ്രൗണ്ടിൽ ആദ്യമായി അരങ്ങേറിയ അന്താരാഷ്ട്ര ക്രിക്കറ്റ് മൽസരം.^[2] ആദ്യകാലങ്ങളിൽ ഏകദിന, ട്വന്റി20 മൽസരങ്ങൾക്ക് മാത്രമായി പരിഗണിക്കപ്പെട്ടിരുന്ന റോസ് ബൗൾ സ്റ്റേഡിയത്തിന് വളരെ വൈകി മാത്രമാണ് ടെസ്റ്റ് മൽസരങ്ങൾക്ക് ആതിഥേയത്വം വഹിക്കുവാനുള്ള പദവി അന്താരാഷ്ട്ര ക്രിക്കറ്റ് സമിതി അൽകിയത്. 2009ൽ ടെസ്റ്റ് മൽസരങ്ങൾക്കുകൂടി വേദിയാകുവാൻ വേണ്ടി റോസ്ബൗൾ സ്റ്റേഡിയം പുതുക്കിപ്പണിതു.^[3] 2011ൽ ഇംഗ്ലണ്ടും ശ്രീലങ്കയും തമ്മിൽ നടന്ന മൽസരമാണ് ഇവിടെ നടന്ന ആദ്യ രാജ്യാന്തര ടെസ്റ്റ് മൽസരം.20,000 പേരേ ഒരേസമയം ഉൾക്കൊള്ളാൻ സ്റ്റേഡിയത്തിനു കഴിയും.ഹാംഷെയർ കൗണ്ടി ക്രിക്കറ്റ് ക്ലബിന്റെ ഹോം ഗ്രൗണ്ടാണ് റോസ് ബൗൾ.2004 ചാമ്പ്യൻസ് ട്രോഫി ടൂർണ്ണമെന്റിന് ഈ സ്റ്റേഡിയം വേദിയായിട്ടുണ്ട്.അന്താരാഷ്ട്ര ട്വന്റി 20 ക്രിക്കറ്റിലെ ഏറ്റവും ഉയർന്ന വ്യക്തിഗത സ്കോർ നേട്ടം ഈ ഗ്രൗണ്ടിൽ വെച്ചാണ് നടന്നത്^[4].2013ൽ ഇംഗ്ലണ്ടിനെതിരെഇവിടെ നടന്ന ട്വന്റി 20 മൽസരത്തിൽ ഓസ്ട്രേലിയയുടെ ആരോൺ ഫിഞ്ച് ആണ് ഈ നേട്ടം കൈവരിച്ചത്^[5].

റോസ് ബൗൾ

പ്രമാണം:The Ageas Bowl logo.svg
റോസ് ബൗൾ ക്രിക്കറ്റ് ഗ്രൗണ്ട്
ഗ്രൗണ്ടിന്റെ വിവരണം
സ്ഥാനം	വെസ്റ്റ് എൻഡ്,സതാംറ്റൺ
നിർദ്ദേശാങ്കങ്ങൾ	50°55′26″N 1°19′19″W / 50.9240°N 1.3219°W / 50.9240; -1.3219
സ്ഥാപിതം	2001
ഇരിപ്പിടങ്ങളുടെ എണ്ണം	16,500 (20,000 താൽകാലിക ഇരിപ്പിടങ്ങൾ ഉൾപ്പെടെ)
End names
പവലിയൻ എൻഡ് നോർത്തേൺ എൻഡ്
അന്തർദ്ദേശീയ വിവരങ്ങൾ
ആദ്യ ടെസ്റ്റ്	16–20 June 2011: ഇംഗ്ലണ്ട് v ശ്രീലങ്ക
അവസാന ടെസ്റ്റ്	27-31 ജൂലൈ 2014: ഇംഗ്ലണ്ട് v ഇന്ത്യ
ആദ്യ ഏകദിനം	10 ജൂലൈ 2003: ദക്ഷി���ാഫ്രിക്ക v Zimbabwe
അവസാന ഏകദിനം	14 ജൂലൈ 2015: ഇംഗ്ലണ്ട് v ന്യൂസിലൻഡ്
ആദ്യ അന്താരാഷ്ട്ര ടി20	13 ജൂലൈ 2005: ഇംഗ്ലണ്ട് v ഓസ്ട്രേലിയ
അവസാന അന്താരാഷ്ട്ര ടി20	29 ഓഗസ്റ്റ് 2013: ഇംഗ്ലണ്ട് v ഓസ്ട്രേലിയ
Domestic team information
ഹാംഷെയർ (2001 – present) ഹാംഷെയർ ക്രിക്കറ്റ് ബോർഡ് (2001)
As of 7 ഡിസംബർ 2015 Source: Ground profile