രശ്മി ബോബൻ

കണ്ണൂരിലാണ് രശ്മി ജനിച്ചത്. രശ്മി നമ്പ്യാർ എന്നായിരുന്നു ജനനനാമം, അച്ഛൻ വിജയാബാങ്ക് ഉദ്യോഗസ്ഥനായിരുന്നു. അദ്ദേഹത്തിന്റെ ജോലി തിരുവനന്തപുരത്തേക്ക് താമസം മാറിയപ്പോൾ മുതൽ വിദ്യാഭ്യാസം തിരുവനന്തപുരത്തായിരുന്നു. ചെറുപ്പത്തിലേ നാട്യകലകൾ അഭ്യസിച്ചിരുന്ന രശ്മി തിരുവാതി, മോഹിനിയാട്ടം തുടങ്ങിയ നൃത്തരൂപങ്ങൾ അവതരിപ്പിച്ചിരുന്നു.

ചലച്ചിത്ര സംവിധായകനും നടനുമായ ബോബൻ സാമുവലിനെയാണ് രശ്മി വിവാഹം ചെയ്തത്. പ്രേമവിവാഹമായിരുന്നു. പെയ്തൊഴിയാതെ എന്ന സിനിമയിലെ അസ്സോസിയേറ്റ് സംവിധായകനായിരുന്നു ബോബൻ സാമുവേൽ. നാലു മാസം പ്രണയം കൊണ്ടുനടന്ന ഇവർ കുടുംബത്തിന്റെ സഹായത്തോടെ ആറുമാസത്തിനു ശേഷം 2003 ൽ വിവാഹം കഴിച്ചു. ഇവർക്ക് രണ്ട് കുട്ടികൾ ഉണ്ട്. ഏഴാം ക്ലാസ് വിദ്യാർത്ഥിയായ ആകാശും മൂന്നാം ക്ലാസ് വിദ്യാർത്ഥിയായ നിതീഷും. സഹോദരൻ ലണ്ടനിൽ ജോലി ചെയ്യുന്നു.

സൂര്യ ടി.വി. യിലെ അവതാരകയാണ് രശ്മി അദ്യം ദൃശ്യമാധ്യമങ്ങളിൽ പ്രത്യക്ഷപ്പെടുന്നത്. രശ്മിയുടെ അച്ഛന്റെ സുഹൃത്തുക്കൾ അക്കാലത്ത് സൂര്യ ടി.വി. യിൽ ജോലി ചെയ്തിരുന്നത് മുഖേനയാണ് ഈ അവസരങ്ങൾ രശ്മിക്ക് ലഭിക്കുന്നത്. അസൂയപ്പൂക്കൾ എന്ന എന്ന സീരിയലിലാണ് ആദ്യമായി അഭിനയിച്ചത്. മിലി എന്ന കഥാപാത്രത്തെയാണ് രശ്മി അവതരിപ്പിച്ചത്. പിന്നീട് 30 ഓളം ടെലി ഫിലിമുകളിലും സിനിമകളിലും സീരിയലുകളിലും സഹനടിയുടെ വേഷങ്ങൾ രശ്മി ചെയ്തു. ഇതിൽ പ്രശസ്തമായവ മനസ്സുപറയുന്ന കാര്യങ്ങൾ, ശ്രീ കൃഷ്ണ, പെയ്തൊഴിയാതെ, പാവക്കൂത്ത്, സ്വപ്നം, ഓട്ടോഗ്രാഫ്, ഹലോ കുട്ടിച്ചാത്തൻ, വേളാങ്ക���്ണി മാതാവ്, തുളസീദളം എന്നിവയാണ്. സിനിമയിൽ ആദ്യവേഷം സത്യൻ അന്തിക്കാട് സംവിധാനം ചെയ്ത മനസ്സിനക്കരെ ആയിരുന്നു.

ടെലിവിഷൻ അവതരണങ്ങളുടെ പട്ടിക ^[2]

• 2014: രുചിഭേദം (ACV)
• 2020: സിംഗിംഗ് ഷെഫ് (സൂര്യ ടിവി)
• 2021: ബസിംഗ (സീ കേരളം)

1. ↑ "Exclusive biography of #ReshmiBoban and on her life". FilmiBeat.
2. ↑ https://nettv4u.com/celebrity/malayalam/tv-actress/reshmi-boban/list-of-serial-and-shows

രശ്മി ബോബൻ