മനസ്സാക്ഷി (ചലച്ചിത്രം)

1954-ൽ പുറത്തിറങ്ങിയ മലയാള ചലച്ചിത്രമാണ് മനസാക്ഷി. കോയമ്പത്തൂർ ഈശ്വർ പിക്ചേഴ്സ് അവരുടെ തന്നെ കഥയെ ആസ്പദമാക്കി സെൻട്രൽ സ്റ്റുഡിയോയിൽ നിർമിച്ചതാണ് ഈ ചിത്രം. പി.എസ്. നായരും വാണക്കുറ്റിയും ചേർന്ന് സംഭാഷണം എഴുതി. അഭയദേവ് രചിച്ച പാട്ടുകൾക്ക് എസ്.ജി.കെ. പിള്ള ഈണം നൽകി. ചെല്ലപ്പനും തങ്കരാജും ചേർന്ന് നൃത്തസംവിധാനവും, കെ. ഗോപാൽ ഛായാഗ്രഹണവും, രാമസ്വാമി ശബ്ദലേഖനവും, ജി. വിശ്വനാഥ ചിത്രസംയോജനവും, സംവിധാനവും നിർവഹിച്ചു. 1954 നവംബർ 12 ന് ഈ ചിത്രം പ്രദർശനം ആരംഭിച്ചു.^[2]