ഫ്രീ സോഫ്റ്റ്‌വെയർ ഫൗണ്ടേഷൻ ഓഫ് ഇന്ത്യ

സ്വതന്ത്ര സോഫ്റ്റ്‌വെയർ സമിതിയുടെ സഹോദര സ്ഥാപനമാണ്‌ ഫ്രീ സോഫ്റ്റ്‌വെയർ ഫൗണ്ടേഷൻ ഓഫ് ഇന്ത്യ. 2001-ൽ കേരളത്തിന്റെ തലസ്ഥാനമായ തിരുവനന്തപുരത്താണ്‌ ലാഭേച്ഛ കൂടാതെ പ്രവർത്തിക്കുന്ന ഈ പ്രസ്ഥാനം സ്ഥാപിതമായത്^[2]. ഇന്ത്യയിൽ സ്വതന്ത്ര സോഫ്റ്റ്‌വെയർ ഉപയോഗം വർദ്ധിപ്പിക്കുക അതിനാവശ്യമായ സഹായസഹകരണങ്ങൾ തുടങ്ങിയ ആശയങ്ങളോടെയാണ്‌ ഈ പ്രസ്ഥാനം ആരംഭിച്ചത്.

Free Software Foundation India

ചുരുക്കപ്പേര്	FSFI
ആപ്തവാക്യം	Free Software, Free Society
രൂപീകരണം	20 ജൂലൈ 2001 (23 വർഷങ്ങൾക്ക് മുമ്പ്) (2001-07-20)
തരം	Charitable organization
ആസ്ഥാനം	Kerala, India
പ്രവർത്തിക്കുന്ന പ്രദേശങ്ങൾ	India
ബന്ധങ്ങൾ	FSF* network [1]
വെബ്സൈറ്റ്	fsf.org.in

2003-ൽ സ്വതന്ത്ര സോഫ്റ്റ്‌വെയർ സമിതിയുടെ സ്ഥാപകൻ റിച്ചാർഡ് സ്റ്റാൾമാനുമായി നടത്തിയ ഒരു ചർച്ചക്കു ശേഷം എ.പി.ജെ. അബ്ദുൾകലാം^[3][4] ഇന്ത്യയിലെ സോഫ്റ്റ്‌വെയർ ഡവലപ്പർമാരോടും, കമ്പ്യൂട്ടർ സയന്റിസ്റ്റുകളോടും സ്വതന്ത്രവും, ഓപ്പൺ സോഴ്‌സ് അധിഷ്ഠിതവുമായ സോഫ്റ്റ്‌വെയറുകൾ^[5] ഉപയോഗിക്കുവാനും കണ്ടുപിടിത്തങ്ങൾക്കും മറ്റും അവയുപയോഗപ്പെടുത്തുവാനും ആഹ്വാനം ചെയ്തു^[6].