നന്ദനം (ചലച്ചിത്രം)

ഗുരുവായൂരിലെ ഒരു തറവാട്ടിലെ ജോലിക്കാരിയും, കൃഷ്ണ ഭക്തയുമായ ബാലാമണി (നവ്യാ നായർ) യുടെ ജീവിതമാണ് ഈ ചിത്രത്തിൽ ആവിഷ്കരിച്ചിരിക്കുന്നത്. തറവാട്ടിലെ ഇളമുറക്കാരനായ മനു (പൃഥിരാജ് സുകുമാരൻ) വുമായി ബാലാമണി അടുപ്പത്തിലാകുന്നു. ഇരുവരുടേയും പ്രണയത്തിനിടക്ക് പ്രതിബന്ധങ്ങൾ നിരവധിയാണ്. ഇതിനിടെ നിഷ്കളങ്കയായ ബാലാമണിക്ക് മുൻപിൽ ഗുരുവായൂരപ്പൻ (അരവിന്ദ് ആകാശ്) അയൽ വീട്ടിലെ ഉണ്ണിയെന്ന വ്യാജനെ പ്രത്യക്ഷപ്പെടുന്നുമുണ്ട്. ഒടുവിൽ മനുവിന്റെയും ബാലാമണിയുടെയും വിവാഹം നടക്കുകയും ബാലാമണി തനിക്ക് പിന്തുണ നൽകിയിരുന്നത് ഗുരുവായൂരപ്പനായിരുന്നുവെന്ന് മനസ്സിലാക്കുകയും ചെയ്യുന്നതോടു കൂടി ചിത്രം അവസാനിക്കുന്നു.

മാള അരവിന്ദൻ. ശങ്കരൻ മൂശാരി

സുബ്ബ ലക്ഷ്മി. വേശാമണിയമ്മാൾ

സുബൈർ വേണു മേനോൻ

നാരായണൻ നായർ ശങ്കരമ്മാവൻ

ഗിരീഷ് പുത്തഞ്ചേരി എഴുതിയ ഗാനങ്ങൾക്ക് സംഗീതസംവിധാനം നിർവ്വഹിച്ചത് രവീന്ദ്രൻ ആണ്. പശ്ചാത്തലസംഗീതം ചെയ്തിരിക്കുന്നത് രാജാമണി.

ഗാനങ്ങൾ

1. കാർമ്മുകിൽ വർണ്ണന്റെ ചുണ്ടിൽ – കെ.എസ്. ചിത്ര രാഗം : ഹരി കാംബോജി.
2. ആരും ആരും കാണാതെ – സുജാത മോഹൻ
3. ഗോപികേ ഹൃദയമൊരു – കെ.ജെ. യേശുദാസ്
4. മനസ്സിൽ മിഥുനമഴ – എം.ജി. ശ്രീകുമാർ രാഗം : ജോഗ്
5. മൌലിയിൽ മയിൽ പീലി ചാർത്തി – കെ.എസ്. ചിത്ര
6. ശ്രീലവസന്തം – കെ.ജെ. യേശുദാസ്
7. ആരും ആ‍ാരും കാണാതെ – പി. ജയചന്ദ്രൻ , സുജാത മോഹൻ
8. മനസ്സിൽ മിഥുനമഴ – എം.ജി. ശ്രീകുമാർ , രാധിക തിലക് രാഗം : ജോഗ്

• നന്ദനം ഇന്റർനെറ്റ് മൂവി ഡാറ്റാബേസിൽ
• നന്ദനം – മലയാളസംഗീതം.ഇൻഫോ