ജി.ശങ്കരൻ നായർ

ഒററപ്പാലത്തിനടുത്ത പനമണ്ണ ദേശക്കാരനും തിരുവിതാംകൂർ സർക്കാരിൽ രജിസ്ട്രാരുമായിരുന്ന ഗോവിന്ദൻ നായരുടെ മകനായി ശങ്കരൻ ഗോവിന്ദൻ നായർ എന്ന ജി. ശങ്കരൻ നായർ 1891 ജൂൺ 28 -ന് തിരുവനന്തപുരത്തു കോതപ്പുറത്ത് എന്ന ഭവനത്തിൽ ജനിച്ചു. 'അമ്മ ബാലാംബിക എന്ന അമ്മുക്കുട്ടിയമ്മ. അമ്മയുടെ അച്ഛൻ തിരുവിതാംകൂറിലെ ജഡ്ജിയും പ്രസിദ്ധ കവിയുമായിരുന്ന ആററുകാൽ ശങ്കരപ്പിള്ള ^[2] ആയിരുന്നു. അമ്മയുടെ മുത്തച്ഛൻ ലാഹോർ മഹാരാജാവ് രൺജിത് സിംഗിൻറെ മന്ത്രിയും സ്വാതി തിരുനാളിൻറെ കാലത്തു തിരുവിതാംകൂറിലെ ജഡ്ജിയുമായിരുന്ന പണ്ഡിറ്റ് ശങ്കരനാഥ് ആയിരുന്നു. അനുജൻ ഗോവിന്ദ് പരമേശ്വരൻ നായർ ആദ്യമായി പൈലറ്റ് ലൈസൻസ് നേടുന്നതും സ്വന്തമായി വിമാനം വാങ്ങിയതുമായ മലയാളി ആകുന്നു ^[3]. കൂടാതെ കാർത്യായനി 'അമ്മ, കുഞ്ഞുലക്ഷ്മി 'അമ്മ എന്ന ലക്ഷ്മി അമ്മ എന്നീ സഹോദരിമാരും ഉണ്ട്.

ബാല്യം തിരുവനന്തപുരത്തു ചെലവഴിച്ച ജി. ശങ്കരൻ നായർ, ഇടക്കിടെ അച്ഛൻറെ കൂടെഒററപ്പാലത്തു വന്നുപോകുമായിരുന്നു. തിരുവനന്തപുരം മഹാരാജാസ് കോളേജിൽ നിന്നും 1911-ൽ ഇന്റർമീഡിയേറ്റ് പാസ്സായി. മദിരാശി ക്രിസ്ത്യൻ കോളേജിൽ നിന്നും 1913-ൽ ബി.എ.-യും, 1920 -ൽ തിരുവനന്തപുരം ലോ കോളേജിൽ നിന്നും ബി.എൽ. ബിരുദവും കരസ്ഥമാക്കി.

മന്നത്തു പദ്മനാഭൻ കറുകച്ചാലിൽ ആദ്യ സ്കൂൾ തുടങ്ങിയപ്പോൾ കേളപ്പജിയെയാണ് പ്രഥമ പ്രധാനാധ്യാപകനായി നിയമിച്ചത്. അധികം വൈകാതെ കേളപ്പൻ തൻ്റെ പ്രവർത്തന മേഖലയിലേക്കു തിരിച്ചുപോയി. അതിനാൽ അന്ന് ബി.എ. പാസ്സായിരുന്ന ജി. ശങ്കരൻ നായർ ഉടനെ വന്ന് പ്രധാനാധ്യാപകനായി ചുമതലയേൽക്കണമെന്ന് മന്നത്തു പദ്മനാഭൻ, അച്ഛൻ ഗോവിന്ദൻ നായരോട് ആവശ്യപ്പെട്ടു. ജി. ശങ്കരൻ നായർ കറുകച്ചാൽ സ്‌കൂളിലെ പ്രധാനാധ്യാപകനായി. 1914 മുതൽ 1919 വരെ അദ്ദേഹം അവിടെ തുടർന്നു.

തുടർന്ന് മലബാറിൽ വന്ന് പയ്യോളി കോടതിയിൽ വക്കീലായി പ്രാക്ടീസ് തുടങ്ങി. 1921 -ലായിരുന്നു ഇത്. അല്പകാലം കഴിഞ്ഞു അദ്ദേഹം പ്രാക്ടീസ് കോഴിക്കോട്ടേക്കു മാററി.

1924 സെപ്റ്റംബർ 1 -ന് ഒററപ്പാലം കണ്ണിയംപുറം ചെമ്പൊള്ളി കുഞ്ഞിമാളു അമ്മയെ വിവാഹം കഴിച്ചു. കുഞ്ഞിമാളു അമ്മയുടെ യഥാർത്ഥ നാമം ലഭ്യമല്ല കുഞ്ഞിമാളു എന്നാണ് എല്ലാവരും അവരെ വിളിച്ചിരുന്നത്. തൻ്റെ ഭർത്താവിൻ്റെ സകല സാമൂഹ്യ ക്ഷേമ പ്രവർത്തനങ്ങളെയും പ്രോത്സാഹിപ്പിച്ചു സദാ ഉത്തരവാദിത്വത്തോടെ കുടുംബഭാരം ഉൾകൊണ്ട ഒരു സാധ്വിയായിരുന്നു അവർ. അവർക്ക് ശങ്കരനാഥ്(അച്ചന്റെയും അമ്മയുടെ മുത്തശ്ശന്റെയും നാമത്തിൽ നിന്നെടുത്തത്), അംബികാദേവി(അമ്മയുടെ നാമത്തിൽ നിന്നും എടുത്തത്), ഡോക്ടർ സി.എസ്. മോഹൻദാസ്, അശോകൻ എന്നീ നാല് മക്കൾ ജനിച്ചു.

രാജഗോപാലാചാരി, ബി.ആർ. അംബേദ്‌കർ, കെ. കേളപ്പൻ, ദിവാൻ ഷൺമുഖം ചെട്ടി, മന്നത്തു പദ്മനാഭൻ, കെ.പി. കേശവ മേനോൻ, പുത്തേഴത്തു രാമൻ മേനോൻ, കെ.പി.എസ്. മേനോൻ തുടങ്ങി അനേകം പ്രഗത്ഭരുമായി അദ്ദേഹം നിരന്തരം ആശയ വിനിമയം നടത്തി. പലരും ചെമ്പൊള്ളി തറവാട്ടിൽ സ്ഥിരം സന്ദർശകരായിരുന്നു.

ജി. ശങ്കരൻ നായരുടെ പ്രധാന പ്രവർത്തനങ്ങൾ എങ്ങിനെ വർഗ്ഗികരിക്കാം.