കൊറ്റാമം
കേരളത്തിൽ തിരുവനന്തപുരം ജില്ലയുടെ ഭാഗമായ നെയ്യാറ്റിൻകര താലൂക്കിലെ ഒരു ഗ്രാമമാണ് കൊറ്റാമം. ദക്ഷിണ കേരള ഡിവിഷന്റെ കീഴിൽ കൊറ്റാമം ചെങ്കൽ പഞ്ചായത്തിന്റെ കീഴിലാണ് വരുന്നത്. പാറശ്ശാലയിൽ നിന്ന് 4 കിലോമീറ്ററും നെയാറ്റിൻകരയിൽ നിന്ന് 5.5 കിലോമീറ്ററും തിരുവനന്തപുരത്ത് നിന്ന് 30 കിലോമീറ്ററുമാണ് കൊറ്റാമം സ്ഥിതി ചെയ്യുന്നത്. ഈ ഗ്രാമത്തിന് ഒരു പോസ്റ്റോഫീസ് ഉണ്ട്, ഇത് തിരുവനന്തപുരം പിൻ കോഡിന് കീഴിലാണ് - 695122.
ഉദിയൻകുളങ്ങര, നെയ്യാറ്റിൻകര, പാറശ്ശാല എന്നിവയാണ് കൊറ്റാമത്തിന് അടുത്തുള്ള സ്ഥലങ്ങൾ. ഏറ്റവും അടുത്തുള്ള റെയിൽ‌വേ സ്റ്റേഷനായ ധനുവച്ചപുരം നടക്കാൻ കഴിയുന്ന ദൂരത്തിലാണ്. മലയാളം ആണ് കൊറ്റാമത്തിന്റെ പ്രാദേശിക ഭാഷ. സർക്കാർ സേവനം, കെട്ടിടം, കൃഷി എന്നീ മേഖലയിലാണ് ജനങ്ങളുടെ പ്രധാന തൊഴിൽ. ജനസംഖ്യയുടെ വലിയൊരു പങ്കും പ്രവാസികളാണ്.
വിദ്യാഭ്യാസം
തിരുത്തുകവിടിഎം എൻ‌എസ്‌എസ് കോളേജ്,[1] ധനുവച്ചപുരം, സർക്കാർ ലക്ഷ്മി വിലാസം ഹയർ സെക്കൻഡറി സ്കൂൾ, ഫാത്തിമ പബ്ലിക് സ്കൂൾ എന്നിവയാണ് കൊറ്റാമത്തിനടുത്തുള്ള പ്രമുഖ വിദ്യാഭ്യാസ സ്ഥാപനങ്ങൾ.
രാഷ്ട്രീയം
തിരുത്തുകതിരുവനന്തപുരം ലോക്സഭാ മണ്ഡലത്തിന്റെ ഭാഗമാണ് കൊറ്റാമം. കൊറ്റാമം വാർഡ് ചെങ്കൽ പഞ്ചായത്തിന്റെ കീഴിലാണ്. ലെഫ്റ്റ് ഡെമോക്രാറ്റിക് ഫ്രണ്ടിലെ ശ്രീമതി ഷീലയാണ് വാർഡ് അംഗം.
വ്യവസായം
തിരുത്തുകകെൽപാം, കേരള സ്റ്റേറ്റ് പാൽമിറ പ്രൊഡക്ട്സ് ഡെവലപ്‌മെന്റ് വെൽ‌ഫെയർ കോർപ്പറേഷൻ ലിമിറ്റഡ്, കെൽ‌പാം ഫെസിലിറ്റി സെന്റർ എന്നിവയാണ് കൊറ്റാമത്തിനടുത്തുള്ള പ്രധാന ഫാക്ടറി. മാരുതി സുസുക്കി ലിമിറ്റഡ് കാർ ഷോ റൂം, ടിവിഎസ് ത്രീ വീലർ ഷോറൂം, കളിമൺ ഫാക്ടറി, പേവർ ടൈൽസ് ഫാക്ടറി എന്നിവയും കൊറ്റാമത്തിന് അതിർത്തിയിലുണ്ട്.
ഗതാഗതം
തിരുത്തുകകേരള സ്റ്റേറ്റ് റോഡ് ട്രാൻസ്പോർട്ട് കോർപ്പറേഷൻ നടത്തുന്ന പതിവ് ബസ് സർവീസുകളിലൂടെ 26 കിലോമീറ്റർ അകലെയുള്ള തലസ്ഥാന നഗരമായ തിരുവനന്തപുരവുമായി കൊറ്റാമം നന്നായി ബന്ധപ്പെട്ടിരിക്കുന്നു. കൊറ്റാമം ജംഗ്ഷനിൽ നിന്ന് നടക്കാവുന്ന ദൂരമുള്ള മംഗലാപുരം-തിരുവനന്തപുരം-കന്യാകുമാരി റെയിൽ‌വേ പാതയിലാണ് ധനുവച്ചപുരം റെയിൽ‌വേ സ്റ്റേഷൻ.
ഓഡിറ്റോറിയങ്ങൾ
തിരുത്തുകകൈരളി (എയർകണ്ടീഷൻഡ്), ശ്രീ എന്നിവയാണ് കൊറ്റാമത്തിലെ പ്രധാന ഓഡിറ്റോറിയങ്ങൾ.
അവലംബം
തിരുത്തുക- ↑ "Affiliated College of Kerala University".
{{cite web}}: Cite has empty unknown parameter:|1=(help)