കേരള സംസ്ഥാന ചലച്ചിത്ര വികസന കോർപ്പ��േഷൻ

മലയാളം സിനിമ കേരളത്തിൽ തന്നെ പൂർണ്ണമായും വളർത്തുക എന്ന ലക്ഷ്യത്തോടെ കേരള സർക്കാർ ആരംഭിച്ചതാണ് കേരളസംസ്ഥാന ചലച്ചിത്രവികസന കോർപ്പറേഷൻ^[4]. ഇന്ത്യയിലെ ഇത്തരത്തിൽ നടത്തപ്പെടുന്ന ആദ്യ സംരംഭമായ ഇതിന്റെ പ്രവർത്തനം 1975- ജൂലൈ-23ന് തിരുവനന്തപുരത്ത് വഴുതയ്ക്കാട് ആരംഭിച്ചു. ഇതിന്റെ ഫലമായി 1980-ൽ തിരുവല്ലം എന്നപ്രദേശത്തെ തിരുവല്ലം കുന്നിൽ സമ്പൂർണ്ണ സൗകര്യത്തോടുകൂടി ചിത്രാഞ്ജലി സ്റ്റുഡിയോ പ്രവർത്തനം ആരംഭിച്ചു. കേരള സർക്കാരിന്റെ വിവിധ വകുപ്പുകൾക്കായി ഡോക്യുമെന്ററികൾ നിർമ്മിക്കുന്ന ഒരു ഏജൻസി കൂടിയായ ഈ സംരംഭം, 2001-ൽ ടെലിവിഷൻ സീരിയലുകളുടേയും ടെലി ഫിലിമുകളുടേയും നിർമ്മാണത്തിനായി കലാഭവൻ സ്റ്റുഡിയോ വഴുതയ്ക്കാട് പ്രവർത്തനം ആരംഭിച്ചു.