Карлос Тевес

Карлос Тевес
Лични податоци
Роден на	5 февруари 1984 (40 г.)
Роден во	Буенос Аирес, Аргентина
Висина	1,85 м
Позиција	напаѓач
Клупски податоци
Сегашен клуб	Бока Хуниорс
Број	10
Кариера*
Репрезентација ‡
	* Ажурирано на: 25 април 2012; ** Ажурирано на: 6 септември 2011

Карлос Алберто Тевес (шпан. Carlos Alberto Tévez, роден на 5 февруари 1984 во Буенос Аирес, Аргентина) — аргентински фудбалер, напаѓач на Бока Хуниорс и на аргентинската репрезентација. Неговата примарна позицијата е класичен напаѓач, но исто така во периодот додека играл за Манчестер Сити, бил користен на позицијата зад напаѓач во 4-2-3-1 формацијата на Роберто Манчини.

Марадона го нарекол Тевес аргентински пророк на 21-от век^[1].

Кариера

Клупска кариера

Тевес е роден во Сиудадела, град во покраината Буенос Аирес како Карлос Алберто Мартинес. Својте фудбалски почетоци ги направил во клубот Ол Бојс, а потоа преминал во Боку Хуниорс. За време на ова два клуба околу него, го променил своето презиме во девојачкото презиме на својата мајка. Како дете случајно си истурил вриена вода по телото од која се здобил со изгореници од трет степен и останал во болница два месеци.^[2] Како последица од тоа му останале раните од десното уво до градите. Додека играл за Бока Хуниорс, управата на клубот му понудила да му плати операција, но тој го одбил тоа со образложение дека лузните се дел од неговото минато.^[3] Со Бока Хуниорс ги освоил Апертура 2003, Копа Либертадорес и Интерконтиненталниот куп истата године, како и Копа Судамерикана 2004 година.

Во јануари 2005, Тевес ја напуштил Бока и потпишал за Коринтијанс за сума од 15 милиони евра, како дел од договорот кој го постигнал бразилскиот клуб со агенцијата Медија спортс инвестментс, која ги поседувала правата на Тевес.^[4] Неговиот трансфер бил најскапо платен во јужноамериканскиот фудбал. Бил прогласен за најдобар играч на првенството, а истотка тоа било првпат после 1976 година ова признание да го добие еден странски фудбалер.

На 31 август 2006 година, Тевес се преселил во Вест Хем Јунајтед кој објавил дека постигнал договор со агенцијата Медија спортс инвестментс за откуп на Тевес и Хавиер Маскерано, за надомест од 12 милиони £ за секој од нив посебно.^[5] Во својата единствена сезона со чеканите, постигнал 7 гола на 26 настапи, вклучувајќи го и оној во последното коло од првенството, за победа од 1-0 над Манчестер Јунајтед, со кој помогнал на Вест Хем да избегне испаѓање.

Во летниот преоден рок 2007 година, Тевес му се приклучил на Манчестер Јунајтед, но Вест Хем и понатаму ги задржал правата врз играчот.^[6] Играјќи за Манчестер Јунајтед, Тевез успеал да освои две титули во Премиер лигата, еден Лига куп, еден Комјунити Шилд, како и по еден наслов во Лигата на шампионите и Светското клупско првенство.

Откако му истекла позајмицата од осумнаесет месеци, Манчестер Јунајтед сакал да го откупи неговиот договор. Тие постигнале договор со неговата агенција, но Тевез бил незадоволен со минутажата одбил да го потпише понудениот петогодишен договор. Медиумите го најавиле неговиот трансфер во Ливерпул, но наместо нив Тевес го избрал Манчестер Сити и со тоа станал првиот играч кој преминал од едниот во другиот манчестерски клуб по Тери Кук во 1999.

На 26 јуни 2013, Тевес го напуштил Манчестер Сити по 4 сезони поминати во клубот и се преселил во Италија, потпишувајќи за тамошниот шампион Јувентус.^[7] Во својата прва сезона бил најдобар стрелец на клубот со 19 постигнати гола во Серија А, помагајќи му на Јувентус да го освои Скудетото.^[8] Исто така постигнал еден гол во победата со 4-0 над Лацио во Суперкупот.^[9]

Следната сезона Тевес одново бил ударната игра во нападот на екипата на Јувентус постигнувајќи 29 гола во сите натпреварувања. На крајот на сезоната со клубот освоил домашен дабл, и играл во финалето на Лигата на шампионите каде биле поразен од Барселона со 3-1.

По речиси една деценија играње во Европа, во јули 2015 Тевес се вратил во Аргентина во екипата на Бока Хуниорс, за сума од 6,5 милиони евра но во размена на играчи.^[10]^[11]

Репрезентативна кариера

Тевес со репрезентацијата на Аргентина учествувал на Светското првенство за играчи под 17 години. На Летните олимписки игри 2004 бил најдобар стрелец на тимот кој го освоил златниот медал; Тевес постигнал осум гола во шест натпревари на турнирот, вклучувајќи го и победоносниот погодок во финалето.

За сениорската репрезентација играл на Светското првенство 2006 и постигнал еден гол против Србија и Црна гора (6-0) во групната фаза. Учествувал и на Светското првенство 2010 и постигнал два гола против Мексико во осминафиналето, помагајќи и на својата репрезентација да победи со 3-1 и да се пласира во четвртфиналето.

На Копа Америка 2011, Тевес бил единствениот играч од двете страни кој промашил во пенал-серијата во четврт-финалето против Уругвај, што резултирало со елиминација на Аргентина.^[12] По назначувањето на Алехандро Сабелја за селектор во јули 2011 година, Тевез не бил повикан во репрезентацијата на Аргентина цели три години, пропуштајќи го и Светско првенство во 2014 ��а кое неговите сонародници биле вицешампиони.^[13]

Сепак, по заминувањето на Сабелја од клупата на Аргентина, новиот селектор Херардо Мартино го повикал одново Тевес за пријателските натпревари во ноември 2014. Тевес бил повикан и на Копа Америка 2015 во Чиле, каде за разлика од пред четири години кога во четврт-финалето на турнирот бил трагичар сега го постигнал победничкиот погодок во пенал-серијата против Колумбија (5-4 за Аргентина) со кој и донел пласман на својата селекција во полуфиналето. Аргентина стигнала до финалето каде биле поразени од домаќинот Чиле на пенали со 4-1.^[14]

Титули

Клупски

Манчестер Сити

Јувентус

Репрезентативни

Аргентинска репрезентација

Јужно американско првенство за играчи до 20 години : 2003
Летни олимписки игри : 2004

Клупска статистика

Статистиката е ажурирана на 24 октомври 2016.


Сезона	Клуб	Првенство			Национален куп			Континентален куп			Останати купови			Вкупно
Сезона	Клуб	Лига	Наст	Гол	Лига	Н��ст	Гол	Лига	Наст	Гол	Лига	Наст	Гол	Наст	Гол
2001-2002	Бока Хуниорс	ПД	11	1	-	-	-	-	-	-	-	-	-	11	1
2002-2003		ПД	32	11	-	-	-	КЛ	3	1	-	-	-	35	12
2003-2004		ПД	23	12	-	-	-	КЛ	12	5	ИнтК	1	0	36	17
2004-2005		ПД	9	2	-	-	-	КЛ+КС	10+9	3+3	-	-	-	28	8
2005	Коринтијанс	А1/SP+А	13+29	7+20	КБ	6	4	КС	4	0	-	-	-	52	31
2006	Коринтијанс	A1/SP+А	7+9	6+5	-	-	-	КЛ	8	4	-	-	-	24	15
Вкупно Коринтијанс			20+38	13+25		6	4		12	4		-	-	76	46
2006-2007	Вест Хем Јунајтед	ПЛ	26	7	ФАКуп+ЛК	1+0	0	КУ	2^[15]	0	-	-	-	29	7
2007-2008	Манчестер Јуанјтед	ПЛ	34	14	ФАКуп+ЛК	2+0	1	ЛШ	12	4	-	-	-	48	19
2008-2009	Манчестер Јуанјтед	ПЛ	29	5	ФАКуп+ЛК	3+6	2+6	ЛШ	9	2	КШ+СУ+Скп	1+1+2	0	51	15
Вкупно Манчестер Јунајтед			63	19		11	9		21	6		4	0	99	34
2009-2010	Манчестер Сити	ПЛ	35	23	ФАКуп+ЛК	1+6	0+6	-	-	-	-	-	-	42	29
2010-2011		ПЛ	31	20	ФАКуп+ЛК	6+0	3	ЛЕ	7^[16]	0	-	-	-	44	23
2011-2012		ПЛ	13	4	ФАКуп+ЛК	0+1	0	ЛШ+ЛЕ	1+0	0	КШ	0	0	15	4
2012-2013		ПЛ	34	11	ФАКуп+ЛК	6+1	5+0	ЛШ	5	0	КШ	1	1	47	17
Вкупно Манчестер Сити			113	58		21	14		13	0		1	1	148	73
2013-2014	Јувентус	А	34	19	КИ	1	0	ЛШ+ЛЕ	6+6	0+1	СИ	1	1	48	21
2014-2015	Јувентус	А	32	20	КИ	2	0	ЛШ	13	7	СИ	1	2	48	29
Вкупно Јувентус			66	39		3	0		25	8		2	3	96	50
2015	Бока Хуниорс	ПД	12	5	КА	5	4	-	-	-	-	-	-	17	9
2016	Бока Хуниорс	ПД	11	4	КА	0	0	КЛ	8	5	СА	1	0	20	9
Вкупно Бока Хуниорс			98	35		5	4		42	17		2	0	147	56
Вкупно во кариерата			398	189		46	31		113	35		9	4	566	259

Наводи

↑ The New Hammers.
↑ El País (шпански)
↑ Clarín Архивирано на 12 декември 2008 г. (шпански)
↑ „Parceria MSI/Corinthians será remetida ao MP Federal“ (португалски). Conjur. 14 April 2005. Посетено на 15 December 2012.
↑ „Вест Хем единствениот клуб кој се согласува со условите на MSI“. Football365. 4 September 2006. Архивирано од изворникот на 2008-05-01. Посетено на 2013-06-27.
↑ „Man Utd set to wrap up Tévez deal“. BBC Sport. 8 August 2007. Посетено на 8 August 2007.
↑ Официјално - Карлос Тевез во Јувентус^{[мртва врска]} bukvar.mk
↑ Тевез:Сега е време за славје и опуштање^{[мртва врска]} Grid.mk
↑ „Supercoppa, Juventus-Lazio 4-0: gol di Pogba, Chiellini, Lichtsteiner e Tevez“. Архивирано од изворникот на 2019-08-01. Посетено на 2014-08-07.
↑ „Muchas gracias, Carlitos“ (италијански). Juventus FC. 13 July 2015. Посетено на 13 July 2015.
↑ „Carlos Tevez says he wants to write history after returning to Boca Juniors“. Guardian. 14 July 2015. Посетено на 14 July 2015.
↑ „Uruguay beat Argentina on penalties to reach last four of Copa América“. The Guardian. 17 July 2011.
↑ „Tevez not too proud for Argentina bench“. 3 September 2012.
↑ Wilson, Jonathan (5 July 2015). „Hosts Chile Stun Argentina to Claim First Copa América Title on Penalties“. The Guardian. Посетено на 14 August 2015.
↑ Во преелиминарните рунди.
↑ Еден настап во преелиминарните рунди.

Надворешни врски

	Портал „Биографија“
	Портал „Фудбал“
	Портал „Аргентина“

Profile at FutbolPunto with maps and graphs Архивирано на 24 октомври 2010 г.
Карлос Алберто Тевес на soccerway
Карлос Алберто Тевес на transfermarkt

[1] The New Hammers.

[2] El País (шпански)

[3] Clarín Архивирано на 12 декември 2008 г. (шпански)

[casoMSI-4] „Parceria MSI/Corinthians será remetida ao MP Federal“ (португалски). Conjur. 14 April 2005. Посетено на 15 December 2012.

[5] „Вест Хем единствениот клуб кој се согласува со условите на MSI“. Football365. 4 September 2006. Архивирано од изворникот на 2008-05-01. Посетено на 2013-06-27.

[6] „Man Utd set to wrap up Tévez deal“. BBC Sport. 8 August 2007. Посетено на 8 August 2007.

[7] Официјално - Карлос Тевез во Јувентус^{[мртва врска]} bukvar.mk

[8] Тевез:Сега е време за славје и опуштање^{[мртва врска]} Grid.mk

[9] „Supercoppa, Juventus-Lazio 4-0: gol di Pogba, Chiellini, Lichtsteiner e Tevez“. Архивирано од изворникот на 2019-08-01. Посетено на 2014-08-07.

[10] „Muchas gracias, Carlitos“ (италијански). Juventus FC. 13 July 2015. Посетено на 13 July 2015.

[11] „Carlos Tevez says he wants to write history after returning to Boca Juniors“. Guardian. 14 July 2015. Посетено на 14 July 2015.

[12] „Uruguay beat Argentina on penalties to reach last four of Copa América“. The Guardian. 17 July 2011.

[13] „Tevez not too proud for Argentina bench“. 3 September 2012.

[14] Wilson, Jonathan (5 July 2015). „Hosts Chile Stun Argentina to Claim First Copa América Title on Penalties“. The Guardian. Посетено на 14 August 2015.

[15] Во преелиминарните рунди.

[16] Еден настап во преелиминарните рунди.

[1]