Топоним

Топоним (од старогрчки: τόπος, топос = место и ὄνομα, онома = назив)^[1] — име на некое географско место или објект.^[2] Науката што се занимава со изучување на топонимите се нарекува топонимија, која е гранка на ономастиката — општа наука за имињата од секаков вид. Под истото може да се подразбере и севкупноста на месните имиња во дадена област.^[3]

Покрај општиот поим, постојат поедини видови на топоними што се однесуваат на дадени целини или земјишни облици. Такви се:

• ојконими — називи на населени места
• астионими — називи на градови
• хидроними — називи на реки и други водни површини
• ороними — називи на планини
• урбаноними — називи на делови и објекти во еден град
• дромоними — називи на патишта
• етнонимии — називи на народи

Топонимијата е важна гранка на географијата бидејќи дава увид во историјата и културниот идентитет на местата. Сознанијата можат да се изведат од етимологијата на поимот, или пак од физичкото окружување, настаните и преданијата што довеле до ��адениот назив.

• Ономастика
• Патроним
• Етимологија

• Топонимија — рубрика за топонимите во Македонија на порталот „Крале Марко“
• Присилното преименување на населените места, топонимите и микротопонимите во Егејска Македонија — „Македонска нација“