Преглед на кодот на Планетите во астрологијата

Немате дозвола за уредување на оваа страница, од следнава причина:
Вашата IP-адреса се наоѓа во опсег блокиран на сите Викимедиини викија.
Блокот го зададе ‪EPIC‬. Наведената причина гласи Open proxy/Webhost: See the help page if you are affected.
Почнува: 09:48, 2 јули 2024
Истекува: 09:48, 2 јули 2025
Вашата тековна IP-адреса е 206.189.44.186. Блокираниот опсег е 206.189.32.0/20.
Вклучете ги сите горенаведени поединости кога се обраќате. Ако сметате дека сте блокирани по грешка, дополнителни информации и напатствија ќе најдете во глобалното правило Без отворени застапници.
Во спротивно, за да поразговарате за блокот, поднесете барање за разгледување на Мета. Можете и да пишете во VRT-редицата на надзорниците на stewards@wikimedia.org, притоа вклучувајќи ги сите гореспоменати поединости.
Можете да го погледнете и копирате кодот на оваа страница.
{{Без извори|датум=ноември 2009}}
{{Астрологија}}
Значењето и употребата на '''планетите во астрологијата''' е различно од она во [[астрономија]]та. Пред сè, [[астрологија]]та го користи [[геоцентричен систем|геоцентричниот систем]], односно претпоставува дека [[Земја]]та е центарот околу кој се вртат останатите [[планета|планети]]. Зборот „планета“ значи „скитник“, а кругот по кој се цртаат планетите во [[Натална астрологија|наталната карта]] ја симболизира вечноста.

[[Сонце]]то има семејство од девет планети кои кружат околу него, а тоа се: [[Меркур]], [[Венера]], [[Земја]], [[Марс]], [[Јупитер]], [[Сатурн]], [[Уран]], [[Нептун]] и [[Плутон]], чијашто оддалеченост од Сонцето е по тој редослед. Нивните орбити лежат приближно на иста рамнина. Поставеноста на планетите и нивните заемни врски ја претставуваат основата на [[астрологија]]та.

До скоро ([[1781]] година), [[Сатурн]] беше крајот на [[Сончев Систем|Сончевиот Систем]]. Но тогаш [[астрономија|астрономите]] го открија [[Уран]], [[Нептун]] го открија во [[1846]] година, а [[Плутон]] во [[1930]] година. Поради тоа што овие последни три планети не се видливи за голо око, во астрологијата се нарекуваат „надворешни планети“.

== Меркур ==
[[Податотека:Mercurius.jpg|upright|left|thumb|''Меркур'' скулптура од 17 век, на [[Артус Квелинус]].]].
=== Астрономски податоци ===
Ова е најблиската планета до [[Сонце]]то. Орбиталниот период му е 88 дена. [[Меркур]] се движи по високо ексцентрична орбита. Тешко е да се види со голо око, а од [[Британија|Британските Острови]] е видлив само на самрак, кога е блиску до [[хоризонт]]от. Меркур е многу мала планета, со пречник од околу 3000 милји. Нема атмосфера, а поради близината до [[Сонце]]то, неговата температура е околу 400°С.

=== Митолошки и астролошки податоци ===
[[Меркур (бог)|Меркур]] е крилатиот гласник на [[бог]]овите. Носи сандали со крилја, а на боговите им носи информации. Неговата функција е да ја крене [[свест]]а на повисоко ниво. Дава разбирање, и ако ни фали силата на Меркур, не сме способни да разменуваме идеи.

Традиционално, Меркур бил „бог момче“, а неговата сила е појака во раната младост, во периодот кога учиме. Силата на мислата е голема, и кога нешто е искажано со зборови си има свој сопствен живот, или кажано симболично „пенкалото е помоќно од мечот“.

Меркур го претставува нагонот за комуникација (сигнали, говор, пишување, патување). Позицијата на Меркур во [[Натална астрологија|наталната карта]] го покажува начинот на кој мислиме и начинот на кој го искажуваме она што го мислиме, потоа начинот на кој учиме, желбата за комуникација со други и начинот на кој го правиме тоа. Се поврзува со децата и младите луѓе, со нервоза, брзање, немир, интелектуалност.

Физички, се поврзува со [[штитна жлезда|штитната жлезда]] и [[нервен систем|нервниот систем]], кој пренесува информации до [[мозок]]от.

Негов метал е [[жива]]та.

Неговиот астролошки симбол е [[Податотека:Mercury symbol (fixed width).svg|16px]].

Владее со знаците [[Близнаци (хороскопски знак)|Близнаци]] и [[Девица (хороскопски знак)|Девица]].

== Венера ==
[[Податотека:Aphrodite8.jpg|thumb|left|upright|Венера во Националниот археолошки музеј во [[Атина]].]]
=== Астрономски податоци ===
[[Венера]] се наоѓа на оддалеченост од 67 милиони милји од [[Сонце]]то. Орбиталниот период на Венера изнесува 225 дена. Една е од најсветлите [[ѕвезда|ѕвезди]] на [[хоризонт]]от при разденување и при самрак, позната како „Утринска ѕвезда“ и ѕвезда „Вечерница“. Личи на брилијантно бел објект на небото.

=== Митолошки и астролошки податоци ===
[[Венера (божица)|Венера]] е божица на љубовта и убавината, мајка на [[Ерос (бог)|Ерос]]. Венера е женски принцип, таа е вечната Ева кој привлекува со својот шарм и убавина. Дава благородност на сите манифестации на убавината во природата, уметноста и кај луѓето. Без влијанието на Венера, животот нема да биде поднослив, а ние би се претвориле во осамени суштества без желба за љубов.

Позицијата на Венера во [[натална астрологија|наталната карта]] покажува на кој начин ги покажуваме чувствата кон другите, и ја покажува желбата за формирање партнерство. Го покажува типот на личноста што нè привлекува. Исто така може да е во врска со [[Родител|мајката]].

Физички Венера раководи со [[параштитна жлезда|параштитната жлезда]].

Нејзин метал е [[бакар]]от.

Владее со знаците [[Бик (хороскопски знак)|Бик]] и [[Вага (хороскопски знак)|Вага]].

Астролошки симбол - [[Податотека:Venus symbol (fixed width).svg|16px]].

== Марс ==
[[Податотека:Ares Canope Villa Adriana.jpg|thumb|left|upright|Статуа на богот Марс]]
=== Астрономски податоци ===
[[Марс]] има само околу половина од пречникот на [[Земја]]та, а му требаат 687 дена или приближно две години за да заврти еден круг околу [[Сонце]]то. Се наоѓа на растојание од 142 милиони милји. Неговата [[орбита]] е многу ексцентрична, како и онаа на [[Меркур]]. Оската на Марс е искосена под агол од 25° спрема нормалната рамнина, и затоа на оваа планета има годишни времиња како на Земјата. Периодот на [[вртење]] (едно деноноќие) му е 24 часа и 37 минути. Поради минералниот состав изгледа црвенкасто.
[[Податотека:Mars Hubble.jpg|thumb|right|upright|Планетата [[Марс]].]]
Марс има два [[сателит]]а или месечини, наречени [[Демос]] и [[Фобос]] (во превод: Терор и Страв). Демос кружи околу Марс еднаш на 30 часа, а Фобос за само седум и пол часа. Вториов сателит е интересен феномен за набљудувач од Марс, бидејќи изгрева од запад, а заоѓа на исток - трипати на ден.

=== Митолошки и астролошки податоци ===
[[Марс (бог)|Марс]] е богот на војната. Древните народи го поврзувале со војните, огнот и уништувањето. Марс е машкиот принцип, кој обезбедува волја за опстанок и поттик за акција, без кои не можеме ништо да постигнеме.

Позицијата на Марс во [[натална астрологија|наталната карта]] покажува како раководиме со енергијата, на кој начин можеме да бидеме агресивни, и колку лесно се разбеснуваме. Го покажува натпреварувачкиот дух, доколку го имаме, а во лоши позиции носи деструктивност.

Физички Марс управува со [[адреналната жлезда]], која го снабдува телото со дополнителна енергија во моменти на опасност.

Негов метал е [[железо]]то.

Владее со знакот [[Овен (хороскопски знак)|Овен]].

Негов [[астрологија|астролошки]] симбол е [[Податотека:Mars symbol (fixed width).svg|16px]].

== Јупитер ==
[[Податотека:Júpiter y Tetis, por Dominique Ingres.jpg|left|thumb|upright|''Јупитер и Тетида'' (1811), Жан август Доминик Ингрес]]  
=== Астрономски податоци ===
Ова е најголемата планета во [[Сончев Систем|Сончевиот Систем]], со пречник од 88.000 милји, или околу 11 пати е поголема од [[Земја]]та. Кружи околу [[Сонце]]то на средно растојание од 483 милиони милји, а му требаат 11,86 години да комплетира еден круг околу Сонцето. Гледан преку [[телескоп]], на [[Јупитер]] се гледаат темните појаси. Не е налик на ниедна друга планета од Сончевиот Систем, затоа што во најголем дел е составен од гас - [[водород]].

Јупитер има барем 30 [[сателит]]и, а 4 од нив се видливи со било кој мал телескоп. Овие четири месечини ги открил [[Галилео Галилеј|Галилеј]] во [[1610]] година.

Со период [[вртење]] од 10 часа, Јупитер има најбза вртење од сите планети во Сончевиот Систем. Оваа брза вртење прави Јупитер да е незначително рамен на половите.

=== Митолошки и астролошки податоци ===
[[Јупитер (бог)|Јупитер]] е господар на небото и на светот. На богот Јупитер му е дадена моќта врз сите богови и луѓе. Древните луѓе му се молеле на Јупитер во време на војна, во време на чуми, или за дожд во време на суша. Традиционално е дарител на добрата среќа, и е поврзан со мудроста на свештениците. Функцијата на Јупитер е да зголемува, да создава плодност, да размножува, да дава оптимизам и заштита.

Позицијата на Јупитер во [[натална астрологија|наталната карта]] ја покажува вербата, довербата и надежта. Ги покажува областите во кои можеме да напредуваме и луѓето од кои можеме да очекуваме помош.

Јупитер зголемува сè што допира, но кога е пренагласен може да донесе и желба „да се биде Господ“.

Физички Јупитер управува со [[хипофиза]]та, што е во врска со растењето.

Негов метал е [[калај]]от.

Јупитер владеесо знакот [[Стрелец (хороскопски знак)|Стрелец]].

Астролошкиот симбол на Јупитер е [[Податотека:Jupiter symbol (fixed width).svg|16px]].

== Сатурн ==
[[Податотека:Rubens saturn.jpg|upright|thumb|left|''Сатурн го јаде својот син'', [[Рубенс]] (1636), Мадрид, Прадо]]
=== Астрономски податоци ===
[[Сатурн]] е џиновска [[планета]] која кружи  околу [[Сонце]]то на далечина од 886 милиони милји, во период од 29 ½ години. Не е многу помал од [[Јупитер]], со среден пречник од 75.000 милји.

Најчудната одлика на Сатурн се неговите прстени (има 4 прстени), коишто се составени од милиони делови што се вртат во рамнината на екваторот на планетата. Сатурн ротира еднаш во 10 часа и 14 минути, а оваа брзо вртење предизвикува сплескување на половите. Многу е сличен на Јупитер.

Кога [[Галилео Галилеј]] го видел првпат преку [[телескоп]] во [[1610]] година, не можел да ги види убаво прстените. Прстените прв ги видел [[Холандија|холанѓанецот]] Хјугенс во [[1655]] година, којшто ги опишал како „сплескани прстени, кои никаде не ја допираат планетата“.

Сатурн има 11 [[сателит]]и, кои се наоѓаат после системот на прстените. Најголемиот од овие сателити е наречен Титан, и е најголемата месечина во [[Сончев Систем|Сончевиот Систем]].

=== Митолошки и астролошки податоци ===
[[Сатурн (бог)|Сатурн]] е стариот татко на времето, Косачот. Раните цивилизации го поврзувале богот Сатурн со времето, темнината, смртта и раздорот, но после грчко-римските времиња, тој е бог на општествениот поредок, на сезоните и на земјоделството, претставен како жнеач со коса. Ова има длабока асоцијација, бидејќи „оној што сее, тој и ќе коси“, па оттука се дошло до концептот за небесната правда. Постарите астролози му припишувале лоши одлики. Сепак, онаму каде што Јупитер проширува, Сатурн собира, и со тоа се постигнува неопходниот баланс.

Психолошки, Сатурн е нашиот голем строг учител, архетип на стар човек, гласот на совеста. Ја претставува нашата вродена желба за ред и сигурност, носи чувство на должности и одговорности и нè тера на самодисциплина.

Позицијата на Сатурн во [[натална астрологија|наталната карта]] покажува на кое поле од животот треба да научиме некои лекции, и областите во кои треба да сме подготвени на тешкотии. Сатурн може да ги претставува старите луѓе во нашиот живот.

Физички, Сатурн управува со дел од [[хипофиза]]та, со скелетот на телото и кожата.

Негов метал е [[олово]]то.

Владее со хороскопскит знак [[Јарец (хороскопски знак)|Јарец]].

[[Астрологија|Астролошкиот]] симбол на Сатурн е [[Податотека:Saturn symbol (fixed width).svg|16px]].

== Уран ==
[[Податотека:Aion mosaic Glyptothek Munich W504.jpg|thumb|left|Уран со Тера на римски мозаик]]
=== Астрономски податоци ===
Сè до [[1781]] година, [[Сатурн]] бил најдалечната позната планета. Таа година, Хершел направил преглед на небото, кога на [[13 март]] забележал мал сјаен објект кој не е виден претходно. Идните [[астрономија|астрономи]] ја пресметале орбитата на [[Уран]].

Уран има период на револуција околу [[Сонце]]то од 84 години, а средното растојание од Сонцето изнесува 1783 милиони милји. Пречникот му е измерен на 29.000 милји (односно 4 пати помал од [[Земја]]та). Интересна одлика на оваа планета е екстремно високата оска на наклон, односно 98° од нормалата на орбитата. Ротира релативно брзо, 10¾ часа, и ова предизвикува зголемено сплескување на половите. Температурата во неговата атмосфера е околу минус 190°С.

Има пет [[сателит]]и, а два од нив ги пронашол Хершел во 1787 година. Без оптичка помош Уран е невидлив.

=== Митолошки и астролошки податоци ===
[[Уран (бог)|Уран]] е таткото на [[Сатурн (бог)|Сатурн]]. Грчкото име Уран го претставува „ноќното небо“. Уран во митологијата е носител на просветеност: разбудувачот, иако на почеток бил сметан за уништувач. Уран е магионичар кој ги менува формите. Интересно е да се напомене дека првите телевизиски антени беа во форма на симболот на Уран.

Уран е наречен и повисока октава на Меркур, бидејќи носи интелигенција и оригинална мисла. Психолошки, Уран е она внатре во нас што нè тера да се буниме против статус кво ситуации, и да ја бараме сопствената независност.

Позицијата на Уран во [[натална астрологија|наталната карта]] го покажува степенот на желбата за промена и за отстапување од конфорноста. Носи потенцијал за иновации и оригиналност.

Негов метал е [[ураниум]]от.

Владее со [[Водолија (хороскопски знак)|Водолија]].

Астролошкиот симбол на Уран е [[Податотека:Uranus monogram (fixed width).svg|16px]].

== Нептун ==
[[Податотека:Andrea_Doria_as_Neptun_by_Angelo_Bronzino.jpg|thumb|left|upright|[[Ањоло Бронѕино]]: [[Нептун]].]]
=== Астрономски податоци ===
Откако бил пронајден [[Уран]], станало јасно дека не се движи по предвидената патека, бидејќи некоја друга планета ја ремети неговата [[гравитација]]. Масата и позицијата на ова непозната планета била предвидена од Адамс во [[Англија]] и Левериер во [[Франција]], а пресметките на Левериер биле испратени во Берлинската опсерваторија во септември [[1846]] година, каде што на [[23 септември]] [[астрономија|астрономите]] Д`Арест и Гал ја нашле новата планета, за помалку од еден степен од предвидената позиција.

[[Нептун]] кружи околу [[Сонце]]то на средна далечина од 2793 милиони милји, еднаш во период од 165 години. Во време на неговото откривање Нептун се наоѓал во соѕвездието Јарец, и нема да се врати таму сè до [[2011]] година. Скорешните мерења велат дека пречникот на Нептун е 31.000 милји, а температурата во атмосферата е околу минус 220°С.

Нептун има два [[сателит]]а, [[Тритон (месечина)|Тритон]] и [[Нереида (месечина)|Нереида]]. Тритон е една од поголемите месечини во Сончевиот Систем, а го открил [[Ласел]] во [[1846]] година, неколку недели по откривањето на Нептун. Нереида е многу помала месечина, а ја открил [[Герард Кајпер]] во [[1949]] година.

=== Митолошки и астролошки податоци ===
[[Нептун (бог)|Нептун]] е богот на морето. Интересно е дека во времето кога е откриена планетата [[Нептун]], се распространил интересот за [[окултизам|окултното]], [[спиритуализам|спиритуализмот]] и [[хипноза]]та. Овие интереси денес се распространети низ цел свет.

Нептун е поврзан со сè што е невидливо или мистериозно, со сè што не е овоземно, туку со „она од што се направени соништата“. Тоа е функцијата на Нептун, да ги растопи границите меѓу материјалното и нематеријалното. Психолошки ги претставува нашите идеали, фантазијата, и правецот на бегање од стварноста, макар и во дрога, алкохол, уметноста, или религијата.

Во [[натална астрологија|наталната карта]] позицијата на Нептун покажува на кој начин сме идеалисти, ги покажува исцелителските моќи на поединецот, уметничките склоности, хуморот, но и подложноста да се биде жртва на измама.

Нептун раководи со [[епифиза]]та, жлезда позната и како „трето око“.

Негов метал е [[нептуниум]]от, а поврзан е и со сите проѕирни супстанции.

Нептун владее со знакот [[Риби (хороскопски знак)|Риби]].

Астролошки симбол за Нептун е [[Податотека:Neptune symbol (fixed width).svg|16px]].

== Плутон ==
[[Податотека:Hades-et-Cerberus-III.jpg|upright|thumb|left|Ад и Кербер]]
=== Астрономски податоци ===
После откритието на [[Нептун]], [[астрономите]] предвидуваа откривање на деветта планета, поради отстапувањето на Нептун од својата орбита. Астрономот [[Ловел]] (кој ги видел каналите на [[Марс]]), извршил пресметки за масата и позицијата на новата планета, но [[Плутон]] е откриен дури во [[1930]] година, 14 години после смртта на Ловел.

Неговата средна далечина од [[Сонце]]то е 3.660 милиони милји, а периодот на револуција е 248 години. Поради неговата ексцентрична [[орбита]], Плутон влегува во орбитата на Нептун, но нема шанси да се судри со него. Периодот на [[вртење]] е пресметан на 6 дена и 9 часа, што е заклучено од набљудувања на светлината на планетата. Не е веројатно дека има каква било атмосфера, а температурата на површината на планетата е пресметана на околу минус 230°С. Големината на Плутон не е пресметана со сигурност, а проценките варираат од 2000 до 6000 милји за пречникот. Масата на Плутон е 1/10 од масата на Земјата, но ни ова не е сигурно.

Според една теорија, можно е да постои десетта планета зад Плутон, а во [[1978]] година пронајдена е уште една планета, [[Хирон]] голема речиси колку и Плутон, така што Плутон се смета за дупла планета.

=== Митолошки и астролошки податоци ===
[[Плутон (бог)|Плутон]] е богот на подземјето, наречен и [[Ад]], брат на боговите Јупитер и Нептун. Позната е приказната кога Плутон ја грабнал [[Персефона]], ќерката на божицата на житото, за да биде негова жена во подземјето. Божицата барајќи си ја ќерката, не дозволила ништо да расте на земјата додека не ја најде. Конечно, боговите уредиле девојката да биде вратена кај мајка ѝ, но една третина од годината мора да биде во подземјето. Периодот од годината кога Персефона е во подземјето, за нас е познат како - зима.

После откритието на Плутон, во светот се појавува пораст на фанатизмот: употребена е атомската бомба, светот стана зависен од нафтата („црното злато“), која од друга страна ни ги загадува градовите, а [[Фројд]], [[Карл Густав Јунг|Јунг]] и [[Алфред Адлер|Адлер]] ја започнаа истрагата на [[несвесно]]то.

Психолошки, Плутон е поврзан со нашето несвесно, со репродукцијата, но и со тр��нсформацијата: смртта и воскреснувањето. Позицијата на Плутон во [[натална астрологија|наталната карта]] покажува на кое поле е потребна трансформацијата во нашиот живот.

Негов метал е [[плутониум]]от.

Плутон владее со знакот [[Скорпија (хороскопски знак)|Скорпија]].

[[Астрологија|Астролошки]] симбол за Плутон е [[Податотека:Pluto symbol (large orb, fixed width).svg|16px]].

== Користени извори ==
* Џон Филби: „Натална астрологија“, ФАС, 1981.
* Алистер Кроули: „Астрологија: студија за Нептун и Уран“, Езотерија.
* Стивен Форест: „Книга за Плутон“, АЦС, 1995.

{{Западна астрологија}}

[[Категорија:Астрологија]]
[[Категорија:Хороскоп]]
[[Категорија:Алхемија]]
[[Категорија:Технички чинители во астрологијата]]
Предлошка на страницава:
Предлошка:Navbox (уреди)
Предлошка:Tnavbar (уреди)
Предлошка:· (преглед на кодот) (заштитен)
Предлошка:Астрологија (уреди)
Предлошка:Без извори (преглед на кодот) (заштитен)
Предлошка:Западна астрологија (уреди)
Предлошка:Навкутија (преглед на кодот) (полузаштитен)
Предлошка:Навлента (уреди)
Модул:Arguments (уреди)
Модул:Navbar (уреди)
Модул:Navbox (уреди)
Назад на Планетите во астрологијата.
Преземено од „https://mk.wikipedia.org/wiki/Планетите_во_астрологијата“