Слојна пирамида

Слојна пирамида (позната локално ��а арапски како el haram el midawwar, арапски: الهرم المدور, што значи „пирамида на урнатини“) е руинирана пирамида од времето на Третата египетска династија (2686 п.н.е. до 2613 п.н.е.) и сместена во некрополата на Завил Ел Ариан. Нејзината сопственост е неизвесна и може да се припише на фараонот Каба. Пирамидалната архитектура, сепак, е многу слична на онаа на погребната пирамида на кралот Сехемхет и поради оваа причина е цврсто датирана на третата династија.

Слојна пирамида
Остатоците од пирамидата
Непознато, можеби Каба, Трета династија
Координати	29°55′58″N 31°09′41″E / 29.932820° СГШ; 31.161262° ИГД / 29.932820; 31.161262 (Pyramid of Khaba)
Изградба	околу 2630 г. п.н.е.
Тип	Скалеста пирамида
Материјал	природен темел и тули од кал
Висина	pпланирана да биде 42–45 м (138–148 ст), денес 17 м (56 ст)
Основа	84 м (276 ст)
Наклон	68°

Пирамидата била ископана на почетокот на XX век од два различни тима кои пријавиле спротивни проценки во однос на нејзината големина и број на подземни комори. Не биле пронајдени артефакти во текот на ископувањата, и не можело да се пронајде трага од погреб. Поради оваа причина, не е јасно дали пирамидата била искористена за да се погреба фараонот или била напуштена по прераната смрт на кралот.

Во времето на нејзината изградба пирамидата била опкружена со некропола со големи мастаби што им припаѓале на високите претставници на државата од Третата династија. Храмот на мртовечницата бил изграден на источната страна на пирамидата и храмот од долината веројатно бил сместен неколку стотици метри од неа. Денес, пирамидата се наоѓа во границите на ограничената воена област, ограничувајќи ги современите ископувања на локацијата.