Сериозен човек (филм)

Новиот филм на браќата Коен е сместен во 1967 година, а приказната започнува кога Лари Гопник, професор по физика на еден мирен универзитет, дознава дека неговата сопруга Џудит го напушта поради еден од неговите колеги, Си Аблиман бидејќи смета дека тој многу повеќе и одговара од слабиот Лари. Невработениот брат на Лари, Артур, спие на каучот во дневната, син му Дени има проблем со дисциплината во новото училиште, а ќерка Сара му краде секој ден пари од паричникот за да заштеди за толку посакуваната операција на носот. И додека неговата сопруга и нејзиниот љубовник го уредуваат својот нов дом, а братот му станува сè поголем товар, се појавува анонимно напишано на машина, за да ги саботира шансите на Лари за напредок работа. Во исто време една студентка се обидува да го поткупи за да добие преодна оцена на испитот и му се заканува дека ќе го тужи за навреда. Додека се обидува да воспостави рамнотежа во својот живот, Лари бара совет од три различни места. Со мешавината на црн хумор и лични теми, браќата Коен го направија својот најзрел, а можеби и најдобар филм досега, филм за кој допрва ќе се зборува.

• Мајкл Штулбарг - Лари Гопник
• Ричард Кинд - Артур Гопник
• Сара Ванер Леник - Џудит Гопник
• Фред Меламед - Си Алибман
• Арон Волф - Дени Гопник
• Џорџ Винер - Раби Нахтнер
• Адам Аркин - Дон Милграм

• Официјално мрежно место Архивирано на 22 мај 2010 г.
• Семрежна филмска база на податоци
• Ротен Томатоес