КК Лирија
КК Лирија е поранешен кошаркарски клуб кој се наоѓал во населбата Чаир во Скопје, Македонија и има настапувано во Првата македонска кошаркарска лига.
| КК Лирија KB Liria | |||
|---|---|---|---|
| Основан | 1977 | ||
| Распаднат | 11 септември 2014 | ||
| Место | Скопје | ||
| Бои на клубот | сина и бела | ||
| Тренер | Марјан Илиевски (последен) | ||
| Позиција 2013/14 (Прва лига мажи) | Полуфинале Супер Лига 4ти | ||
| Дресови | |||
| |||
Историја
уредиКлубот првично бил создаден во 1977 година во основното училиште "Лирија" во Скопје, и поради тоа клубот се вика Лирија. На почетокот во тогашниот состав играле воглавно поранешни и тогашни ученици од тоа училиште. Најголем придонес за клубот има веќе покојниот Ментаз Алајбегу.
По основањето, клубот се натпреварувал во Втората македонска републичка лига, која била во состав на југословенскиот кошаркарски систем. Подоцна се пласирале во Првата македонска републичка лига. Во сезоната 1985/86 клубот се распаднал. Од 2007/08 клубот се обновил, со неколку активирања и паузи во меѓувреме.
Од сезоната 2008/09, клубот почнал со натпреварување во Третата лига и поради добриот успех напреднал во Втората лига за следната сезона. Во сезоната 2009/10 во Втората лига, Лирија завршила на шестото место. За следната сезона, поради откажување на некои прволигашки екипи, Лирија добила вајлд карта заради пополнување на Првата лига.[1] Во сезоната 2010/11 во Првата лига, Лирија завршила на петтото место во Суперлигата, додека во Купот стигнале до четврфиналето. Во 2011/12, екипата стигнала до полуфиналето во Лигата и Купот. Во 2012/13, Лирија завршила на шестото место во Суперлигата, а во Купот до четвртфинале. Во сезоната 2013/14, Лирија за првпат во својата историја играла во финале односно во Купот, каде изгубила од МЗТ Аеродром, додека во Лигата стигнала до полуфиналето каде повторно изгубила од МЗТ Аеродром. За време на полуфиналето против МЗТ Аеродром, Лирија поради ненаоѓање на сопствена сала изгубила службено и така била елиминирана.[2]
Исто така, поради ненаоѓање на сопствен терен, Лирија го откажала своето учество во Првата Лига за сезоната 2014/15 и се распаднала.[3]
Галерија
уреди-
2013/14 домашен дрес напред
-
2013/14 домашен дрес назад
-
2013/14 гостински дрес напред
-
2013/14 гостински дрес назад
Поважни поранешни играчи
уреди
|
Извор:eurobasket.com
Поврзано
уредиНаводи
уреди- ↑ „Ултимејт Баскет и Лирија добија прволигашка виза“. dnevnik.mk. преку daily.mk. 5 октомври 2010. Посетено на 13 септември 2016.
- ↑ Лирија не најде соодветна сала, МЗТ службено во финале[мртва врска] ekipa.mk 22 мај 2014
- ↑ Елитата без Лирија, сезоната стартува на 11 октомври[мртва врска] ekipa.mk 11 септември 2014