Густав Влахов
Густав Влахов (18 септември 1912 во Истанбул, Турција — 16 јануари 1991 во Белград, Југославија) — македонски комунист, револуционер, политички работник, дипломат[1] и носител на „Партизанска споменица 1941“.
| Густав Влахов | ||
| ||
| Роден | 18 септември 1912 Истанбул, Турција | |
|---|---|---|
| Починал | 16 јануари 1991 Белград, Југославија | |
Животопис
уредиГустав Влахов е син на македонскиот револуционер Димитар Влахов, кој имаше големо влијание Густав рано да се вклучи во револуционерното движење. Тој на рани години престојува во различни градови и држави (Варна, Софија, Приштина, Одеса, Киев, Женева и Софија). Основното училиште го завршува во Варна (1919–1923), средното во Виена (1932), а потоа живее во Париз и станува член на КПФ (1933–1934). Преку Лондон и Ленинград, стигнува во Москва (1935), каде што се запишува на Военохемиската академија. По едномесечниот притвор на татко му (1938), тој е исклучен од Воената академија и се запишува и по две години го завршува Хемиско-технолошкиот факултет и се вработува како инженер-технолог во московска фабрика. Член е на КПЈ од 1933 година.[2]
Втора светска војна
уредиВо текот на Втората светска војна Густав Влахов се пријавува за доброволец и учествува во редовите на Црвената армија при одбраната на Москва, вршејќи разни одговорни воени должности.[2]
На 5 октомври 1944 г. тргнува со татко му од Москва во Крајова, каде што преговараат Тито и Трпешев и речиси два месеца се наоѓа во Титовата близина. По краткиот престој во Белград, на 17 ноември тргнува за Скопје. Во Македонија осум месеци врши одговорни функции: директор на првата Партиска школа на КПМ во Скопје, член на Агитпроп и инструктор на ЦК на КПМ за скопската партиска организација и директор на Централата за распределба на земјоделски производи.[2]
Активности после Втората светска војна
уредиПо ослободувањето врши одговорни должности во Македонија и во федералните органи на СФРЈ. Југословенски амбасадор е во Пакистан од 1957 до 1961 година, во Костарика од 1959 до 1964 година, во Мексико од 1961 до 1966 година, кога бил акр��дитиран и во Хондурас 1962-1965 година и во Панама 1963-1969 година, како и во Австрија 1973-1977 година.[2]
Во 1945 година, веднаш позавршувањето на Втората светска војна, оформен е првиот фудбалски оддел во скопското спортско здружение, под претседателство на Густав Влахов. Фудбалската секција е одвоена на 16 август 1948 година и формиран е Фудбалскиот сојуз на Македонија, на 14 август 1949 година, како дел од Фудбалскиот сојуз на Југославија.[3]
Автор е на неколку дела кои даваат осврт на периодот пред, за и по Втората светска војна, меѓу кои „Спомени на татко ми“[4] и „На пресвртница: како ја видов и доживеав 1948“.[5]
Наводи
уреди- ↑ Личности од Македонија. Скопје: МИ-АН. 2002. стр. 60. ISBN 9989-613-28-1. На
|first=му недостасува|last=(help) - ↑ 2,0 2,1 2,2 2,3 „ВЛАХОВ, Густав Димитров“. Македонска Енциклопедија. 2018-10-23.
- ↑ ФФМ (9 мај 2014). „Времеплов“. Архивирано од изворникот на 2021-01-24.
- ↑ Vlahov, Gustav (1968). Spomeni na tatko mi.
- ↑ Влахов, Густав Д. (1990). На пресвртница: како ја видов и доживеав 1948. Студентски збор.
Надворешни врски
уреди| Оваа статија за личност од Македонија е никулец. Можете да помогнете со тоа што ќе ја проширите. |
