Кодомо
Кодомо (јапонски: 子供) — метажанр на аниме и манга, чија целна публика се деца под 10-11 години. Овој жанр е еден од најстарите, бидејќи првите анимеа биле создадени посебно за детска публика. Истакнатите одлики на жанрот се неговата „подетинетост“, лесно разбирливи приказни и без длабоки пораки.. Кодомо-анимето обично не содржи услуга на обожаватели или насилство.
.jpg)
Понекогаш кодомо-анимето е поблиску до европската или американската анимација отколку до кој било вид аниме, како во стил, така и во структура на серијата. Меѓутоа, сите серии од овој вид создадени во Јапонија се сметаат за вид аниме.
Историја
Мангата за деца започнала кон крајот на XIX век со раскази, обично околу 15 страници, објавени во списанија. Овие рани манги биле дел од напорите на периодот меиџи да ја промовира писменоста кај јапонската младина. Значајна пресвртница во популарноста на анимето дошла со создавањето на Astro Boy од Осаму Тезука, кој нашироко се смета за татко на анимето.[1]
Примери на аниме и манга во жанрот кодомо
- Покемон
- Digimon
- Дораемон
- Мојот сосед Тоторо
- Anpanman
- Соник Икс
Наводи
- ↑ Zagzoug, Marwah. „The History of Anime & Manga“. nova online. C.T. Evans. Посетено на March 2, 2015.