Meditazzion

Quest articol chì l'è scrivud in lombard, con la Noeuva Ortografia Lombarda

Quell articol chì l'è domà un sbozz. Se violter sii bon de metegh dent un quaicoss pussee, preocupeves minga e provegh. Inscì de havégh un'ideja de tucc i alter sbozz, vardee chinscì.

La meditazzion (sanscret: ध्यान, dhyāna) l’è una pratega indova l’individov el dœuvra di tecneghe per conzentràss sora un’oget particolar, entità, penser o atività, e per eserzì e maistrà la sò ment e atenzion, e per calmàss sgiò e gagnà ciarezza mental.^[1][2][3][4] La meditazzion l’è ben prategada in de un bell numer de tradizzion religiose, compagn de l’Induesim, Gianesim e Buddhesim.^[5]

A partì del segol quell di 19, i prateghe meditative di religion indo-ariane hann tacad a spantegàss anca in Ozzident, indova i vegnen doperade anca in de di contest minga semper de carater religios, coma, per esempi, ol business e la salut.^[6] La meditazzion la pœul sbassà un frach i nivei de stress, ansia, depression e patiment,^[7] e fà cresser un sens de pas interiora, la percezzion,^[8] ol sens del sè e l’istà ben in sgeneral.^[9][10][11] La zienza l’è adree anca adess a fàgh dree di studi per comprender mej i efet de la meditazzion in su la salut de l’hom, e psicologega, e neurologega, e cardiovascolara.