Neolitica

La neolitica (de elinica νέος, "nova", e λίθος, "petra") es la divide final de eda de petra, comensante sirca 12,000 anios ante aora cuando la developas prima de cultiva ia apare en la epipaleolitica en Asia sude-ueste, e plu tarda en otra partes de la mundo. La divide neolitica ia dura (en acel parte de la mundo) asta la periodo de traversa de la calcolitica de sirca 4,500 aec, marcada par la developa de metalurjia, prosiminte a la eda de bronze e eda de fero. En otra locas la neolitica ia dur plu longa. En Europa norde, la neolitica ia dura asta sirca 1700 aec, e en Xina lo ia estende asta 1200 aec. Otra partes de la mundo (incluinte la Americas e Oseania) ia resta jeneral en la neolitica asta sua contata con europeanes. La neolitica es composada de un segue de cualias e cambias de condui e cultur, incluinte la usa de cultivas domada e savaje, e de animales domada.

Vide ance Revolui Neolitica