Pompjeeën

Déi verschidden Eckdaten a Meilesteng vun den éischten 100 Joer Bestoe vum Pompjeesverband zu Lëtzebuerg vun 1883-1983.

• 1883: De 14. Januar si 45 Corpsen op der Grënnungsversammlung zu Dikrech. Éischte President vum Pompjeesverband war den Edouard Metz bis 1890.
• 1890: De 5. Januar kënnt déi éischt Nummer “Der Freiwillige Feuerwehrmann” eraus, et ass de Virgänger vum De lëtzebuerger Pompjee. De Gustave de Marie gëtt den 12. Oktober zum Verbandspresident gewielt.
• 1892: De 7. August ass zu Ettelbréck den éischte Pompjeesdag mat der Feier vum 10-järege Bestoe vum Verband.
• 1896: Gesetzlech Unerkennung vun der Stierfkees, déi am Joer 1925 dem Nationalverband vun de Mutualitéite bäitrëtt.
• 1903: De Verband huet 87 Pompjeescorpse mat am Ganzen 3.100 Mann a senge Reien.
• 1905: Aféierung vun enger "Spezieller Steier am Intressi vum Pompjeeswiesen".
• 1910: D'Zuel vun de Verbandscorpsen ass op 148 mat 4500 Aktive geklommen.
• 1915: De Léon Metz gëtt neie Verbandspresident.
• 1923: An de leschte Joren si vill nei Corpsen dem Verband bäigetrueden, soudatt dësen elo op 202 Corpse mat 6100 Aktive Pompjeeë klëmmt.
• 1931: Den Henri Funck-Reding, deen nom Doud vum Léon Metz am Joer 1929 zäitweileg d'Funktioun vum President iwwerholl hat, gëtt den 20. September offiziell zum Verbandspresident gewielt, e Posten deen en du bis am Joer 1951 besat huet.
• 1933: De 27. August feiert de Verband zu Esch-Uelzecht säi 50-järegt Bestoen.
• 1951: De 15. September gëtt den Henri Funck-Metzler zum neie President gewielt.
• 1952: D'Schaaffung vun enger ambulanter Pompjeesschoul.
• 1957: De Generalinspecter J. P. Kohl iwwerhëlt d'Leedung vun der Pompjeesschoul zu Cinqfontaines.
• 1961: Participatioun vu Lëtzebuerger Pompjeeën un den 1. Internationalen Feuerwehr-Wettkämpfe vum CTIF zu Bad-Godesberg.
• 1965: De Verbandskongress beschléisst den 18. a 19. September zu Hesper, de Bäitrëttsalter vu Pompjeeën op 10 Joer erofzesetzen a leet domat de Grondstee fir den Opbau vu Jugendpompjeeën.
• 1966: De Verband kritt eng Erlabnes fir eng Fuerschoul fir Pompjeesween iwwer 3.500 kg ze féieren (bis 1982).

Den 20. August gëtt d'"Amicale des Sapeurs-Pompiers Retraités" gegrënnt. Den Henri Funck-Delvaux iwwerhëlt provisoresch d'Presidentschaft vum Verband.

Déi 244 Pompjeescorpsen, souwuel fräiwëlleger wéi och Wierks- a Beruffspompjeeë sinn an hirem Daachverband, der Fédération Nationale des Corps des Sapeurs-Pompiers du Grand-Duché du Luxembourg A.s.b.l., affiliéiert. Déi Federatioun koordinéiert d'Service d'Incendie vun den 116 Gemengen aus dem Land.

Den Nationale Pompjeesverband deelt sech an 13 Kantonalverbänn op.

Den Exekutive Rot besteet aus dem President, zwéi Vizepresidenten, dem Generalsekretär an dem Generalcaissier.

Den Zentralkommitee setzt sech zesummen aus

• dem Exekutivrot
• den 13 Delegéierte vun de Kantonalverbänn

• 1. Pompjeeskantonalverband Lëtzebuerg-Stad
• 2. Pompjeeskantonalverband Lëtzebuerg-Land
• 3. Pompjeeskantonalverband Kanton Capellen
• 4. Pompjeeskantonalverband Kanton Esch Uelzecht
• 5. Pompjeeskantonalverband Kanton Miersch
• 6. Pompjeeskantonalverband Kanton Klierf
• 7. Pompjeeskantonalverband Kanton Dikrech
• 8. Pompjeeskantonalverband Kanton Veianen
• 9. Pompjeeskantonalverband Kanton Réiden
• 10. Pompjeeskantonalverband Kanton Wolz
• 11. Pompjeeskantonalverband Kanton Iechternach
• 12. Pompjeeskantonalverband Kanton Gréiwemaacher
• 13. Pompjeeskantonalverband Kanton Réimech

Déi National Pompjeesschoul mat Sëtz zu Nidderfeelen iwwerhëlt déi komplett Instruktioun vum Lëtzebuerger Pompjeeswiesen. All Kantonalverband stellt jeeweils ee Kantonalinstrukter deen a senger Funktioun domat chargéiert ass, d'Instruktioun an deem Kanton wou en täteg ass, ze koordinéieren.

Déi verschidde Coursen déi zur Ausbildung vun engem Pompjeeë gehéiere sinn:

• Jugendpompjeeléiergank (JGA)
• Grondléiergank (FGA)
• Éischt Hëllef
• Otemschutzléiergank (AGT)
• Sauvetageléiergank
• Funkléiergank (FKL)
• AGT
• CF1
• CF2
• BAT1
• BAT2
• BAT3
• GSE1
• GSE2

Fir déi verschidden Aufgaben z'erfëllen, hunn d'Pompjeeën an der Neizäit vill technescht Geschier, an dat perséinlecht Ekipement vun all Pompjee, dat an all Pompjeesbau ënnerbruecht ass. Dat ass geduecht de Pompjeesdéngscht viru Gefore bei der Ausbildung, Übung an am Asaz ze schützen.

A verschiddene Länner, sou wéi och zu Lëtzebuerg, sinn d'Pomjeeën och fir de Rettungsdéngscht zoustänneg an hunn dofir och déi néideg Ween a Geschier.

Zum perséinlechen Ekipement vun all Lëtzebuerger Pompjee gehéiert:

• Gallet F1 Helm (eventuell mat Helmluucht)
• Kombinaison F1
• Sécherheets-Pompjeestiwwelen
• Nomex III Jackett
• Nomex III Box
• Sécherheetsrimm (Reflekter)
• feierfest Liederhändschen
• Funkmelder (Piipsert)

Doriwwer eraus, komme bei de Pompjeeën och Kommunikatiounssystemer an Technik fir ënner anerem d'Alarméierung zum Asaz. A gréissere Corpsen huet all Pompjee e Funkmelder (Piipsert), iwwer deen e vum Noutruff 112 a vu senger Unitéit op en Asaz geruff ka ginn.

  Méi Informatioun doriwwer am Artikel: Pompjeesgefier.

D'Lëtzebuerger Pompjeeë si, genee wéi an anere Länner no engem militäresche System opgebaut an hu sou huet jiddwer Pompjee jee no Déngschtalter, Funktioun an Ausbildung e Grad.

D'Dénschtgraden op "Velcro" sinn:

• 1. Pompjeeën
•  
  Aspirant
•  
  1 Classe
•  
  Caporal
•  
  Caporal Chef

• 2. Ënneroffizéier
•  
  Sergeant
•  
  Adjudant
•  
  Adjudant Chef

• 3. Offizéier
•  
  Lieutenant
•  
  Lieutenant 1er
•  
  Capitaine
•  
  Capitaine Commandant

•  
  Médecin-Capitaine, Aumônier, Pharmacien
•  
  Médecin Capitaine Commandant

•  
  Commandant
•  
  Lieutenant Colonel 2ème degré
•  
  Lieutenant Colonel 1er degré
•  
  Colonel

• Pompjeesgefier
• Fluchhafepompjeeën
• Pompjeeë Gemeng Mamer
• Noutruff
• Éischt Hëllef
• Protection Civile
• Ambulanz
• Sauvetage
• SAMU
• Luxembourg Air Rescue
• Fräiwëlleg Pompjeeë Mutfert-Méideng
• Fräiwëlleg Pompjeeën zu Lëtzebuerg

• Reglement ministériel vun 1965 iwwer d'Reorganisatioun vum Service d'incendie zu Lëtzebuerg
• Reglement vun 1970, dat d'Reglement vun 1965 deelweis ëmännert
• Loi du 12 juin 2004 portant création d'une Administration des services de secours
• Fédération Nationale des Corps de Sapeurs-Pompiers du Grand-Duché de Luxembourg
• 112 - Portail des Secours du Grand-Duché de Luxembourg
• Centre d'intervention Beetebuerg
• Centre d'intervention Kayl
• Fräiwelleg Pompjeeën Mutfert-Méideng
• Fräiwelleg Pompjeeën Ettelbréck
• Fräiwëlleg Pompjeeën Rouspert-Steenem
• Luxfirerescue
• Wierkspomjeeë vun der Goodyear: Fire and rescue team Goodyear (de)