Howard Hawks

Den Howard Winchester Hawks, gebuer den 30. Mee 1896 zu Goshen, Indiana a gestuerwen de 26. Dezember 1977 zu Palm Springs, Kalifornien, war en US-amerikaneschen Dréibuchauteur a Regisseur vun der klassescher Ära vun Hollywood.

Howard Hawks
den Howard Hawks mat der Lauren Bacall (ëm 1943).
Gebuer	30. Mee 1896
Gestuerwen	26. Dezember 1977 Palm Springs
Doudesursaach	Hiereschlag
Nationalitéit	USA
Educatioun	Cornell University
Aktivitéit	Dréibuchauteur, Filmproduzent, Filmregisseur, Schauspiller, Pilot, Filmediteur, Regisseur, Schrëftsteller
Famill
Geschwëster	William Hawks

Hien huet eng ganz Rëtsch Filmer dirigéiert, déi haut zu de grousse Klassiker zielen, an dat an deenen ënnerschiddlechste Genren, vu Comédien iwwer Gangsterfilmer a Western bis hin zu Science-Fiction. Dorënner si Scarface (1932), Bringing Up Baby (1938), Only Angels Have Wings (1939), His Girl Friday (1940), Sergeant York (1941), To Have and Have Not (1944), The Big Sleep (1946), Red River (1948), The Thing from Another World (1951), Gentlemen Prefer Blondes (1953) a Rio Bravo (1959).

1975 huet hien den Éierenoscar fir säi Liewenswierk kritt; zwee Joer drop ass hien am Alter vun 81 Joer gestuerwen.