Grad (Wénkel)

Brochdeeler vu Grade kann een a ville Varianten uginn:

• dezimal: ggg,g…°
• sexagesimal:
  • Grad a Minutten: ggg° mm′
  • Grad, Minutten a Sekonnen: ggg° mm′ ss″
  • Grad, Minutten, Sekonnen an Tertien: ggg° mm′ ss″ tt′′′ (haut ganz rar)
• sexagesimal an dezimal kombinéiert:
  • Minutten dezimal: ggg° mm,m…′
  • Sekonnen dezimal: ggg° mm′ ss,s…″
  • Tertiën dezimal: ggg° mm′ ss″ tt,t…′′′

Ëmrechnung vu sexagesimaler an dezimaler Duerstellung:

${\displaystyle Grad_{\mathrm {dezimal} }={\frac {{\tfrac {tt/60+ss}{60}}+mm}{60}}+ggg}$ 

Am Internationalen Eenheetesystem gëtt d'Boumooss als Radiant definéiert, d'Moosseenheet Grad awer akzeptéiert. De rechnereschen Zesummenhang ass follgendermoossen zeréckzeféieren:

De Vollwénkel huet 2 π Radiant oder 360 Grad; dofir gëllt:

${\displaystyle 360^{\circ }=2\pi \,\mathrm {rad} }$ 

doraus erfollegt:

${\displaystyle 1^{\circ }={\frac {2\pi }{360}}\,\mathrm {rad} ={\frac {\pi }{180}}\,\mathrm {rad} \approx 0{,}017453293\,\mathrm {rad} }$ 

Graden déi keng ronn Zuelen hunn, solle wa méiglech dezimal notéiert ginn, zum Beispill 12,37°. Alternativ ass d'sexagesimal Angab mat Minutten a Sekonne méiglech, zum Beispill 12° 22′ 12″. SI-Virsätz, zum Beispill milli, sinn op Grad geneesou wéineg ze gebrauchen, wéi op Grad Celsius.

D'Andeelung vum Krees-Vollwénkel an 360° an der Geometrie, Geographie, Geodesie an Astronomie gouf duerch d'Astronomen Hypsikles vun Alexandria („Anaphorikos“, 170 v. Chr.) an Hipparch vun Nikaia (190–120 v. Chr.) agefouert.

• Gradandeelung
• Ekliptikal Koordinate