Eurovision Song Contest 1987
| 32. Eurovision Song Contest | |
|---|---|
| Datum | 9. Mee 1987 |
| Stad | Bréissel (Belsch) |
| Gebai | Palais du Centenaire |
| Gewënner | Johnny Logan (Irland) |
| Zuel vu Länner | 22 |
| Nei Participatiounen | Keng |
| Moderatioun | Viktor Lazlo |
| Interval Act | Mark Grauwels |
| Ofstëmmungsreegel | An all Land huet eng Jury 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn. |
Den 32. Eurovision Song Contest war den 9. Mee 1987 an der Belsch. Organiséiert gouf d'Eurovisioun dat Joer am Palais du Centenaire zu Bréissel. Presentatrice war d'Viktor Lazlo.
Fir déi éischt Kéier hunn am Ganzen 22 Länner matgemaach, sou vill wéi nach ni virdrun. Malta a Monaco waren net dobäi. De Maximum vu Länner déi matmaachen däerfen ass dunn och vun den Organisateuren op 22 festgesat ginn.
Verschidde Sänger ware scho virdru mol eng Kéier dobäi, de Gary Lux fir Éisträich 1983 (Deel vu Westend) a 1985, d'Alexia fir Zypern 1981 (Deel vun Island), d'Grupp Wind fir Däitschland 1985 an de Johnny Logan fir Irland 1980.
D'Reegel fir d'Ofstëmmung ass d'selwecht bliwwe wéi déi Jore virdrun: An all Land huet eng Jury 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn. D'Resultater si per Telefon op Bréissel matgedeelt ginn.
Déi éischt Plaz krut de Vertrieder vun Irland, de Johnny Logan mat 31 Punkte Virsprong virum Grupp Wind (Däitschland). Déi drëtt Plaz krut den Duo Umberto Tozzi a Raf, déi fir Italien ugetruede waren.
Fir Irland war et déi drëtt Kéier datt et de Grand Prix gewonnen hat, zweemol dovun de Johnny Logan (déi éischt Kéier 1980). De Johnny Logan hat dës Kéier d'Lidd och selwer geschriwwen.
Klassement
änneren| Plaz | Land | Interpret | Titel | Punkten |
|---|---|---|---|---|
| 1. | Irland | Johnny Logan | Hold Me Now | 172 |
| 2. | Däitschland | Wind | Lass die Sonne in dein Herz | 141 |
| 3. | Italien | Umberto Tozzi & Raf | Gente di mare | 103 |
| 4. | Jugoslawien | Novi Fosili | Ja sam za ples | 92 |
| 5. | Holland | Marcha | Rechtop in de wind | 83 |
| 5. | Dänemark | Anne-Catherine Herdorf & Bandjo | En lille melodi | 83 |
| 7. | Zypern | Alexia | Aspro-mavro | 80 |
| 8. | Israel | Lazy Bums | Shir habatlanim | 73 |
| 9. | Norwegen | Kate Guldbrandsen | Mitt liv | 65 |
| 10. | Griicheland | Bang | Stop | 64 |
| 11. | Belsch | Liliane Saint-Pierre | Soldiers of Love | 56 |
| 12. | Schweden | Lotta Engberg | Boogaloo | 50 |
| 13. | Groussbritannien | Rikki | Only the Light | 47 |
| 14. | Frankräich | Christine Minier | Les mots d'amour n'ont pas de dimanche | 44 |
| 15. | Finnland | Vicky Rosti & Boulevard | Sata salamaa | 32 |
| 16. | Island | Halla Margrét | Hægt og hljótt | 28 |
| 17. | Schwäiz | Carol Rich | Moitié-moitié | 26 |
| 18. | Portugal | Nevada | Neste barco à vela | 15 |
| 19. | Spuenien | Patricia Kraus | No estás solo | 10 |
| 20. | Éisträich | Gary Lux | Nur noch Gefühl | 8 |
| 21. | Lëtzebuerg | Plastic Bertrand | Amour, Amour | 4 |
| 22. | Tierkei | Seyyal Taner & Lokomotif | Şarkım sevgi üstüne | 0 |
Um Spaweck
änneren| Commons: Eurovision Song Contest 1987 – Biller, Videoen oder Audiodateien |
| Bergen (Norwegen) | Dublin (Irland) | |
|---|---|---|
| ESC 1986 | Eurovision Song Contest | ESC 1988 |
