Marcus Antonius
Marcus Antonius (Romae natus die 14 Ianuarii 83 a.C.n.; Alexandriae mortuus die 1 Augusti 30 a.C.n.), filius Marci Antonii Cretici et nepos Marci Antonii Oratoris, magistratus et imperator Romanus fuit. Suffragator magnus C. Iulii Caesaris erat. Caesare occiso, cum Octaviano et Lepido societatem iniit quae Triumviratus Secundus ab rerum gestarum scriptoribus nominatur. Clade Actiaca confecta, Antonius et uxor Cleopatra VII sibi mortem consciverunt.
.jpg)
obverso Cleopatra: CLEOPA[TRAE•REGINAE•REGVM•]FILIORVM•REGVM•
reverso Antonius: ANTONI•ARMENIA•DEVICTA
Matrimonia et filii
recensereAntonius quinque uxores duxit, quorum nomina et proles sequuntur:
- Fadia liberti filia, e qua (si Ciceroni credimus) filios et filias genuit
- Antonia quam anno fere 47 a.C.n. ob adulterium reiecit
- Antonia quae Pythodoro Tralliano nupsit
- Fulvia quae anno 40 a.C.n. mortua est
- Octavia minor Octaviani soror
- Antonia maior quae L. Ahenobarbo nupsit
- Antonia minor quae Neroni Claudio Druso nupsit, Claudii mater, Caligulae avia, Neronis proavia
- Cleopatra VII Aegypti regina
M. Antonii scripta
recensere
Epistulas M. Antonii, hodie deperditas, octies citat Suetonius in opere De vita Caesarum. De Octaviani avo argentario et proavo restione scripsit; de avo maternali unguentario ac pistore; de agnomine "Thurino" Octaviano per contumeliam tributo; de fuga Octaviani a proelio iuxta Mutinam; de cena "duodecim deorum" ab Augusto data; de Scribonia dimissa; de festinatis Liviae nuptiis et uxore quadam consulari ab Octaviano stuprato; et de feminis in usu eius ab amicis selectis.[1] Plinius maior auctor est Antonium opus De sua ebrietate conscripsisse.[2]
Fontes de vita M. Antonii
recensere- Appianus, Bella Civilia libri 2-5
- Dio Cassius, Historia Romana libri 41-50
- Plutarchus, "Vita Marci Antonii"
Notae
recensere- ↑ Suetonius, De vita Caesarum "Augustus" 2, 4, 7, 10, 69, 70.
- ↑ Plinius, Naturalis historia 14.147-148
Bibliographia
recensere- "Antonius (12)" in Gulielmus Smith (1844–1849). Dictionary of Greek and Roman Biography and Mythology [📖]. Londinii: Taylor & Walton vol. 1 pp. 214-216
- H. Bengtson, Marcus Antonius: Triumvir und Herrscher des Ostens. Monaci, 1977
- P. J. Bicknell, "Caesar, Antony, Cleopatra and Cyprus" in Latomus vol. 36 (1977) pp. 325-342
- Jean-Christophe Couvenhes, "Le basilikon symposion de Cléopâtre à Tarse et Antoine neos Dionysos à Athènes" in Catherine Grandjean, Anna Heller, Jocelyne Peigney, edd., A la table des rois: luxe et pouvoir dans l'oeuvre d'Athénée (Redonis: Presses Universitaires de Rennes, 2013. ISBN 978-2-7535-2888-8) pp. 229-250
- Eleanor G. Huzar, "Mark Antony: Marriages vs. Careers" in Classical Journal vol. 81 (1985/1986) pp. 97-111
- K. Scott, "Octavian's Propaganda and Antony's De Sua Ebrietate" in Classical Philology vol. 24 (1929) pp. 133-141
| Antecessores: Gaius Caninius Rebilus et Gaius Trebonius |
Consul 44 a.C.n. cum Gaio Iulio Caesare V post Idus Martias Publio Cornelio Dolabella |
Successores: Aulus Hirtius et C. Vibius Pansa Caetronianus |