Despoena
Despoena (Graece Δέσποινα 'domina' vel Despoine) in mythologia Graeca fuit filia Demetris et Posidonis et soror Arionis.[1] Ea est dea mysteriorum cultuum Arcadianorum nomine Despoena venerata, "domina" iuxta Demetrem matrem, unam ex deis mysteriorum Eleusinorum. Nomen verum eius patefieri non licuit nisi eis, qui in eius mysteriis initiati erant.[2] Pausanias dicit Demetri esse duas filias: Coram maiorem natu, tum Despoenam, Iove Corae, Despoenaeque Posidone patre. Pausanias manifeste narrat Coram esse Persephonem, quamquam verum Despoenae nomen in medium non profert.
Posidon, apud mythum primitivum, Demetrem videns matrem terrestrem concupit. Quae, ut eum effugiat, formam equinam sibi adsumit, sed ille sibi formam admissarii vicissim adsumens cum ea coniungitur. Ex hac coniunctione Demeter filiam Despoenam filiumque Arionem (Graece Ἀρείων), equum fabulosum, parit. Mater, irá ob hanc vicissitudinem incensa, epitheton Erinys 'furens' accipit.[3]
Etymologia
recensereVocabulum despoena a vocabulo Graeco Mycenaeo *des-potnia deducitur, 'domina domús, materfamilias' significans, a Graeco domos, a PIE *dem/*dom 'aedificare, domus' + potni (Graece potnia 'domina' deducto. Forma mascula est despotes (Graece Δεσπότης 'dominus domus, paterfamilias').[4] Inter Mycenaea vocabula cognata sunt potnia et Posedao (Poseidon), quae in Graecia classica easdem significationes habentia hereditate accepta sunt. Demeter probabiliter est verbum cognatum, 'mater domús, materfamilias' significans, a PIE *dems-mater deductum.[5]
Notae
recensereNexus interni
Bibliographia
recensere- Hard, Robin, et H. J. Rose. 2004. The Routledge Handbook of Greek Mythology: Based on H.J. Rose's Handbook of Greek Mythology. Ed. 7a. Routledge. ISBN 978-0-415-18636-0).
- Hathorn, Richmond Yancey. 1967. Crowell's handbook of classical drama. Thomas Y. Crowell Company.
- "Despoena" in Gulielmus Smith (1844–1849). Dictionary of Greek and Roman Biography and Mythology [📖]. Londinii: Taylor & Walton
Nexus externus
recensere- Despoine, www.theoi.com (Propositum Theoi)
|
Haec stipula ad mythologiam spectat. Amplifica, si potes! |
|
Haec stipula ad religionem spectat. Amplifica, si potes! |
