Bellum Gothicum
Bellum Gothicum gestum est inter Ostrogothos et Romanos imperii orientalis exinde ab anno 535 usque ad annum 554. Iustinianus I imperator Augustus Romanorum erat, et hoc bellum narratur a rerum gestarum scriptoribus ut pars Restaurationis Imperii.
De expeditione Belisarii
recensereAnno 535, milites Romani Sicilia aderant, ex Africa regressi. Hoc tempore, Amalasuntha filia Theodorici regis et socia Iustiniani, in exsilio missa est et ultime occisa. Ob hanc rem, Iustinianus iussit Belisarium ducem in Italiam intrare et eam in dicione Romanorum redigere.
Anno 536 Belisarius Siciliam, Rhegium, Neapolin, et Romam ipsam cepit, et Witiges ad septentrionem et Ravennam fugit. Ianuario profecti est iterum Witiges ad Romam, quam obsedit per menses quindecim, sed urbs non cecidit. Interdum destruxit Witiges omnes aquaeductús Romanos.
Narses dux per Illyricum in Italiam intravit et cum suis ad Mediolanum anno 538 profectus est. Mediolano capto, anno 540, Franci Alpes transiverunt et Padaniam et Mediolanum vastaverunt. Ob hanc rem, Narses in Constantinopoli reclamatus est. Interea Belisarius Ravennam obsedit et cepit. Ibi Witiges rex captus et necatus est. Regno Italiae victo, Gothi tunc obtulerunt Belisario Imperium Occidentale, sed hanc is denegavit. Iustinianus suspiciosus Belisarium in Constantinopolin redire iussit.
Rebellio Totilae
recensereBelisario regresso, Gothi rex Ildibadum creaverunt, qui Romanos apud Trevisum superavit, sed ipse eodem anno 541 occisus est. Eraricus tunc electus est a trustibus Odoacri et a Gothis cito necatus.
Totila factus est rex mense Decembri anno 541, et rebellaverunt omnes Gothi contra Romam. Ob plagam et bellum Persicum, pauci Romani milites erant in Italia anno 542. Inter annos 542 et 543, Totila Gothos ex Padania in Latium et Campaniam duxit, ubi Romanos apud Faventiam superavit, et Neapolin obsidione clausit. Tandem anno 546 Totilae Roma cedit. Postremo? anno Belisarius regressus urbem cepit, quam iterum cepit Totila anno 549.
Narses in Italiam
recensereNarses, iterum in Italiam a Iustiniano anno 551 missus, Gothos in proeliis apud Bustam Gallorum (ubi Totila captus est) anno 552 et ad Montem Lactarium anno 553 superavit. Anno 554, copiae Gothorum exstinctae sunt, et Narses omnem Italiam in dicionem Constantinopolitanam redegit.
Nexus interni
Fontes classicae
recensere- Procopius, De Bello Gothico, Volumina I–IV
- (Anglice) Iordanes, De origine actibusque Getarum ("The Origin and Deeds of the Goths"), in Anglicum transtulit Charles C. Mierow.
- Cassiodorus, Variae epistolae, vide Project Gutenberg
Litterae
recensere- Roy Boss: Justinian’s Wars: Belisarius, Narses and the Reconquest of the West. Stockport 1993.
- John B. Bury: History of the Later Roman Empire. Bd. 2. New York 1923, iterum pressum anno 1958, ISBN 0-486-20399-9.
- Peter J. Heather: Goths and Romans. Clarendon, Oxford 1991, ISBN 0-19-820535-X.
- Philip Rance: Narses and the Battle of Taginae (Busta Gallorum) 552: Procopius and sixth century warfare. In: Historia 54 (2005), p. 424–472.
- H.N. Roisl: Totila und die Schlacht bei den Busta Gallorum, Ende Juni/Anfang Juli 552. In: Jahrbuch der Österreichischen Byzantinistik 30 (1981), p. 25–50.
- Torsten C. Jacobsen: The Gothic War. Westholme, Yardley 2009.