Tralesonda

Tralesonda^[1] (Russice nunc Vysotsk, ante Trongsund) est urbs regionis Leninopolitanae Russiae. In insula eiusdem nominis ad fretum tenue sinus Finnici situm est, quod fretum introitus in sinum Viburgensem est et ad Viburgum ducit. Hoc fretum tenue (Suecice trång sund) urbi nomen dedit. Incolas 1129 anno 2021 habuit.

Historia

Antea Suecica, ab anno 1710 Russica facta est. Tunc arx Tralesondae aedificari coepit, saeculo XIX refecta. Ab anno 1917 ad 1940 Finnica erat (Finnice Uuras, i.e. laboriosus, nominatur). Anno 1948 nomen Vysotsk in honorem Cosmae Diomedis filii Vysotskij, Herois Unionis Sovieticae hic occisi, urbs cepit.

Notae

↑ Lucae Aurigarii Speculum nauticum super nauigatione maris occidentalis, Lugduni Batavorum 1586, p. 23

Nexus externi

Situs geographici et historici: Locus: 60°37′32″N 28°34′6″E • GeoNames

Situs officialis (Russice)

[1] Lucae Aurigarii Speculum nauticum super nauigatione maris occidentalis, Lugduni Batavorum 1586, p. 23

[1]