მარლენ ხუციევი

მარლენ ხუციევი
მარლენ ხუციევი
დაბადების თარიღი	4 ოქტომბერი, 1925 თბილისი, საქართველო
გარდაცვალების თარიღი	19 მარტი, 2019 (93 წლის)[1] მოსკოვი, რუსეთის ფედერაცია
პროფესია	კინორეჟისორი სცენარისტი
მშობლები	მამა: მარტინ ხუციშვილი (1900–1937) დედა: ნინა უთენელიშვილი (1905–1957)

მარლენ ხუციევი (რუს. Хуциев, Марлен Мартынович; დ. 4 ოქტომბერი, 1925, თბილისი — გ. 19 მარტი, 2019, მოსკოვი, რუსეთის ფედერაცია) — ქართული წარმოშობის საბჭოთა და რუსი კინორეჟისორი და სცენარისტი. სსრკ სახალხო არტისტი (1986). პროფესორი.

1950 წელს დაამთავრა საკავშირო კინემატოგრაფიის სახელმწიფო ინსტიტუტის სარეჟისორო ფაკულტეტი (ი. სავჩენკოს სახელოსნო). ხუციევმა ფელიქს მირონერთან ერთად გადაიღო სადიპლომო ფილმი „ქალაქთმშენებლები“, შემდეგ კი — „გაზაფხული ზარეჩნაიას ქუჩაზე“, რომელსაც მიენიჭა ბრინჯაოს მედალი მოსკოვის ახალგაზრდობისა და სტუდენტთა მსოფლიო ფესტივალზე 1967 წელს. სხვა ფილმებიდან აღსანიშნავია: „ორი თედორე“ (1958), „მე ოცი წლისა ვარ“ (1964), „ივლისის წვიმა“ (1966), „ბოლოსიტყვაობა“ (1983). 1970 წელს გადაიღო მხატვრული ტელეფილმი „მაისის თვე იყო“, რომელსაც მიენიჭა პრემია პრაღის ტელეფილმების VII საერთაშორისო კინოფესტივალზე. მისმა ფილმმა „მე ოცი წლისა ვარ“ მიიღო პრიზები ვენეციისა და რომის საერთაშორისო კინოფესტივალებზე 1965 წელს.

2019 წლის მარტში, ბოტკინის სახელობის საავადმყოფოში ჰოსპიტალიზაციის შემდეგ, გარდაიცვალა 94 წლის ასაკში.^[1]

• მარლენ ხუციევი — საქართველოს ბიოგრაფიული ლექსიკონი
• მარლენ ხუციევი კინოფილმების ინტერნეტ-მონაცემთა ბაზაში
• მარლენ ხუციევი — სტატია დიდი რუსული ენციკლოპედიიდან (რუსული)

• Зоркая Н., Марлен Хуциев, в её кн.: Портреты, М., 1965.