ჯამბულ ჯაბაევი

ჯამბულ ჯაბაევი (დ. 28 თებერვალი [ძვ. სტ. 16 თებერვალი] 1846, ჯეთისუ, — გ. 22 ივნისი 1945, ალმა-ათა) — ყაზახი აკინი. დაიბადა მომთაბარის ოჯახში. 14 წლისამ დაიწყო დომბრაზე დამღერება. მის რეპერტუარში შედიოდა აღმოსავლური საგმირო („ქობლანდი ბითირი“, „ერ-თარღინი“, „ქოროღლუ“) და რომანტიკული ეპოსი („ყოზი ქორფეშ-ბაიან სლუ“, „ლეილი და მაჯნუნი“, „ყიზ-ჟიბექი“ და სხვა). სახელი გაუთქვა XIX საუკუნის ბოლოს და XX საუკუნის დასაწყისში აკინთა აიათისებზე (პოეტური პაექრობა) გამარჯვებამ.

ჯამბულ ჯაბაევი
ყაზახ. Жамбыл Жабаев
დაბადების თარიღი	16 (28) თებერვალი, 1846
დაბადების ადგილი	ალმათის ოლქი, უფროსი ჟუზი
გარდაცვალების თარიღი	22 ივნისი, 1945(1945-06-22)[1] (99 წლის)
გარდაცვალების ადგილი	ალმათი[1]
დასაფლავებულია	Jambyl museum
საქმიანობა	პოეტი, მომღერალი და კომპოზიტორი და აშუღი
ენა	ყაზახური ენა
მოქალაქეობა	სსრკ რუსეთის იმპერია
ჟანრი	ლექსი და Aytysh
ჯილდოები	სტალინური პრემია, ლენინის ორდენი, საპატიო ნიშნის ორდენი, შრომის წითელი დროშის ორდენი და მედალი „1941-1945 წლების დიდ სამამულო ომში გმირული შრომისათვის“
ჯამბულ ჯაბაევი ვიკისაწყობში

ჯამბულმა ასეულობით სიმღერა და პოემა შექმნა. 1936 წლიდან მისი ნაწარმოებები სისტემატურად იბეჭდებოდა. 1937 წელს იმოგზაურა საქართველოში, დაესწრო „ვეფხისტყაოსნის“ 750 წლის იუბილეს. ამ მოგზაურობას უძღვნა სიმღერები „სალამი კავკასს“, „სტალინის სამშობლოში“. ჯამბულის სიმღერები თარგმნილია მრავალ ენაზე. მათ შორის ქართულადაც.

თბილისში არსებობდა მისი სახელობის ქუჩა.