ქარიშხლის წინ

ფაბრიკის მეპატრონესთან კონფლიქტის გამო თადე და გიჟუა ქალაქს ტოვებენ და სოფელში ბრუნდებიან. გიჟუას თადეს და ტასია შეუყვარდება. მათი ქორწილის წინა დღეს, თავად როსტომის ბრძანებით, საპატარძლოს თავადის სახლში წაიყვანენ. მეგობრები ქალს დაიხსნიან და გლეხობაში მჩაგვრელი თავადების საწინააღმდეგო პროპაგანდას წამოიწყებენ. ამბოხებული გლეხები თავად როსტომს მოკლავენ. პოლიციისგან დევნილი თადე და გიჟუა ქალაქში დაბრუნდებიან და რევოლუციურ მოძრაობაში ჩაებმებიან. მოქანდაკე კრილოვა, რომლის ბინაშიც არალეგალურ კრებებს ატარებენ, რევოლუციონერებს გასცემს. მათ დააპატიმრებენ.

• ლადო კავსაძე (გიჟუა – მუშა – რევოლუციონერი)
• ლილი ღოღობერიძე (ტასია – გიჟუას საცოლე)
• ლ. ქართველიშვილი (თადე – გიჟუას მეგობარი)
• ივლიტა ჯორჯაძე (მარო)
• ლ. სოკოლოვი (გადმოსახლებული რევოლუციონერი)
• ნიკო გოცირიძე (მოხუცი)
• მარია არნაზი (კრილოვა – პროვოკატორი)
• ალექსანდრე იმედაშვილი (პეტუა)
• ა. ალშიბაია (თავადი გიგო)
• სიმონ ჟივიძე (საქუა)
• უშანგი ჩხეიძე (ნიკო)
• დიმიტრი მჟავია (გოროდოვოი)
• ქეთევან ანდრონიკაშვილი (კატინე)
• გიორგი ფრონისპირელი (კინტო)
• დავით ჩხეიძე (მღვდელი)
• ვლადიმერ ადამიძე (ჯაშუში)
• შალვა დადიანი
• ზაალ ტერიშვილი
• ვლადიმერ გვიშიანი (იმერელი)

კინოში გამოუცდელი რეჟისორი ვერ ასცდა ტექნიკურ ლაფსუს, კადრებში ალაგ-ალაგ ჩანს გადამღე��ი ჯგუფის წევრები. მან წინასწარ საგაზეთო სტატიითაც მოუწოდა მაყურებელს, მომავალ ფილმში ბევრი შეცდომა იქნ��ბა და მკაცრად არ განმსაჯოთო.

პრემიერა გაიმართა კინოთეატრ „აისში“,სხვა ვერსიით კი კონსერვატორიის დარბაზში. მაშინდელმა პრესამ ფილმი მოიწონა.

• ირაკლი მახარაძე, „დიადი მუნჯი“ — ბაკურ სულაკაურის გამომცემლობა, თბილისი, 2014 ISBN 978-9941-23-104-9