მინდელური ეპოქა

მინდელური ეპოქა, მინდელი, მინდელური გამყინვარება [სახელი ეწოდა მდინარე დუნაის შენაკად მინდელის (Mindel) მიხედვით] — მეოთხეული სისტემის (პერიოდის) ერთ-ერთი გამყინვარება. გამოყვეს 1909 ალპებში ა. პენკმა და ე. ბრიუკნერმა. მინდელური ეპოქას ყოფილ სსრკ-ში შეესაბამება ოკური, ხოლო დასავლეთ ევროპაში — ელასტურის გამყინვარება. მინდელური ეპოქა დაიწყო დაახლოებით 600 ათასი და დამთავრდა დაახლოებით 250 ათასი წლის წინათ.