დავით ბეჟუაშვილი
დავით ბეჟუაშვილი (დ. 19 იანვარი, 1969, მანგლისი) — ქართველი პოლიტიკოსი, საქართველოს ოთხი მოწვევის პარლამენტის (1999, 2004, 2008, 2012) წევრი.
| დავით ბეჟუაშვილი | |
|---|---|
| დაბადების თარიღი | 19 იანვარი, 1969 |
| დაბადების ადგილი | მანგლისი, თეთრიწყაროს რაიონი, საქართველოს სსრ, სსრკ |
| მოქალაქეობა |
 სსრკ → საქართველო |
| განათლება | თბილისის სახელმწიფო უნივერსიტეტი |
| სამეცნიერო ხარისხი | ეკონომიკურ მეცნიერებათა კანდიდატი |
| ეროვნება | ქართველი |
| შვილ(ებ)ი | 2 |
| ჯილდოები |
 |
ბიოგრაფია
რედაქტირება1993 წელს დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ეკონომიკის ფაკულტეტი სპეციალობით მაკროეკონომიკა. 1998-1999 წლებში მუშაობდა სააქციო საზოგადოება „საქგაზში“. 1999 -2004 წლებში იყო საქართველოს მე-5 მოწვევის პარლამენტის წევრი (თეთრიწყაროს მაჟორიტარი), საარჩევნო ბლოკი: „საქართველოს მოქალაქეთა კავშირი“. 2004-2008 წლებში — საქართველოს მე-6 მოწვევის პარლამენტის წევრი (თეთრიწყაროს მაჟორიტარი), საარჩევნო ბლოკი: საინიციატივო ჯგუფი. 2008-2012 წლებში — საქართველოს მე-7 მოწვევის პარლამენტის წევრი პარტიული სიით, საარჩევნო ბლოკი: „ერთიანი ნაციონალური მოძრაობა — გამარჯვებული საქართველოსთვის“. 2012-2016 წლებში — საქართველოს მე-8 მოწვევის პარლამენტის წევრი (თეთრიწყაროს მაჟორიტარი), საარჩევნო ბლოკი: „ერთიანი ნაციონალური მოძრაობა — „მეტი სარგებელი ხალხს“.
პირადი და ოჯახური ცხოვრება
რედაქტირებაჰყავს მეუღლე და ორი შვილი. მისი ძმა, გელა ბეჟუაშვილი იყო საქართველოს მთავრობის წევრი 2004-2008 წლებში.