გრონინგენი

ქალაქი ჰონდსრუგის უკიდურეს ჩრდილოეთ წერტილში დაარსდა. უძველესი დოკუმენტები მის არსებობას 1040 წლისთვის იუწყებიან, თუმცა, იგი ბევრად მეტი ხნის წინაც არსებობდა. აღმოჩენილი არქეოლოგიური ნაკვალევი ძვ. წ. 3950-3720 წლებს მიეუკუთვ��ება. მიუხედავას ამისა, პირველი მნიშვნელოვანი დასახლებები ძვ. წ. III საუკუნეში გაჩენილა.

XIII საუკუნეში, როცა გრონინგენი ვაჭრობის მნიშვნელოვანი ცენტრი იყო, ქალაქის ხელმძღვანელობის დავალებით მისმა მაცხოვრებლებმა დასახლებას კედლები შემოავლეს. დიდი იყო ქალაქის გავლენა მიმდებარე მიწებზე და შედეგად, ენის საკუთარი დიალექტი ჩამოაყალიბა. ქალაქის გავლენის ზენიტი XV საუკუნის ბოლოს იყო, როდესაც მეზობელი ფრისლანდიის პროვინცია მას ექვემდებარეობდა.

1614 წელს დაარსდა გრონინგენის უნივერსიტეტი, ძირითადად რელიგიური განათლებისთვის. ამავე პერიოდში ქალაქი მნიშვნელოვნად გაიზარდა და ქალაქის ახალი კედლებიც აშენდა. ამ კედლებმა მნიშვნელოვანი გამოცდა ჩააბარა 1672 წელს, მესამე ანგლო-ჰოლანდიური ომის დროს, როცა ცეცხლით უტევდა მიუნსტერის ეპისკოპოსი ბერნჰარდ ვონ გალენი.

ქალაქი ვერ გაექცა მეორე მსოფლიო ომის გამანადგურებელ შედეგებს. 1945 წელს, გრონინგენის ბრძოლაში მთლიანად დაინგრა მთავარი მოედანი.

• ნიდერლანდების ქალაქების სია

•   Groningen, ტურისტული მეგზური ვიკივოიაჟზე
• Bus lines^{[მკვდარი ბმული]} (PDF)
• CSM sugar დაარქივებული 2009-08-31 საიტზე Wayback Machine.
• ოფიციალური საიტი
• გრონინგენის მუზეუმი
• Publicexpress bus line
• Tourist information