Crecchio

Crecchio dumunung watara 10 km saka pasisir Adriatik ing sisih tengah kidul region Abruzzo, ing provinsi Chieti. Crecchio iku gampang diparani liwat dalan gedhé nomer A14 (metu ing Ortona), yaiku dalan utama ing Italia sadawaning pasisir Adriatik. Yèn wis metu saka dalan gedhé mau banjur ngetutké dalan kang tumuju menyang Guardiagrele lan Gunung Maiella. Morpologi tlatah iki didominasi déning lembah lan bukit. Elevasi désa iki watara 208 m sadhuwuring sagara.

Tuwuhing kang ndunungi

Sumber sajarah nuduhaké anané kutha iki saora-orané wiwit abad angka 11, lan bukti arkéologi nuduhaké yèn tlatah iki wis didunungi manungsa wiwit jaman Romawi.

Bèntèng misuwur minangka panggonan sajeroning Perang Donya II yaiku nalika, tanggal 10 September, 1943, sawisé gencatan sanjata, Raja Vittorio Emanuele III saka Italia, sajeroning lelaku saka Roma, nginep sawengi ing bètèng sadurungé ninggal Italia saka plabuhan Ortona.

Musiyum Etruscan lan Byzantine, akèh ditekani tamu saben taun, musiyum iki dumunung ing jero bètèng.

Economi mligi dumadi saka babagan tetanèn, lan kebon anggur sarta zaitun ndominasi bukit lan lembah ing tlatah iki. Kebun anggur utama dumunung ing Montepulciano d'Abruzzo lan Trebbiano. Montepulciano ngasilaké anggur abang déné Trebbiano ngasilaké anggur putih. Sawetara aktivitas bisnis mligi ana ing babagan tekstil lan indhustri mesin.

• Situs resmi

Koordinat: 42°18′N 14°19′E / 42.300°N 14.317°E / 42.300; 14.317 Kategori;Géografi