Militèr

Militèr yakuwi angkatan bersenjata saka sawjining nagara lan sakabèhané kang magepokan karo angkatan bersenjata.

Padanan kata liyané yakuwi bala utawa angkatan bersenjata. Militèr racaké dumadi saka para prajurit utawa saradhadhu.

Tembung liya kang cedhak karo militèr yakuwi militèrisme, kang tegesé kurang luwih perilaku tegas, kaku, agrèsif lan otoritèr "kaya militèr". Kamangka pelakuné bisa waé pamimpin sipil.

Amarga lingkungan tugasé mligi ing palagan perang, militèr pancèn dilatih lan dituntut supaya duwé sikap tegas lan dhisiplin. Sajeroning kauripan militèr pancèn dituntut anané hirarki kang jelas lan para atasan kudu bisa tumindak tegas lan wani amarga kang kabawah iku wadyabala mawa sanjata.