Geographia

Geographia
	instantia de: disciplina academic[], academic major[], branca del scientia[*]
	;
	Commons: Geography

Le geographia^[1] [ge-o-gra-fía] es le scientia que studia le superficie del terra e elementos como le climate e le characteristicas topographic de un region.

In senso classic, le geographia es le description del Terra, ma hodie le geographia non solmente describe ma anque explica. Le geographia se considera como un scientia que agglutina tote le altere scientias, tanto natural como social, desde le historia usque le mathematica, viste que le objectos de studio del geographia es multes e multo varie. Nonobstante, le perspectiva del geographia es differente; illo studia le modos de organisation del spatio terrestre, le distribution del elementos que compone le paisage, su formas, su populationes...

Additionalmente, illo establi un dialectica inter le explication e le description del paisage; e inter le methodo inductive e deductive. Per isto, iste elementos debe esser eligite, selectionate, ordinate, judicate e presentate. Le analyse adjuta le geographo a comprender le modos de organisation in le spatio.

Campos principal

Ecce un lista del campos principal que studia le geographia e su scientias principal auxiliar respective.

In le geographia mathematic se studia:
1. topographia, con methodos del geometria e del mathematica.
2. cartographia, con methodos del geometria e del geodesia.
3. geographia astronomic, con methodos del geometria e del geodesia.
4. geomathica, con methodos del geometria e del informatica.
5. orographia, con methodos del geometria e del mathematica.
In le geographia physic se studia:
1. geomorphologia, con methodos del lithologia e del geophysica.
2. climatologia, con methodos del meteorologia e del statistica.
3. glaciologia, con methodos del climatologia e del statistica.
4. hydrologia, continental e marin, con methodos del geologia, del oceanographia e del statistica.
5. pedologia con methodos del edaphologia e del geomorphologia.
6. paleogeographia, con methodos del geographia general e del geologia.
7. biogeographia con methodos del biologia, del botanica, del zoologia, del edaphologia e del ecologia.
In le geographia human se studia:
1. geographia rural, con methodos del agronomia, del climatologia, del statistica e del economia.
2. geographia economic con methodos del mathematica e del economia.
3. geopolitic, con methodos del historia e del economia.
4. geographia medic con methodos del medicina, del mathematica e del statistica.
5. geographia urban, con methodos del urbanismo, del sociologia e del mathematica.

Naturalmente le methodos del historia appare in tote illos usque le puncto que on poterea parlar del geographia cultural, assi como del statistica e del mathematica. Tamben se usa methodos del astronomia e del geodesia pro realisar le mappas (cartographia), assi como le determination de codices de signos que adjuta a interpretar los.

In ultra il es possibile studiar le geographia de forma concrete o general in un zona, region o pais. On parla assi del geographia general e del geographia regional que es lo que se occupa del application del analyse geographic a paises concrete.

Le continentes geographic

Themas connexe

Referentias

↑ Derivation: Entitates: 1. (it) Geografia || 2. (es) Geografía || (pt) Geografia || 3. (fr) Géographie || 4. (en) Geography || Controlo: (de) Geographie || (ru) География || - (Extra): (la) Geographia

[1] Derivation: Entitates: 1. (it) Geografia || 2. (es) Geografía || (pt) Geografia || 3. (fr) Géographie || 4. (en) Geography || Controlo: (de) Geographie || (ru) География || - (Extra): (la) Geographia

[1]