Ռաֆայել Հովհաննիսյան (հեռուստահաղորդավար)

Անվան այլ կիրառումների համար տե՛ս՝ Ռաֆայել Հովհաննիսյան (այլ կիրառումներ)

Ռաֆայել Հովհաննիսյան
Ծնվել է	ապրիլի 2, 1968(1968-04-02) (56 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	ԽՍՀՄ և  Հայաստան
Կրթություն	Երևանի Մխիթար Հերացու անվան Պետական Բժշկական Համալսարան
Պարգևներ և մրցանակներ

Ռաֆայել Հովհաննիսյան (ապրիլի 2, 1968(1968-04-02), Երևան, Հայկական ԽՍՀ, ԽՍՀՄ), հայ հեռուստահաղորդավար և հեռուստանախագծերի հեղինակ, Հայաստանի հանրային հեռուստաընկերության և «Համահայկական աշխարհագրական ասոցիացիա»-ի համագործակցությամբ ստեղծված «Օտար, ամայի ճամփեքի վրա», «Մերոնք» և «Հայաստանի ճամփեքով» հեռուստանախագծերի հեղինակն ու վարողն է։

Ծնվել է 1968 թվականին Երևանում։ 1984-1989 թթ. սովորել է Երևանի Մխիթար Հերացու անվան պետական բժշկական համալսարանում։ 1989-1991 թթ. աշխատել է Աշտարակի ատամնաբուժական պոլիկլինիկայում՝ որպես ատամնաբույժ։ 1991-1994 թթ. եղել է Երևանի բժշկական համալսարանի (ԵրԲԻ) «Ուրախների և հնարամիտների ակումբ»-ի (ՈՒՀԱ) անդամ, 1994-2005 թթ. աշխատել է «Շարմ հոլդինգ»-ում որպես պրոդյուսեր։ 2005 թվականից Համահայկական աշխարհագրական ասոցիացիայի նախագահն է^[1]։

• Հայաստանի սփյուռքի նախարարության Հակոբ Մեղապարտ մեդալ, 2014
• Երևանի քաղաքապետի ոսկե մեդալ, 2016^[2]
• Հայաստանի Արտաքին գործերի նախարարության պատվո մեդալ, 2018^[3]