Հռոմեական արձակուրդներ
Հռոմեական արձակուրդներ (անգլ.՝ Roman Holiday, անգլերենից զուտ թարգմանությամբ՝ Հռոմեական արձակուրդ), 1953 թվականին ռեժիսոր Ուիլյամ Ուայլերի նկարահանած կատակերգական ֆիլմ։
Սյուժե
[խմբագրել | խմբագրել կոդը]Ֆիլմի հերոսուհին եվրոպական երկրների մեկի արքայադուստր է՝ Աննան, ով ապրում է թագավորական ճոխ կյանքով։ Սակայն ամեն օր պլանավորվող հանդիպումները ու խիստ ռեժիմի օրակարգը արդեն հոգնեցնում են գեղեցկուհի Աննային, և նրան հագստացնելու համար բժիշկը նրան հաճախ հանգստացնող ու քնաբեր դեղեր է ներարկում։ Մի անգամ նա ուղևորվում է Իտալիայի մայրաքաղաք Հռոմ մասնակցելու բարձրաստիճան անձանց պարահանդեսի։
Չդիմանալով պարահանդեսի լարված մթնոլորտին նա գիշերով թաքուն փախչում է տնից ու սկսում զբոսնել Հռոմում, ինչը շատ դուր է գալիս նրան, որովհետև դա առաջին անգամ էր, որ նա մենակ էր, ու նրան ոչ ոք չէր ուղեկցում։ Զբոսնելու ժամանակ Աննան հոգնում է ու թմրում քնաբերի ազդեցությունից և քնում հենց ճանապարհի եզրի մայթին։
Նրան գտնում է ամերիկացի լրագրող Ջո Բրեդլին, ով աշխատանքից ազատվելու եզրին էր, և վերադառնում էր գինետնից։ Կիսաքուն վիճակում Ջոն հարցնում է Աննային թե որտեղ է նա ապրում ու չհասականալով նրան ստիպված տանում իր հետ իր բնակարան։
Առավոտյան արդեն Աննայի փախուստի լուրը տարածվում է ամբողջ Հռոմով մեկ, իսկ նրա լուսանկարները տպագրվում են թերթերում ու հեռուստեսությամբ հարղորդում նրա մասին։ Ջոն, ով դեմքով չէր ճանաչում Աննային, արդեն լուսանկարներից ճանաչում է նրան ու հարցազրույց վերցնում նրանից։ Այդ մասին Ջոն տեղյակ է պահում իր պետին, ասելով որ նա կարող է շատ հետաքրքիր հոդված տպագրել։ Այդ ժամանակից սկսվում է Աննայի, Ջոյի ու իր ընկեր լուսանկարիչ Իրվին Ռադովիչի զավեշտալի արկածները Հռոմում ...
Դերակատարներ
[խմբագրել | խմբագրել կոդը]| Դերակատար | Դեր |
|---|---|
| Գրեգորի Պեք | Ջո Բրեդլի |
| Օդրի Հեփբերն | արքայադուստր Աննա |
| Էդդի Ալբերտ | Իրվին Ռադովիչ |
| Հարթլի Փաուեր | Հենեսի |
| Էդդի Ալբերտ | Իրվին Ռադովիչ |
| Հարկուտ Ուիլյամս | դեսպան |
Մրցանակներ և վարկանիշային ցանկեր
[խմբագրել | խմբագրել կոդը]Մրցանակներ
[խմբագրել | խմբագրել կոդը]Ֆիլմը ստացել է 6 կինոմրցանակ, ներկայացված է եղել ևս 11-ի, որոնց թվում 3 Օսկար, լավագույն դերասանուհի (Օդրի Հեփբերն), Լավագույն հանդերձանքի դիզայն (Էդիտ Հիդ), Լավագույն հարմարեցված սցենար (Դալտոն Տրամբո), 1 Ոսկե Գլոբուս (Օդրի Հեփբերն, լավագույն դրամայի դերասանուհի), 1 BAFTA (ներկայացվել է ևս 3-ի) և այլն։ 1999 թվականին ֆիլմն ընդգրկվել է Ամերիկյան ֆիլմերի ազգային ռեեստրում։
Ֆիլմը վարկանիշային ցանկերում
[խմբագրել | խմբագրել կոդը]«Հռոմեական արձակուրդ» ֆիլմը ընդգրկված է Ամերիկյան կինոկադեմիայի կողմից կազմված տարբեր վարկանիշային ցանկերում հետևյալ տեղերում՝
- Ամերիկյան բոլոր ժամանակների 10 լավագույն ֆիլմեր ըստ 10 ժանրերի - 4-րդն է որպես ռոմանտիկ կատակերգություն
- Ամերիկյան բոլոր ժամանակների 100 լավագույն սիրային ֆիլմեր - 4
- ներկայացվել է Ամերիկյան բոլոր ժամանակների 100 լավագույն ֆիլմեր ցանկին
- 250 լավագույն ֆիլմեր IMDb-ի վարկածով ցանկում 227-րդն է (2012 թվականի մայիսի դրությամբ)։
Կադրեր ֆիլմից
[խմբագրել | խմբագրել կոդը]-
Գրեգորի Պեքի հերոս Ջո Բրեդլի -
Օդրի Հեփբերնի հերոսուհի Աննա -
Օդրի Հեփբերնն ու Գրեգորի Պեքը մոտոցիկլետով -
Ջոն վախեցնում է Աննային՝ ձևացնելով, որ արձանը կերավ ձեռքը -
Ջոն, Աննան և Իրվինը սրճարանում -
Ջոն ու Աննան Հռոմի «Իսպանական աստիճանների» վրա
Ծանոթագրություններ
[խմբագրել | խմբագրել կոդը]- ↑ https://web.archive.org/web/20200614203602/https://www.bfi.org.uk/news-opinion/news-bfi/lists/10-great-films-about-brief-encounters
- ↑ Lexicon of international films (գերմ.) — Zweitausendeins.
- ↑ 3,0 3,1 Internet Movie Database — 1990.
- ↑ 4,0 4,1 https://www.filmaffinity.com/en/film646581.html
- ↑ http://www.imdb.com/title/tt0046250/
- ↑ 6,0 6,1 6,2 6,3 http://stopklatka.pl/film/rzymskie-wakacje
- ↑ 7,00 7,01 7,02 7,03 7,04 7,05 7,06 7,07 7,08 7,09 http://www.imdb.com/title/tt0046250/fullcredits
- ↑ 8,0 8,1 http://www.metacritic.com/movie/roman-holiday
- ↑ 9,0 9,1 9,2 9,3 9,4 ČSFD (չեխերեն) — 2001.
Արտաքին հղումներ
[խմբագրել | խմբագրել կոդը]- Ինչպես է նկարահանվել. «Հռոմեական արձակուրդներ»
- Հռոմեական արձակուրդ(անգլ.) ֆիլմը Internet Movie Database կայքում
- «Հռոմեական արձակուրդ»(անգլ.) ֆիլմը Allmovie կայքում:
- Հռոմեական արձակուրդ(անգլ.) ֆիլմը Rotten Tomatoes կայքում
 | Վիքիպահեստն ունի նյութեր, որոնք վերաբերում են «Հռոմեական արձակուրդներ» հոդվածին։ |
| ||||||||||||||||
- Հռոմում նկարահանված ֆիլմեր
- Ֆիլմեր այբբենական կարգով
- 1950-ականների անգլերեն ֆիլմեր
- 1953 ֆիլմեր
- Paramount Pictures ֆիլմեր
- ԱՄՆ-ի ֆիլմերի ազգային գրանցամատյանի ֆիլմեր
- Ամերիկյան կինոկատակերգություններ
- Ամերիկյան ռոմանտիկ կինոկատակերգություններ
- Ամերիկյան սև-սպիտակ ֆիլմեր
- Ուիլյամ Ուայլերի ֆիլմեր
- Սև-սպիտակ ֆիլմեր
- Օսկարակիր ֆիլմեր
- 1950-ականների ամերիկյան ֆիլմեր
- Ֆիլմերի երաժշտություն ըստ Ժորժ Օրիկի