Գենադի Տիշչենկո

Գենադի Տիշչենկո;
Ծնվել է	հուլիսի 14, 1948
Ծննդավայր	Բաքու, Ադրբեջանական ԽՍՀ, ԽՍՀՄ
Մահացել է	հուլիսի 20, 2024 (76 տարեկան)
Քաղաքացիություն	ԽՍՀՄ և Ռուսաստան
Մասնագիտություն	կինոռեժիսոր և սցենարիստ
Կայք	tishchenko.ru
	Gennady Tishchenko Վիքիպահեստում

Գենադի Տիշչենկո (ռուս.՝ Геннадий Иванович Тищенко հուլիսի 14, 1948(1948-07-14), Բաքու, Ադրբեջանական ԽՍՀ, ԽՍՀՄ - հուլիսի 20, 2024(2024-07-20)), ռուս և խորհրդային ռեժիսոր-մուլտիպլիկատոր, կինոռեժիսոր, նկարիչ և սցենարիստ։

Կենսագրություն

Գենադի Տիշչենկոն ծնվել է Բաքվում։ Երիտասարդ տարիներին նրա վրա մեծ ազդեցություն են ունեցել Կոնստանտին Ցիոլկովսկու և Իվան Եֆրեմովի գրքերը. «Հենց Ցիոլկովսկու և Իվան Եֆրեմովի գրքերը ձևավորել են իմ մեջ հավատն առ այն, որ միայն տիեզերքի հետազոտությունն ու յուրացումն են երաշխավորում երկրային հասարակության ներդաշնակ զարգացումը և մարդկության անմահությունը»^[1]։

1966-1968 թվականներին սովորել է «Ադրբեջանֆիլմ» կինոստուդիային կից նկարիչ-մուլտիպիլկատորների կուրսում։ 1960-ական թվականներին սկսել է նկարել ֆանտաստիկ թեմաներով նկարներ։ 1970 թվականին հաղթել է ֆանտաստ-նկարիչների «Վաղվա օրվա աշխարհը» միջազգային մրցույթին։ 1974-1979 թվականներին սովորել է Ադրբեջանի ճարտարապետության և շինարարության համալսարանի ճարտարապետության ֆակուլտետում։

Սցենարիստների և ռեժիսորների բարձրագույն դասընթացներն ավարտելուց հետո Տիշչենկոն մուլտֆիլմերում աշխատում է որպես ռեժիսոր, նկարիչ-մուլտիպլիկատոր և սցենարիստ։ Դիպլոմային աշխատանքը եղել է «Իյոն Տիխոյի օրագրից» (1985 թվական) մուլտֆիլմն ըստ Լեմ Ստանիսլավի պատմվածքի մոտիվների։ Աշխատել է Էկրան ստեղծագործական միությունում (1988-2000 թվական)։ Նկարահանել է մոտ 10 մուլտֆիլմ, այդ թվում` «Գեոնայի վապիրները», «Գեոնայի տերերը», «ԱՄԲԱ» մուլտֆիլմերը, որոնց եղել են չիրականացված «Աստղային աշխարհ» շարքի սկիզբը։ Նկարահանել է գովազդային և երաժշտական տեսահոլովակներ և վավերագրական ֆիլմեր։

2004 թվականին «Աստղային կամուրջ» փառատոնում «Միստեր Բլիս» մուլտֆիլմը ցուցադրվել է ըստ Ջոն Ռոնալդ Ռուել Թոլքինի համանուն հեքիաթի^[2]։

Որպես նկարիչ Գենադի Տիշչենկոն համահեղինակել է «Իվան Եֆրեմով» գիրքը` Նշանավոր մարդկանց շարքից և «Իվան Եֆրեմովի նամակագրությունը» գիրքը։

Ֆիլմագրություն

Մուլտֆիլմեր

1985 թվական` Իյոն Տիխովյի օրագրից։ Ճանապարհորդություն դեպի Ինտերոպիա
1987 թվական` Եվ արձագանքին կարձագանքի
1988 թվական` Պահպանեք անտառը
1989 թվական` Եկվորների առաքելությունը
1990 թվական` Ինչո՞ւ հավերը չեն կտցահարում գումարը
1991 թվական` Գեոնայի վապիրները
1992 թվական` Գեոնայի տերերը
1993 թվական` Պիպան և ցուլը
1994-1995 թվականներ` ԱՄԲԱ
1997 թվական` Ֆոտոկախարդանք (սերիա 1)
1998 թվական` Ֆոտոկախարդանք (սերիա 2)
2004 թվական` Միստեր Բլիս
2005 թվական` Կատուն
2006 թվական` Ֆաստիտակալոն

Վավերագրական ֆիլմեր

2003 թվական` Ռուսաստանի ապագան
2005 թվական` Իվան Եֆրեմովի գաղտնիքը
2005 թվական` Արտերկրային բանականությունը

Ծանոթագրություններ

↑ «Сайт Ганнадия Тищенко. Миры Ивана Ефремова». Արխիվացված է օրիգինալից 2020 թ․ հուլիսի 3-ին. Վերցված է 2020 թ․ օգոստոսի 18-ին.
↑ «Владимир Пузий. «Сказка Толкина ожила в России»». Արխիվացված է օրիգինալից 2007 թ․ սեպտեմբերի 15-ին. Վերցված է 2008 թ․ հունիսի 11-ին.

Գրականություն

Сергей Капков Энциклопедия отечественной мультипликации. — М.: Алгоритм, 2006. — С. 640. — 816 с. — 3000 экз. — ISBN 5-9265-0319-4

Արտաքին հղումներ

Վիքիպահեստն ունի նյութեր, որոնք վերաբերում են «Գենադի Տիշչենկո» հոդվածին։

[1] «Сайт Ганнадия Тищенко. Миры Ивана Ефремова». Արխիվացված է օրիգինալից 2020 թ․ հուլիսի 3-ին. Վերցված է 2020 թ․ օգոստոսի 18-ին.

[2] «Владимир Пузий. «Сказка Толкина ожила в России»». Արխիվացված է օրիգինալից 2007 թ․ սեպտեմբերի 15-ին. Վերցված է 2008 թ․ հունիսի 11-ին.

[1]