Ջերմային հյուծում

Ջերմային հյուծում, շոկի տեսակ, որը զարգանում է առատ քրտնարտադրության հետևանքով մարմնի ջրազրկումից։

Տաք միջավայրում երկարատև լարված աշխատելու ընթացքում քրտնարտադրությունն ուժեղանում է։ Դրա հետևանքով տուժածը մեծ քանակությամբ հեղուկ և աղեր է կորցնում։ Շոգ օրվա ընթացքում մարդը քրտնելու արդյունքում կարող է կորցնել մինչև. 10 լիտր հեղուկ։ Առատ քրտնարտադրության հետևանքով մարմնում նվազում է արյան ծավալը։

Կենսական կարևոր օրգանների արյունամատակարարումն ապահովելու համար նեղանում են մաշկի և վերջույթների արյունատար անոթները։ Զարգանում է շոկային իրավիճակ՝ ջերմային հյուծում։ Ջերմային հյուծմանը կարող են նախորդել ջերմային ցնցումները։ Ջերմային հյուծումն ավելի հաճախ հանդիպում է մարզիկների, հրշեջների, շինարարների և նրանց մոտ, ովքեր տաք հագնված երկար ժամանակ գտնվում են շոգ և բարձր խոնավության պայմաններում։ Տուժածի մարմնի ջերմաստիճանը կարող է լինել նորմալ, կամ սովորականից մի փոքր ցածր կամ բարձր։

• սառը, խոնավ, գունատ մաշկ,
• թուլություն,
• գլխացավ, գլխապտույտ,
• ծարավի զգացում,
• արագացած, թույլ անոթազարկ,
• սրտխառնոց, փսխում,
• հաճախացած շնչառություն։

• Խորհուրդ տվեք տուժածին դադարեցնել ֆիզիկական աշխատանքը։
• Տեղափոխեք տուժածին հով, ստվերոտ վայր։
• Պառկեցրեք տուժածին, բարձրացրեք նրա ոտքերը մոտ 25 սմ։
• Թուլացրեք ճնշող կապերը և թեթևացրեք հագուստը։
• Եթե տուժածը գիտակից վիճակում է, տվեք ջրազրկման ժամանակ տրվող սառը հեղուկ, կամ սառը հանքային ջրեր։
• Ահազանգեք շտապ օգնություն։
• Վերահսկեք տուժածի վիճակը, գրանցեք տվյալները և ցուցաբերեք համապատասխան առաջին օգնություն։

• Արևահարություն
• Ջերմային հարված
• Ջերմային ցնցում
• Ընդհանուր սառեցում
• Ջերմահարություն

^[1]

1. ↑ «Արևահարություն». www.dasaran.am. Արխիվացված է օրիգինալից 2020 թ․ ապրիլի 11-ին. Վերցված է 2020 թ․ մայիսի 20-ին.