Բիսուլֆիտներ

Բիսուլֆիտներ, թթու սուլֆիտներ, ծծմբային թթվի թթու աղերը։

Պինդ վիճակում ստացվել են միայն ալկալիական մետաղների բիսուլֆիտներ (օրինակ՝ ${\displaystyle NaHSO_{3},KHSO_{3}}$ ևն), իսկ հողալկալիական մետաղների բիսուլֆիտներ (օրինակ՝ ${\displaystyle Ca(HSO_{3})_{2}}$ ևն) հայտնի են միայն ջրային լուծույթներում։ Ջրում ավելի լավ են լուծվում, քան համապատասխան մետաղների սուլֆիտները։ Բիսուլֆիտներ ջրային լուծույթներում օքսիդանում են օդի թթվածնով՝ առաջացնելով սուլֆատներ։ ${\displaystyle Na}$-ի և ${\displaystyle K}$-ի բիսուլֆիտներ տաքացնելիս վերածվում են պիրոսուլֆիտների՝ տաքացնելիս վերածվում են պիրոսուլֆիտների՝ ${\displaystyle Na_{2}S_{2}O_{5}}$ և ${\displaystyle K_{2}S_{2}O_{5}}$, որոնք հայտնի են նաև մետաբիսուլֆիտներ անվան տակ։ Բիսուլֆիտներ ստանում են կարբոնատների ջրային լուծույթների կամ կախույթների մեջ ${\displaystyle SO_{2}}$ բաց թողնելով։ ${\displaystyle NaHSO_{3}}$ օգտագործվում է տեքստիլ և այլ արդյունաբերություններում (որպես սպիտակեց��ող միջոց) և լուսանկարչության մեջ, ${\displaystyle Ca(HSO_{3})_{2}}$ ջրային լուծույթները՝ փայտանյութից ցելյուլոզ ստանալիս։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 2, էջ 445)։